1 Pitar 4:11 - Ȧŋlemrȧnɛ Ȧfu

¹¹ Bepi wuni o wuni ɔ kawandi-e, ta pə yi mɔ ɔ fɔf tȧteŋ ta Kuru; bepi wuni o wuni ɔ yɔna ulɔm-e, ta ɔ yɔ ti ka kagbəli ka Kuru, kȧmȧ Kuru ɔ sɔthɔ ayiki salata tȧy o tȧy kətaŋ ka Yisɔs Krayst ɔwe ba kəthɔkəs yi afɔsɔ haŋ thȧnkȧŋ thəbana, Amina.

1 Pitar 4:11 ပူးပေါင်းရင်းမြစ်များ

Mathiu 6:13

Te su wɔŋȧ rǝ tȧy tǝgbɔns kɛrɛ wurɔ su ka mətȧy mǝlǝs; ȧtesoma-e munɔ ba rȧbȧy yi aŋfɔsɔ yi aŋyiki thȧnkȧŋ thǝbana, Amina.

Yɔn 13:31

Tiyȧŋ ma ɔ po wur rokaŋ-e, Yisɔsȧŋ ɔ pa, Ka-ake a yikis ɔWan ka wuni, ka Kurɔŋ ɔ sɔthɔ ayiki ro ŋɔŋ;

Mȧyɔs ma aŋsom 7:38

kɔnɔ ɔwe la yi kətɔŋ ka aŋchɔch ro wula yi ɔmaleka ɔwe fɔfȧnɛ kɔ ka kateŋ Saynay, yi ka aŋkas a su; ɔwe sɔthɔ sim təkəli tə kəsɔŋ su.

AŋRomans 11:36

kotȧy-e ɛyɛt bɛ ɛ yi kətȧŋȧnɛ dɛ yi kəwur do rɔŋɔŋ, ɔwa ɛ yi ta atɔŋ bɛ; ɔwa ta kɔnɔ yi ayiki ta thȧnkȧŋ thəbana. Amina.

AŋRomans 12:3

kotȧy-e, salata ȧŋboŋa aŋa a sɔŋ mi-e, i pa ka wuni o wuni ɔwe yi kətɔŋ ka nu, ta ɔ te nanɛnɛ pəthas ȧtȧ ɔ yi tə kənanɛ; ta ɔ nanɛ gbo rə ȧmerȧ akəthɛgbɛ, ukin o kin mɔ mȧ Kuru ɔ poŋ thuntha kɔ kȧlanɛ.

AŋRomans 16:27

ta ayiki aŋ yi ka ɔKuru utempi son, salata Yisɔs Kraystȧŋ thȧnkȧŋ thəbana. Amina.

AŋRomans 3:2

Agbathi gbo rə roŋ o roŋ. Ka ɔtɔtɔkɔ, pəkasifɛ a maŋkər anYuda mȧgbal məsəm ma Kuru.

1 AŋKɔrenth 10:31

Ȧŋsabu aŋ yi kəpa, bepi nə di-e, thalɔm nə mun-e, thalɔm nə yɔ tȧy o tai-e, yɔ ti nu bɛ salata aŋyiki ŋa Kuru.

1 AŋKɔrenth 12:4

Ɔwa ɛboya ɛgbanthɛ tətəp ɛ yi, kɛrɛ ɔYina məsəm ukin gbo,

1 AŋKɔrenth 3:10

Kətaŋanɛ ka ȧŋboŋa ŋa Kuru aŋa a sɔŋ mi-e, mɔ wuni tȧrȧ seth, i po bot ɔtəmər, ka ulɔm ɔ seth rokɔm kati. Kɛrɛ tha wuni o wuni ɔ botər ȧmerȧ mɔ mə ɔ sal ri.

1 AŋKɔrenth 6:20

kotȧy-e a po wai nu mɔlɔ məbaki. Tiyȧŋ yikis Kuru ka madɛr ma nu.

2 AŋKɔrenth 2:17

kotȧy-e sə yi hɛ mɔ agbȧthi aŋa mə ləsər ȧrim ra Kuru, kɛrɛ sə fɔf ta Krayst rɛ ȧmerȧ ȧferȧ mɔ anthith ŋa Kuru ka kȧbəprȧnɛ kɔŋ.

2 AŋKɔrenth 9:13

Ɔwa ma a gbɛlɛŋ nu asabu ŋa kayerəs ake, aŋ yikis Kuru ta kawop aŋgbithanɛ ka nu ka ȧsim təfinɔ ta Kraystȧŋ, rɛ yi ta kȧfosiri ka nu ta ȧtȧ ŋaŋ, dɛ yi ta afəm bɛ.

AŋƐfisɔs 1:19

dɛ yi ko aŋfɔsɔ ŋɔŋ ŋə yi abana ɔthasər-e do rɔsu aŋa lanɛ, mɔ mə kagbəli kɔŋ kəninis kə yi,

AŋƐfisɔs 4:29

Te nu selɔ rim o rim rələs rə wur ka tasəŋ ta nu, kɛrɛ fɔf gbo sim təfinɔ ȧtȧ mə yi təbeki tə kəsɔŋ aboŋa ka ŋaŋ aŋa mə təl.

AŋƐfisɔs 5:20

Sɔŋ Kuru ɔKas mɔmɔ alɔkɔ bɛ ta tȧy o tȧy ka ȧŋes ŋa ɔMarki kȧsu Yisɔs Kraystȧŋ.

AŋƐfisɔs 6:10

Ka kaləpsɔ, aŋwɔnt a mi, yi nu abȧki mədɛr ka ɔMarki, dɛ yi ka aŋfɔsɔ ŋa kagbəli tȧy kɔŋ.

AŋFilipai 1:11

Kama nə la yi mȧkomi ma mȧlompi ama der kətȧŋȧnɛ ka Yisɔs Krayst kəkɔ ka aŋyiki dɛ yi kathɔkəs ka Kuru Məsaba.

AŋFilipai 2:11

kȧmȧ kəsəŋ o kəsəŋ kə seri kəpa Yisɔs Krayst ɔ yi ɔMarki ka aŋyiki ŋa Kuru ɔKas.

AŋKɔlɔsi 4:6

Yɔ kȧmȧ mafɔf ma nu mə yi rə aboŋa mɔ mə a bɔthəs rəka rɛ mɛr lɔkɔ o lɔkɔ, kȧmȧ nə tȧrȧ to mə nə yi tə kəgbaki wuni o wuni.

1 AŋThɛsȧlonika 2:4

kɛrɛ mɔ mə Kuru ɔ nənk su abɔthi lanɛ tə kətɔri ȧkɛra kəfinɔ kɔŋ, yaŋ mə sə fɔf; pə yi hɛ tə kəbɔnɛs wuni kəpet, kɛrɛ tə kəbɔnɛs Kuru ɔwe mɛm ɛmerȧ ɛ su.

1 Timɔthi 1:17

Ɔwa ka-ake, ta ɔBȧy ka thəbana, ɔwe te fi, ɔwe sə te nəŋka rəfɔr, ɔKuru utempi son, ta ɔ sɔthɔ yiki yi kəkolo thȧnkȧŋ thəbana, Amina.

1 Timɔthi 6:16

ɔwe pə yi kɔn son ɔ ba aŋesəm thəbana ka aŋyɛthɛ ŋɔŋ, rə kəyira ka ȧŋmothȧ aŋa wuni o wuni ɔ gbəli hɛ fatər; ɔwe wuni o wuni ɔ te tha nənk, ta a pa ras ɔ gbəli hɛ nənk; ɔwe ba yiki yi afɔsɔ thȧnkȧŋ thəbana, Amina.

Taytɔs 2:1

Kɛrɛ munɔ mə yi tə kətaməs mȧtȧy ama mar kathəksa ka tȧteŋ.

Taytɔs 2:15

Tɔri mȧtȧy ame-e, ɔwa maŋ dɛ yi ŋal rə afɔsɔ bɛ. Te selɔ wuni o wuni ɔ farki mu.

AŋHibru 13:7

Nanɛ nu ŋaŋ aŋa yi aŋkərbomp a nu aŋa po tɔri nu ȧsim ta Kuru; kala ȧmerȧ ka mayi maŋ, ɔwa tansanɛ kȧlanɛ ka naŋ.

AŋHibru 5:12

Kotȧy-e thambe wuni ɔ kȧl thəksa nu ɛkolo ɛtɔtɔkɔ ya ȧrim ra Kuru-e, kədarəŋ ka ka ȧŋlɔkɔ awoni aŋe nə yi naŋ tə kəyi akarmɔkɔ. Nə səkɛ mɔ ŋaŋ aŋa yema manɔnɔ beta ȧdarədi rəbaki mɔ ɔsɛm.

Yeməs 1:19

Tiyȧŋ awɔnt abɔthər, ta wuni o wuni ɔ yi tɛmp tɛmp tə kətəl, ta ɔ te yeŋk fɔf, ta ɔ te yeŋk bansȧ.

Yeməs 1:26

Bepi wuni o wuni kətɔŋ ka nu ɔ nanɛ kəpa ɔ yi ka aroŋ da Kuru, kɛrɛ ɔ wop hɛ ramer rɔŋ-e ɔ tɔns ȧŋmerȧ ŋɔŋ, ɔwa kakɔth kɔŋ ka aroŋ da Kuru kə yi kətiŋ.

1 Pitar 2:12

Kɔth nu ɔlompi kətɔŋ ka tȧbona təlɔm kȧmȧ pə yi, hali aŋ tɛntɛ bont nu afəm aləs-e, maŋ nənk mȧyɔs ma nu məfinɔ, ka ȧŋrey ŋa asɔmpanɛ aŋ tə yikis Kuru Məsaba.

1 Pitar 2:5

Ɔwa naŋ gbeŋ mɔ məsar məkəli, a kianɛ nu tə kəseth aseth ŋa ɔYina, tə kəyi rəfode rəsəm, kȧmȧ nə wurɔ sathka təsəm ȧtȧ Kuru mɔ malanɛ kətaŋ ka Yisɔs Kraystȧŋ.

1 Pitar 4:10

mɔ mə wuni o wuni ɔ po sɔthɔ ȧŋboya, ya nə yi tə kəkiyanɛ ŋi rə kəmar ukin dɛ yi ulɔm mɔ ȧbɔy ufinɔ ŋa ȧŋboŋa ŋa Kuru.

1 Pitar 4:16

Kɛrɛ bepi wuni o wuni ɔ sɔmpanɛ pəkasifɛ ɔ yi wuni ka Kraist-e, ta ɔ te ti lap; kɛrɛ ta ɔ yikis Kuru salata ȧŋes ŋati.

1 Pitar 5:11

Ta kɔnɔ ba ayiki, dɛ yi afɔsɔ ŋa rȧbȧy thȧnkȧŋ thəbana. Amina.

Yud 1:25

ta kɔnɔ ɔKuru son ɔKisis kȧsu ɔ sɔthɔ ayiki, kəthɔkəs, rȧbȧy yi ɛfɔsɔ kətȧŋȧnɛ ka Yisɔs Krayst ɔMarki kȧsu katəp yeŋka ɛlɔkɔ ɛ yi dɛ ka-ake dɛ haŋ thȧnkȧŋ thəbana. Amina.