1 Pitar 3:21 - Ȧŋlemrȧnɛ Ȧfu

²¹ Ya pə bȧlȧnɛ sɔ ka-ake, kəbaptais kə mə kisis su, ɔwa pə yi hɛ rə kəyak anɔkɔ ŋa madɛr, kɛrɛ pə yi aŋseri ŋa ȧmerȧ ȧferȧ ka Kuru kətaŋ ka kakal yokanɛ ka rafi ka Yisɔs Krayst,

1 Pitar 3:21 ပူးပေါင်းရင်းမြစ်များ

Mathiu 28:19

Tiyȧŋ kɔnɛ nu ka tǝbona bɛ-e, nǝ sǝki ŋa akarande, nǝ baftays ŋa ka ȧŋes ŋa ɔKas, yi aŋa ɔWan, yi aŋa ɔYina mǝsǝm;

Mark 16:16

Kɔnɔ ɔwe mə lanɛ, ɔwa a baftays kɔ-e, ɔ tə kisi, kɛrɛ kɔnɔ ɔwe mə te lanɛ-e, ɔ ba mətheri.

Yɔn 13:9

Saymɔn Pitaŋ ɔ pa ro ŋɔŋ, Pa, pə yi hɛ ȧtȧtək ta mi son, kɛrɛ mȧta ma mi sɔ, yi rȧbomp ra mi.

Mȧyɔs ma aŋsom 16:33

Ɔwa ka aŋhawa ŋati gbeŋ ka tȧtȧk, ɔ gbasi ŋa, kɔ yak tȧsam taŋ, ka a baftays kɔ yi aŋfəm ŋɔŋ sɛŋk.

Mȧyɔs ma aŋsom 2:38

Ka Pitaŋ ɔ pa ro ŋaŋ, Thupi nu, ɔwa yɔ a baftays nu kin o kin ka ȧŋes ŋa Yisɔs Krayst ta katerɔ ka ɛhakɛ ɛ nu, ɔwa nə tə sɔthɔ ȧŋboya ŋa ɔYina məsəm.

Mȧyɔs ma aŋsom 22:16

Ɔwa kɔyɛŋ mȧ mə linsa-e? Yokanɛ, yɔ a baftays mu, mə yak ɛhakɛ ɛ mu rə kətela ka ȧŋes ŋa ɔMarki.

Mȧyɔs ma aŋsom 8:36

Ɔwa mɔ mə aŋ kɔnɛ ro roŋ-e, aŋ bəp mȧnt məlɔm, ka ɔlaŋgba ugbai ɔ pa, Kəla, mȧnt mi ame, ko mə bɛnt kəbaptais mi-e?

Mȧyɔs ma aŋsom 8:37

Ka Filipȧŋ ɔ pa, Bepi mə lanɛ yi ȧŋmerȧ a mu bɛ-e, mə gbəli. Kɔ wosa, ɔ pa, I lanɛ kəpa Yisɔs Krayst ɔ yi ɔWan ka Kuru.

AŋRomans 5:14

Ɔwa kətəp ka Adȧm haŋ ka Mosis rəfi rə gbəka, hali rokɔm ka ŋaŋ aŋa te yɔ ahakɛ ŋa Adȧm. Ɔwa ɔ yi anthunthərȧ ŋa kɔn ɔwe ba kəder.

1 AŋKɔrenth 12:13

kotȧy-e pə yi sə yi aYuda-o, thalɔm aKrik-o, ta a pa ras pə yi sə yi atar-o, thalɔm awuth akom-o, a po baftays su bɛ ka ȧŋdɛr ŋin kətȧŋȧnɛ ka ɔYina ɔkin. Ɔwa ka ɔYina ɔkin sɔ-e a rusəm su.

1 AŋKɔrenth 4:6

Ɔwa, awɔnt, i po gbal mȧtȧy ame salata minɛŋ yi Apɔlɔs ta ȧtȧ nu, kȧmȧ nə thəkəsnɛ salata anthunthəranɛ a su tə kəyi nə ba hɛ kəthas ȧtȧ a po gbal-e, kȧmȧ wuni o wuni kətɔŋ ka nu ɔ te ŋata ukarmɔkɔ ukin kəŋamnɛ ulɔm.

2 AŋKɔrenth 1:12

Kakolonɛ kȧsu ki ake, pə yi mɔ-e, aseri ŋa ɛmerȧ ɛ su-e, kəpa rə məsəm yi tȧteŋ rodi ka Kuru, pə yi hɛ rə kȧtemp ka rawuni kəpet kɛrɛ ka ȧŋboŋa ŋa Kuru, sə po kɔth ka ȧdȧru, ɔwa pə tha gbethi ro rɔnu.

2 AŋKɔrenth 7:1

Tiyȧŋ abɔthər, ma sə po ba ɛlahiri ɛye-e, maŋ gbəransnɛ nu kəwur ka məpulkɛ bɛ ma madɛr dɛ yi aŋyina, ɔwa sə gbenthis rəsəm ka ranes ra Kuru.

AŋKȧletia 3:27

kotȧy-e naŋ aŋa a po baftays ka Krayst nə po wɔŋ Kraystȧŋ.

AŋƐfisɔs 5:26

kȧmȧ ɔ gbəli səməs kɔ mɔ ɔ po fethər kɔ ka mȧnt kətȧŋȧnɛ ka ȧrim rɔŋ,

AŋKɔlɔsi 2:12

Ka a po maŋk nu yi kɔn ka ȧŋbaftisəm, ro pə yi ka-ake a yokas nu sɔ yi kɔn kətȧŋȧnɛ ka kȧlanɛ ka mapanth ma Kuru ɔwe po yokas kɔ ka rafi.

1 Timɔthi 1:5

kotȧy-e ɔgbanthir wa aŋgbɛthɛŋ a su ɔ yi məbɔthər kəwur rə ȧmerȧ ȧferȧ, yi rə asɔŋ agbəraŋ, yi rə kəlanɛ rə tȧteŋ.

1 Timɔthi 6:12

Tim katim kəfinɔ ka kalanɛ, wopnɛ aŋesəm thəbana ta ȧtȧ a po tela mu, yi ta ȧtȧ mə po sɔŋ məseri məfinɔ rodi ka məseri məgbathi.

AŋHibru 10:22

maŋ fatər kɔ nu gbɛpti yi ȧmerȧ atəteŋ ka ɔlasər wa kȧlanɛ-e, rə kəba ɛmerȧ ɛ su ɛyak kəwur ka ɛnanɛ ɛləs, dɛ yi madɛr ma su məfethər rɛ mȧnt məgbəraŋ.

AŋHibru 11:19

kɔ nanɛ kəpa Kuru ɔ gbəli yokas wuni hali ka rȧfi; ɔwa pə bȧlȧnɛ mɔ ɔ kȧl sɔthɔ Aysak yathi kəwur ka rȧfi rati.

AŋHibru 13:18

Ramnɛ nu ta ȧtȧ su; kotȧy-e sə tȧrȧ kəpa sə ba ȧmerȧ ȧferȧ, ɔwa sə fela tə kəyɔ ɔlompi rə tȧy o tȧy.

AŋHibru 9:14

pə tha gbethi mȧtir ma Kraystȧŋ ɔwe sɔndnɛ ugbəraŋ ka Kuru kətȧŋȧnɛ ka ɔYina uthəbana-e, mə gbəli fethər ɛmerȧ ɛ nu kəwur ka məyɔs məfi kəkɔ ka kəbatho ɔKuru ukəli.

AŋHibru 9:24

kotȧy-e Krayst ɔ wɔŋ hɛ rə ɔdɛr ɔsəm thɔ bɛ ɔwe wuni ɔ bɛmpa, ɔwe yi gbo mȧbȧlȧnɛ ma tȧteŋ; kɛrɛ ɔ po wɔŋ ro riyana gbeŋ tə kətɔrinɛ ka kȧbəprȧnɛ ka Kuru ta ȧtȧ su.

1 Pitar 1:3

Ta aruba aŋ yi ka Kuru ɔKas ka ɔMarki kȧsu Yisɔs Kraystȧŋ. Ka ȧŋney ŋɔŋ abana ɔ po kom su ɔfu tə kəba kəgbak ȧmerȧ ȧke yi kəkəli salata kakal yokanɛ ka Yisɔs Krayst ka aŋfi,

1 Pitar 3:16

kȧmȧ nə bɛnɛ aŋyiko a nu ȧferȧ pər, kȧmȧ pə yi ma a fofiya nu mɔ afəm aŋa yɔ aləs-e, aŋ tə wɔŋ məlap maŋ nənk mȧyɔs ma nu məfinɔ rokor ka Kraystȧŋ.