1 Pitar 4:13 - Ȧŋlemrȧnɛ Ȧfu

¹³ Kɛrɛ ba ti məbɔnɛ ma nə ba ȧgbȧp ka ȧŋnȧkȧsi ŋa Krayst, kȧmȧ ma aŋyiki ŋɔŋ aŋ ŋaibinɛ-e, nə tə yasanɛ yi məbɔnɛ məbana.

1 Pitar 4:13 ပူးပေါင်းရင်းမြစ်များ

Mathiu 16:27

kotȧy-e ɔWan ka wuni ɔ tǝ der ka aŋyiki ŋa ɔKas kɔŋ yi aŋmȧleka ŋɔŋ. Ɔwa ka ȧŋlɔkɔ ŋati ɔ tǝ sɔŋ wuni o wuni amɔlɔ ma mȧyɔs mɔŋ mǝ yi.

Mathiu 25:21

Ɔmariki kɔŋ ɔ pa ro ŋɔŋ, Mǝ yɔ ɔlompi, munɔ mun bɔy ufinɔ ubɔthi lanɛ. Mǝ po yi ubɔthi lanɛ rǝ yɛt ɛthan. I ti bot mu rokɔm ka yɛt ɛgbathi. Wɔŋ ka mabɔnɛ ma ɔmarki ka mu.

Mathiu 25:23

Ɔmariki kɔŋ ɔ pa ro ŋɔŋ, Mǝ yɔ ɔlompi, munɔ mun bɔy ufinɔ ubɔthi lanɛ; mǝ po yi ubɔthi lanɛ rǝ yɛt ɛthan, i ti bot mu rokɔm ka yɛt ɛgbathi. Wɔŋ ka mabɔnɛ ma ɔmarki ka mu.

Mathiu 25:31

Kɛrɛ ma ɔWan ka wuni ɔ po der ka aŋyiki ŋɔŋ, yi aŋmȧleka aŋa yi yi kɔnɔȧŋ, ka ȧŋlɔkɔ ŋati ɔ tǝ yirȧ ka kawaŋ ka rȧbȧy ka aŋyiki ŋɔŋ-e,

Mathiu 25:34

Ka ȧŋlɔkɔ ŋati ɔBȧy ɔ tǝ pa ro ŋaŋ ka kȧdiyɔ kɔŋ, Der nu naŋ aruba ŋa ɔKas kȧmi, wɔŋ nu ka rȧbȧy ara a bɛnɛnɛ ta ȧtȧ nu kǝbi ma ȧdȧru rǝ tǝpɛ.

Mathiu 5:12

Sel nu mǝbɔnɛ, ta pǝ bɔnɛ nu ɔthasǝr, kotȧy-e ȧŋram a nu aŋ yi ȧbana ro riyana; ȧtesoma-e ya a sɔmpa aŋnabi aŋa yi thǝpaŋ.

Mark 8:38

Ȧtesoma-e wuni o wuni ɔwe mə lap mi yi ȧsim ta mi-e, ka rȧkomra rərəpi are yi ɛhakɛ ɛye-e; ɔWan ka wuni ɔ tə lap kɔ sɔ, ka ȧŋlɔkɔ ma ɔ der ka aŋyiki ŋa ɔKas kɔŋ yi aŋmȧleka asəm.

Luk 17:30

Ya pə tə yi sɔ ka ȧŋrey aŋa ɔWan ka wuni ɔ tɔrinɛ.

Mȧyɔs ma aŋsom 16:25

Kɛrɛ mɔlɔ ma kəren datɔŋ Pɔl yi Sailas aŋ ramnɛ aŋ lensir Kuru rə məleŋ, ɔwa antɛndɛbira aŋ təlȧ ŋa.

Mȧyɔs ma aŋsom 5:41

Tiyȧŋ aŋ wur rodi ka aŋSanhedrin, aŋ sel məbɔnɛ ta ma a lɔm ŋa abeki tə kəsɔthɔ məlap ta ȧŋes.

AŋRomans 5:3

Ɔwa pə yi hɛ gbo yaŋ, kɛrɛ sə sel məbɔnɛ ka ɛsɔmpanɛ ɛ su sɔ, ma sə tȧrȧ kəpa kȧsɔmpanɛ kə tə kom kȧmuyu;

AŋRomans 8:17

Ɔwa bepi sə yi awuth-e, sə yi thɔŋ abȧki ŋa akɛŋ, abȧki ŋa Kuru, yi aŋyeranɛ dɛ yi Krayst salata rabȧki, bepi pə yi sə nakasi yi kɔn, kȧmȧ sə sɔthɔ aŋyiki yi kɔn.

AŋRomans 8:18

kotȧy-e, i botər ti rə ȧmerȧ kəpa kanakasi ka ȧŋlɔkɔ aŋe kə bek hɛ tə kəthunthanɛ dɛ yi aŋyiki aŋa yi tə kətɔrinɛ do rɔsu.

2 AŋKɔrenth 1:5

kotȧy-e mɔ mə ɛnakasi ya Kraystȧŋ ɛ la do rɔsu-e, yaŋ sɔ kȧbɛfəth kȧsu kə la asabu ŋa Kraystȧŋ.

2 AŋKɔrenth 1:7

Ɔwa kagbak ȧmerȧ kȧsu ta ȧtȧ nu kə yi kəbaksər, ma sə tȧrȧ kəpa, mɔ mə nə yi apantnɛ ka ɛsɔmpanɛ-e, yaŋ sɔ nə yi ka kȧbɛfəth.

2 AŋKɔrenth 4:10

Sə tɔrinɛ dɛr o dɛr ka madɛr ma su, kafi ka ɔMarki Yisɔs, kȧmȧ aŋesəm sɔ ŋa Yisɔs aŋ gbəli tɔrinɛ ka madɛr ma su.

2 AŋKɔrenth 4:17

kotȧy-e kasɔmpanɛ kȧsu kəfəŋf, ȧke yi gbo ta alɔkɔ agbut, kə mə bȧr yɔna su ayiki alel ɔthasər ta thəbana;

AŋFilipai 3:10

Kaŋka gbo i gbəli tȧrȧ kɔ yi aŋfɔsɔ ŋa kakal yokanɛ kɔŋ ka rafi, tə kəyeranɛ ȧŋsɔmpanɛŋ ŋɔŋ, ɔwa sɔ-e, kȧmȧ i fi hali mɔ kɔnɔ ɔ fi.

AŋKɔlɔsi 1:24

Ka-ake i ba məbɔnɛ asabu ŋa ɛsɔmpanɛ ɛ mi ta ȧtȧ nu, ka i lasər ȧŋsɔmpanɛŋ ŋa Krayst ka ȧŋdɛr a mi salata ȧŋdɛr ŋɔŋ, pə yi mɔ-e, aŋchɔch.

2 Timɔthi 2:12

Bepi sə sɔmpanɛ-e sə tə gbəka sɔ yi kɔn; bepi sə pɛnsa kɔ, kɔnɔ sɔ ɔ tə pɛnsa su.

1 Pitar 1:13

Tiyȧŋ bȧksər nu ɛmerȧ ɛ nu, ɔwa yi nu kəthɛgbɛ; kȧl gbakər ȧmerȧ ɔgbenthis ka ȧŋboŋa aŋa yi ta ȧtȧ nu ka kaŋaibinɛ ka Yisɔs Kraystȧŋ.

1 Pitar 2:21

Ȧtesoma-e ta ȧte tə a po nu tela, kotȧy-e Kraystȧŋ ɔ sɔmpanɛ ta ȧtȧ su, kətia su amɔl kȧmȧ nə tȧŋ ka mani mɔŋ.

1 Pitar 5:1

I maŋ aŋbȧki aŋa yi kətɔŋ ka nu, minɛŋ min yi sɔ ubaki dɛ yi useri ka ȧŋnȧkȧsi ŋa Kraystȧŋ, minɛ ba sɔ ani ka aŋyiki aŋa mə a re ŋaibi.

1 Pitar 5:10

Kɛrɛ ɔKuru ka aboŋa bɛ, ɔwe po tela su tə kəwɔŋ ka aŋyiki ŋɔŋ athəbana-e, kətaŋ ka Krayst Yisɔsȧŋ, ma nə po nakasi ɔthan-e, kɔn kɔnɔnɛ ɔ tə gbenthis nu, ɔ tə bȧksər nu, ɔ tə lompəs nu.

Yud 1:24

Ɔwa ɔwe gbəli bɛnɛ nu kəte yɛthȧ, ɔwa ɔ təmər nu kəte ba apora rodi ka ayiki ŋɔŋ yi məbɔnɛ məbana;

Kȧŋȧibinɛ 1:7

Kəla, kɔnɔ mə derȧŋ yi turu təfera, ɔwa rəfɔr o rəfɔr rə tə nənk kɔ, dɛ yi ŋa sɔ aŋa raf kɔ; ɔwa tȧbona bɛ ta ȧdȧru tə tə bok ta atɔŋ. Ta pə yi ti yaŋ, Amina.

Kȧŋȧibinɛ 1:9

Minɛŋ, Yɔn, ɔwɔnt yi ɔkas ka nu ka asɔmpanɛ, yi ka rȧbȧy dɛ yi kamuyu ka Yisɔs Kraystȧŋ, i yi ka aŋyel aŋa mə a bont Patmɔs salata ȧrim ra Kuru, yi ta maseri ma Yisɔs Kraystȧŋ.