1 Pitar 2:8 - Ȧŋlemrȧnɛ Ȧfu

⁸ Dɛ yi sɔ-e, Asar ŋa kəpənthbəla yi agbalaŋ ŋa kəthɛn. Ɔwa aŋ pənthbəla ka ȧrim kotȧy-e aŋ wop hɛ ri mɔ mə aŋ yi tə kəyi kȧbi ka ɔtəpɛr.

1 Pitar 2:8 ပူးပေါင်းရင်းမြစ်များ

Luk 2:34

Ɔwa Simiyɔn ɔ ruba ŋa, ɔ pa ka Meri ɔkara kɔŋ, Kəla, a bot ɔwath ɔwe ta kafumpɔ yi kȧyokanɛ ka agbȧthi ro Isrɛl; ɔwa ta alomar sɔ aŋa mə a pɛnsa;

AŋRomans 9:22

To pə yi thɔŋ-a, bepi Kuru ma ɔ yema tɔri rabaŋ rɔŋ kȧmȧ a tȧrȧ aŋfɔsɔ ŋɔŋ, ɔ muyu rə kəmuyu kəlele aŋfəm ŋa rabaŋ rɔŋ aŋa a bɛmpa tə kədinɛ;

1 AŋKɔrenth 1:23

Kɛrɛ saŋ sə kawandi gbo Kraystȧŋ, ɔwe a tȧŋ ka akənt kəpəŋkinɛ; tə yi ka aŋYuda tȧy təpənthbəlȧ, ɔwa ka aŋKrik-e, tȧy təpənk.

2 AŋKɔrenth 2:16

Ka aŋe sə yi ȧŋbɔnt ŋa rəfi kəkɔ ka rəfi; ɔwa sɔ-e, ka aŋlɔm sə yi ȧŋbɔnt ŋa ŋesəm kəkɔ ka ŋesəm. Ɔwa kanɛ yi ubeki ta mȧtȧy ame? Siaŋ.

AŋKȧletia 5:11

Minɛŋ awɔnt, bepi i kawandi ras kȧbirons-e, to pə som a kȧl sɔmpa mi-e? Bepi pə yi yaŋ-e, ȧtȧy təpənthbəla ta akənt kəpəŋkinɛ tə poŋ.

1 AŋThɛsȧlonika 5:9

kotȧy-e Kuru ɔ thith hɛ su ta rəbaŋ, kɛrɛ tə kəsɔthɔ kəkisi kətȧŋȧnɛ ka ɔMarki kȧsu Yisɔs Kraystȧŋ;

1 Pitar 2:6

kotȧy-e mȧgbal məsəm mə pa hɔ, Kəla, i bot ro Sayɔn aŋsar abana ŋa ȧŋkoŋ, Athith dɛ yi abȧki mɔlɔ, Ɔwa kɔn ɔwe mə lanɛ kɔ-e, ɔ ba hɛ kəlap.

1 Pitar 2:7

Tiyȧŋ ro rɔnu aŋa lanɛ ɔ yi ukɛŋ, kɛrɛ ka ŋaŋ aŋa te sanɛ, Aŋsar gbeŋ aŋa ȧŋseth aŋ fȧrki-e, Apo səkɛ aŋsar abana ŋa ȧŋkoŋ.

2 Pitar 2:3

Ɔwa kətȧŋȧnɛ ka radir ra ŋaŋ aŋ tə pəŋis nu yi təyem salata akala: kɛrɛ kȧbi ka thəpaŋ kathoŋkas ka ŋaŋ kə linsa hɛ, mba, ȧŋranka ŋaŋ aŋ dirȧ dirȧ hɛ.

Yud 1:4

kotȧy-e afəm alɔm aŋ po wɔŋ sɔy, aŋfəm aŋa a po gbəka matheri maŋ ɔwoni thɔŋ, afəm aŋa te tȧrȧ Kuru aŋa lȧfthi ȧŋboŋa ŋa ɔKuru kȧsu ka mafela maŋ maləs, ɔwa aŋ pɛnsanɛ Yisɔs Krayst ɔMarki kȧsu gbo son.