1 Pitar 3:7 - Ȧŋlemrȧnɛ Ȧfu

⁷ Ɔwa naŋ awos, ka ȧŋgbȧp a nu, yiranɛ yi aŋrani a nu rə kətaranɛ kəfinɔ, mɔ ŋa yi arȧnt athasi nu. Ɔwa sɔŋ ŋa ayiki ma nə yi akos ka kəsɔthɔ ȧŋboŋa ŋa aŋesəm. Yɔ nu ȧte kȧmȧ a te bɛnt taramnɛ ta nu.

1 Pitar 3:7 ပူးပေါင်းရင်းမြစ်များ

Mathiu 18:19

I kanɛ nu sɔ, bepi ŋarǝŋ kǝtɔŋ ka nu aŋ ba dim din ka ȧdȧru ta tȧy o tȧy ȧtȧ mǝ nǝ yif-e, ɔKas kȧmi ɔwe yi ro riyana ɔ tǝ yɔna nu ti.

1 AŋKɔrenth 7:3

Ta ɔwos ɔ yɔ mayɔ ma kənantȧ ka ɔrani, yi ɔrani sɔ ka ɔwos.

AŋƐfisɔs 3:6

tə kəyi tȧbona təlɔm aŋ sɔthɔ kɛŋ yi saŋ ka aŋ yi adɛr ŋin dɛ yi saŋ, ɔwa aŋ yi ayeranɛ ŋa aŋlahiri rokor ka Yisɔs Kraystȧŋ asabu ŋa mapa məfinɔ ma Kuru.

AŋƐfisɔs 4:30

Ɔwa te nu bansəs ɔYina məsəm ka Kuru, ma pə yi a mathlɛ nu do rɔŋɔŋ haŋ ȧŋrey ŋa kabani.

AŋƐfisɔs 5:33

Kɛrɛ ta ɔruni o runi ɔ bɔthər ɔrani kɔŋ mɔ mɔ bɔthərnɛ; ɔwa ɔrani ɔ yi sɔ tə kəyikis ɔwos kɔŋ.

AŋƐfisɔs 6:18

Lɔkɔ o lɔkɔ ramnɛ nu rə kənɛmthɛnɛ bɛ ro Yina, ɔwa bum nu rə kəmuyu bɛ dɛ yi təramnɛ salata aŋfəm asəm bɛ.

AŋKɔlɔsi 3:19

Nia awos, bɔthər nu aŋrani a nu, ɔwa te nu ba ȧmerȧ aroŋkəth kəŋamnɛ ŋa.

1 AŋThɛsȧlonika 4:4

Kama runi o runi ɔ tȧrȧ tə kəgbasi urani ɔwe yi ɔkɔŋ gbeŋ, ka rəsəm dɛ yi ayiki;

Taytɔs 3:7

kȧmȧ ma sə po sɔthɔ məmari ka ȧŋboŋa ŋɔŋ-e, sə tə səkɛ aŋa mə ba akɛŋ kətȧŋȧnɛ ka kȧgbȧk ȧmerȧ ka aŋesəm thəbana.

AŋHibru 1:14

Aŋmȧleka bɛ aŋ yi hɛ gbo ɛyina ɛyɛ yɔna Kuru-i, ɛyɛ ɔ som tə kəmar ŋaŋ aŋa mə re sɔthɔ kəkisi-i?

1 Pitar 3:1

Ya pə yi sɔ naŋ arani sanɛ nu ka aŋwos a nu gbeŋ, kȧmȧ pə yi-e, bepi alɔm aŋ wop hɛ ȧrim ra Kuru-e, aŋ tə lafthɛ, kəte ba ȧrim salata mafinɔ ma aŋrani ŋaŋ;