1 Pitar 3:11 - Ȧŋlemrȧnɛ Ȧfu

¹¹ Ta ɔ pɛnsa tələs, ta ɔ yɔ təfinɔ; Ta ɔ thɛns məthɔfəl kȧmȧ ɔ bȧkərȧ ma.

1 Pitar 3:11 ပူးပေါင်းရင်းမြစ်များ

Mathiu 5:45

kȧmȧ nǝ yi aŋwuth ŋa ɔKas ka nu ɔwe yi ro riyana. Kotȧy-e ɔ yɔ aret rɔŋ rǝ putǝr ka aŋlǝs yi ka aŋfinɔ, ɔ somra akɔm ka aŋlompi yi ka aŋkǝnȧ.

Mathiu 5:9

Aruba ŋaŋ aŋa yi awom, kotȧy-e a tǝ bont ŋa aŋwuth ŋa Kuru.

Mathiu 6:13

Te su wɔŋȧ rǝ tȧy tǝgbɔns kɛrɛ wurɔ su ka mətȧy mǝlǝs; ȧtesoma-e munɔ ba rȧbȧy yi aŋfɔsɔ yi aŋyiki thȧnkȧŋ thǝbana, Amina.

Mark 14:7

Aŋmɔnɛ aŋ yi yi naŋȧŋ alɔkɔ o lɔkɔ, ɔwa alɔkɔ bɛ ma nə yema nə gbəli yɔ ŋa ɔfinɔ. Kɛrɛ minɛŋ i yi hɛ yi naŋȧŋ lɔkɔ o lɔkɔ.

Luk 1:79

Tə kəsɔŋ kəwalɛ ka ŋaŋ aŋa yirȧ ka ȧŋsum yi ka aŋfɔyr ŋa rəfi, Tə kəkora ȧtȧtək ta su ka aroŋ ra məthɔfəl.

Luk 6:35

Tiyȧŋ bɔthər aŋtheranɛ a nu, yɔ ŋa ɔfinɔ, bɔ ŋa kate gbak ȧmerȧ tə kəkal sɔthɔ; ɔwa ȧŋrȧm a nu aŋ tə yi abana, ɔwa nə tə yi aŋwuth ŋa ɔBɔli rəkɔm. Kotȧy-e ɔ yɔ ɔfinɔ ka aŋfisrəwali yi aŋləs.

Luk 6:9

Ka Yisɔsȧŋ ɔ pa ro ŋaŋ, I yif nu, ɔlompi tə kəyɔ ɔfinɔ ka ȧŋsabath-i, thalɔm ɔləs-i? Tə kəkisis aŋesəm-i, thalɔm tə kələsər ŋi-e?

Yɔn 17:15

I ramnɛ hɛ kȧmȧ mə wurɔ ŋa ka ȧdȧru, kɛrɛ kȧmȧ mə bumər ŋa ka maləs.

AŋRomans 12:18

Bepi pə gbəli yi-e, mɔlɔ ma nə gbəli bɛ-e, yirȧ nu ka məthɔfəl yi afəm bɛ.

AŋRomans 14:17

ȧtesoma-e rȧbȧy ra Kuru rə yi hɛ kədi yi kəmun, kɛrɛ rə yi məlompi, yi məthɔfəl dɛ yi məbɔnɛ rokor ka ɔYina məsəm.

AŋRomans 14:19

Tiyȧŋ maŋ taŋanɛ nu mȧtȧy ama mə sɔŋ məthɔfəl, yi mȧtȧy ama mə tempəs ukin yi ulɔmȧŋ.

AŋRomans 5:1

Tiyȧŋ ma sə po sɔthɔ məmari kətȧŋȧnɛ ka kȧlanɛ-e, sə ba məthɔfəl yi Kurɔŋ salata Yisɔs Krayst ɔMarki kȧsu,

AŋRomans 7:19

Ȧtesoma-e i yɔ hɛ tafinɔ ȧtȧ i yema; i yɔ gbo taləs ȧtȧ i te yema.

AŋRomans 7:21

Tiyȧŋ i fir athɔ aŋ yi ro rɔmi kəpa ye, ma i yema yɔ ɔlompi ahakɛ aŋ bəpər.

AŋRomans 8:6

kotȧy-e mayi ma madɛr ma ahakɛ mə kȧrȧ rəfi; kɛrɛ mayi ma ɔYina məsəm mə yi aŋesəm yi məthɔfəl.

AŋKȧletia 5:22

Kɛrɛ mȧkomi ma ɔYina mə yi, məbɔthər, məbɔnɛ, məthɔfəl, kəmuyu, ȧney, məthɔth, kəbɔthi lanɛ,

AŋKȧletia 6:10

Tiyȧŋ mɔ mȧ sə ba afɛrɛ-e, maŋ yɔ nu ɔfinɔ ta afəm bɛ, ɔwa pə tha gbethi salata ŋaŋ aŋa yi akos a su ka kȧlanɛ.

AŋKɔlɔsi 3:15

Yɔ nu kȧmȧ mathɔfəl ma Kuru mə gbəka ka ɛmerȧ ɛ nu, ta ama a po tela nu rokor ka ȧŋdɛr ŋɔŋ; ɔwa sɔŋ nu mɔmɔ.

1 Timɔthi 6:18

Maŋ ŋa kȧmȧ aŋ yɔ təfinɔ, dɛ yi kȧmȧ aŋ yi ayola ka mȧyɔs məfinɔ dɛ yi tɛmp tɛmp tə kəsɔŋ ɛboya.

AŋHibru 12:14

Tȧŋ nu məthɔfəl rə afəm bɛ, yi masəm ama pə yi-e, thambe wuni ɔ ba ma-e, ɔ gbəli hɛ nənk ɔMarki.

AŋHibru 13:16

Kɛrɛ te nu pənɛ tə kəyɔ təfinɔ dɛ yi tə kəyerəs ara nə ba kotȧy-e sathka təwunɔŋ tə bɔnɛs Kuru finɔ.

Yeməs 4:17

Tiyȧŋ kɔn ɔwe tȧrȧ tə kəyɔ təfinɔ kɛrɛ ɔ yɔ hɛ ti, ahakɛ do rɔŋɔŋ.

1 Pitar 3:12

Ȧtesoma-e ɛfɔr ya ɔMarki ɛ yi rokɔm ka aŋlompi, kɔ su ɛləns ka taramnɛ taŋ. Kɛrɛ ader ra ɔMarki rə yi kəŋamnɛ ŋaŋ aŋa mə yɔ tələs.

3 Yɔn 1:11

Ɔbɔthər kȧmi, te tansanɛ mələs, kɛrɛ tansanɛ məfinɔ. Ɔwe mə yɔ ɔfinɔ ɔ yi ka Kuru: kɛrɛ ɔwe mə yɔ ɔləs ɔ tha nənk hɛ Kuru.