1 Pitar 3:18 - Ȧŋlemrȧnɛ Ȧfu

¹⁸ kotȧy-e Kraystȧŋ ɔ po thɔŋ nakasi win haŋ thəbana ta ɛhakɛ, ɔlompi ɔ sɔmpanɛ ta aŋkənȧ, kȧmȧ ɔ gbəli kȧrȧ su ka Kuru. A dif kɔ ka madɛr, kɛrɛ a kəlis kɔ ka ɔYina.

1 Pitar 3:18 ပူးပေါင်းရင်းမြစ်များ

Mathiu 27:19

Ma ɔ yirȧ ka kawaŋ ka kǝthoŋkas-e, ɔrani kɔŋ ɔ somǝr kɔ, kɔ pa, Te ba tȧy o tȧy tǝ kǝyɔ ɔlaŋgba ulompi ɔwɔŋ, kotȧy-e i sɔmpanɛ mətȧy mǝgbathi thonɔŋ rǝ kǝwɔrǝp ta sala tɔŋ.

Mathiu 27:24

Ka Pailatȧŋ ma ɔ nənk kǝpa ɔ gbǝli hɛ koko-e, kɛrɛ atotok aŋ tǝp kǝfumpɔ-e, ɔ gbasi mȧnt ɔ yak mȧta mɔŋ rodi ka ȧruniya bɛ, ɔ pa, Minɛ min paŋi tȧy ka mȧtir ma ɔwuni lompi ɔwe. Kǝlɛnɛ ti nu.

Yɔn 16:10

ta məlompi, pəkasifɛ i kɔ ka ɔKas ɔwa nə nənk hɛ mi sɔ;

Mȧyɔs ma aŋsom 22:14

kɔ pa, ƆKuru ka aŋkas a su, ɔ po thith mu tə kətara mȧselɔ mɔŋ dɛ yi tə kənəŋk ɔWuni lompi, ɔwa tə kətəl ȧrim ra kȧsəŋ kɔŋ.

Mȧyɔs ma aŋsom 3:14

Kɛrɛ naŋ nə pɛnsa kɔn ɔSəm yi ɔLompi, ka nə thola kȧmȧ a sɔŋ nu udif.

AŋRomans 1:4

kɛrɛ ka ɔYina ka məsəm-e, kȧyokanɛ kɔŋ ka rȧfi kə tɔri kəpa ɔ yi ɔWan ka Kuru tɛntɛnɛ rə afɔsɔ.

AŋRomans 4:25

Ɔwe a sɔnd salata ɛhakɛ ɛ su, ɔwa a yokas kɔ kətɔŋ ka aŋfi kȧmȧ sə gbəli sɔthɔ məmari.

AŋRomans 5:2

ka ɔwe sə sɔthɔ roŋ rə kəlanɛ ka ȧŋboŋa ŋa Kuru ro sə təmȧ. Ɔwa ta pə bɔnɛ su salata kagbak ȧmerȧ ka aŋyiki ŋa Kuru.

AŋRomans 8:11

Bepi ɔYina ka kɔn ɔwe yokas Yisɔs kətɔŋ ka aŋfi ɔ yi rokor ka nu-e, kɔn ɔwe yɔ Yisɔsȧŋ ɔ kȧl yokanɛ ka rəfi ɔ tə sɔŋ aŋesəm ka madɛr ma nu salata ɔYina kɔŋ ɔwe yi rokor ka nu.

AŋRomans 8:3

kotȧy-e ȧtȧ ȧŋthɔ aŋ te gbəli yɔ, maŋ yi ayay asabu ŋa madɛr-e, Kuru ɔ yɔ ti ma ɔ somra ɔWan kɔŋ ka mȧbȧlȧnɛ ma ȧŋdɛr ŋa wuni ka ahakɛ-e, tə kəyi sathka ta salata ahakɛ, kɔ ŋapas ahakɛ ka madɛr;

2 AŋKɔrenth 1:24

Pə yi hɛ kəpa sə ba kəgbəka rokɔm ka kȧlanɛ ka nu, kɛrɛ sə yi amar ŋa mabɔnɛ ma nu, kotȧy-e nə təmȧ rɛ kəlanɛ.

2 AŋKɔrenth 13:4

Hali ma a tȧŋ kɔ ka akənt kəpəŋkinɛ ka rəyai-e, ka-ake ɔ yi ukəli ka aŋfɔsɔ ŋa Kuru. Kotȧy-e saŋ sɔ sə yi ayay yi kɔn, kɛrɛ sə tə la rɛ yi aŋesəm yi kɔn do rɔnu ka aŋfɔsɔ ŋa Kuru.

2 AŋKɔrenth 5:21

kotȧy-e ta ȧtȧ su a səki kɔ ahakɛ, pə yi mɔ kɔn ɔwe te la tȧrȧ ahakɛ bɛ; kȧmȧ saŋ sə gbəli səkɛ mȧlompi ma Kuru rokor kɔŋ.

AŋKȧletia 1:4

ɔwe sɔndnɛ ta ɛhakɛ ɛ su, kȧmȧ ɔ tafi su ka ȧdȧru rələs are, mɔ mə mȧselɔ ma Kuru yi ɔKas kȧsu mə yi;

AŋKȧletia 3:13

Krayst ɔ po bani su ka ȧŋranka ŋa ȧŋthɔ, ma ɔ po səkɛ uranka ta ȧtȧ su; kotȧy-e a po gbal kəpa, Wuni o wuni ɔwe a gbak ka ŋənt-e, uraŋka wɔŋ;

AŋƐfisɔs 3:12

Ɔwa sə ba kəmintha dɛ yi aroŋ ra kȧwɔŋ-e rə kəpələnɛ ŋa kȧlanɛ kȧsu do rɔŋɔŋ.

Taytɔs 2:14

Ɔwe sɔndnɛ ta ȧtȧ su kȧmȧ ɔ gbəli bani su kəwur ka mȧkənȧ bɛ-e, dɛ yi tə kəfethər aŋfəm ŋɔŋ gbeŋ aŋa yi ayasyas tə kəyɔ məyɔs məfinɔ.

AŋHibru 10:10

Ɔwa kətȧŋȧnɛ ka mȧselɔ mati a po səməs su asabu ŋa kasɔndnɛ ka ȧŋdɛr ŋa Yisɔs Krayst win haŋ thəbana.

AŋHibru 9:14

pə tha gbethi mȧtir ma Kraystȧŋ ɔwe sɔndnɛ ugbəraŋ ka Kuru kətȧŋȧnɛ ka ɔYina uthəbana-e, mə gbəli fethər ɛmerȧ ɛ nu kəwur ka məyɔs məfi kəkɔ ka kəbatho ɔKuru ukəli.

AŋHibru 9:26

kotȧy-e bepi pə yi yaŋ Krayst ɔ ba naŋ tə kəsɔndnɛ ɛlɔkɔ ɛlai kȧbi ka ɔtəpɛr wa ȧdȧru; kɛrɛ ka-ake ka ɔthalnɛ wa aŋyamana ɔ po tɔrinɛ win haŋ thəbana tə kəpons ɛhakɛ kətȧŋȧnɛ ka kasɔndnɛ kɔŋ.

AŋHibru 9:28

Ya pə yi sɔ-e, Krayst ɔ po sɔndnɛ win tə kəsara ɛhakɛ ya afəm agbȧthi; ɔwa ɔ tə kȧl tɔrinɛ kȧbeka mȧrəŋ, pə yi hɛ salata ɛhakɛ, kɛrɛ tə kəkisis ŋaŋ aŋa mə kəlianɛ ta atɔŋ.

Yeməs 5:6

Nə po sɔŋ mətheri ka nə po dif ɔlompi; kɛrɛ ɔ kasi hɛ nu.

1 Pitar 3:19

Ɔwa kətaŋ ka ɔYina ɔ kɔ kawandi ka ɛyina ro kərəfi,

1 Pitar 4:1

Mɔ mə Krayst ɔ po nakasi ta ȧtȧ su ka madɛr-e, gbasi nu ȧŋmerȧ ŋin ŋati; kotȧy-e ɔwe po nakasi ka madɛr, ɔ ternɛ kəyɔ ahakɛ,

1 Pitar 4:6

Ȧtesoma-e a tam ȧkɛra kəfinɔ ka Kuru ka ŋaŋ aŋa po fi, tə kəyi a gbəli thonkas ŋa mɔ mə a yi tə kəthoŋkas afəm bɛ ka madɛr, kȧmȧ aŋ gbəli ba aŋesəm ka aŋyina mɔ mə Kuru ɔ yema.

1 Yɔn 1:9

Bepi sə gbithanɛ ɛhakɛ ɛ su, ɔ yi ubɔthi lanɛ dɛ ɔ yi ulompi tə kətera ɛhakɛ ɛ su, yi tə kəfethər su kəwur ka məkənə bɛ.