1 Pitar 3:9 - Ȧŋlemrȧnɛ Ȧfu

⁹ Te nu kala ɔləs ta ɔləs, thalɔm kənal ta kənal; kɛrɛ kala aruba, pəkasifɛ nə tȧrȧ kəpa a po muti nu tə kəsɔthɔ aruba.

1 Pitar 3:9 ပူးပေါင်းရင်းမြစ်များ

Mathiu 19:29

Ɔwa wuni o wuni ɔwe po tey ɛseth, thalɔm awɔnt aruni, thalɔm awɔnt abɛra, thalɔm ukas, thalɔm ukara, thalɔm urani, thalɔm awuth, thalɔm tǝthɔf salata ȧŋes a mi-e, ɔ tǝ bȧr sɔthɔ mɔlɔ ma kǝtǝma kɛmɛ kin, ɔwa ɔ tǝ sɔthɔ sɔ aŋesǝm thǝbana.

Mathiu 25:34

Ka ȧŋlɔkɔ ŋati ɔBȧy ɔ tǝ pa ro ŋaŋ ka kȧdiyɔ kɔŋ, Der nu naŋ aruba ŋa ɔKas kȧmi, wɔŋ nu ka rȧbȧy ara a bɛnɛnɛ ta ȧtȧ nu kǝbi ma ȧdȧru rǝ tǝpɛ.

Mathiu 5:39

kɛrɛ minɛȧŋ i pa ro rɔnu, Te kasi mǝlǝs. Bepi wuni o wuni ɔ gbantha mu ka aŋkos ȧdiyɔ-e, lȧfthɛ kɔ aŋlɔm sɔ.

Mathiu 5:44

Kɛrɛ minɛȧŋ i pa ro nu, Bɔthǝr aŋtheranɛ a nu, ɔwa ramnɛ nu ta ȧtȧ ŋaŋ aŋa sɔmpa nu,

Mark 10:17

Ma ɔ wur tə kəkɔ ka ȧŋbiyas ŋɔŋ-e, wuni kin ɔ der ro ŋɔŋ kəgbukɛŋ, ɔ sɔ təwu, ɔ yif kɔ, Karmɔkɔ ufinɔ, to mə i yɔ kȧmȧ i sɔthɔ aŋesəm thəbana-e?

Luk 10:25

Ɔwa kəla ukarmɔkɔ ka aŋthɔ ɔ yokanɛ, ɔ mɛm Yisɔsȧŋ ɔ pa, Karmɔkɔ, to mə i yɔ kȧmȧ i sɔthɔ aŋesəm thəbana-e?

Luk 18:18

Ɔwa urəbomp ulɔm ɔ yif kɔ, ɔ pa, Karmɔkɔ uthɔth, to mə i yɔ kȧmȧ i sɔthɔ aŋesəm thəbana-e?

AŋRomans 12:14

Ruba ŋaŋ aŋa sɔmpa nu; ruba gbo thɔŋ, te nu raŋka.

AŋRomans 12:17

Tenu kala wuni o wuni tələs ta tələs. Yɔ nu gbo təlompi ka kakəli ka afəm bɛ.

AŋRomans 8:28

Ka sə tȧrȧ kəpa mȧtȧy bɛ mə tə yɔnɛ finɔ ta salata ŋaŋ aŋa bɔthər Kuru, pə yi mɔ ta ŋaŋ aŋa a muti kətȧŋȧnɛ ka mȧselɔ mɔŋ.

AŋRomans 8:30

Ɔwa ŋaŋ aŋa ɔ po thith thəpaŋ, ŋaŋ sɔ ɔ muti; ɔwa ŋaŋ aŋa ɔ muti-e, ɔ sɔŋ ŋa məmari; ɔwa ŋaŋ aŋa ɔ sɔŋ məmari-e, ɔ kȧl yikis ŋa.

AŋKȧletia 3:14

kȧmȧ aŋruba ŋa Ebraham aŋ gbəli der ka tȧbona təlɔm kətȧŋȧnɛ ka Yisɔs Kraystȧŋ; kȧmȧ sə sɔthɔ aŋlahiri ŋa ɔYina məsəm asabu ŋa kȧlanɛ.

AŋƐfisɔs 4:32

ɔwa ba nu məthɔth dɛ yi ȧney ɔkin ka ulɔm; tera nu ukin dɛ yi ulɔm mɔlɔ min mɔ mə Kuru ɔ poŋ tera nu salata Krayst.

1 AŋThɛsȧlonika 5:15

Kəli ti nu kȧmȧ wuni o wuni ɔ te kala tələs ta tələs; kɛrɛ tȧŋ nu mȧtȧy məfinɔ lɔkɔ o lɔkɔ ukin ka ulɔm, dɛ yi ka afəm bɛ.

AŋHibru 12:17

kotȧy-e nə tȧrȧ kəpa rodarəŋ kati-e, ma ɔ yema naŋ sɔthɔ aruba-e, a pɛnsa kɔ pəkasifɛ ɔ gbəli hɛ fir aŋfɛrɛ tə kəthupi hali ma ɔ thɛns ŋi asɔbɛ rə mantər.

AŋHibru 6:14

kɔ pa, Tɛntɛnɛ i ti ruba mu yi aruba, ɔwa i ti bȧrȧ mu yi kəbar.

1 Pitar 5:10

Kɛrɛ ɔKuru ka aboŋa bɛ, ɔwe po tela su tə kəwɔŋ ka aŋyiki ŋɔŋ athəbana-e, kətaŋ ka Krayst Yisɔsȧŋ, ma nə po nakasi ɔthan-e, kɔn kɔnɔnɛ ɔ tə gbenthis nu, ɔ tə bȧksər nu, ɔ tə lompəs nu.