1 Pitar 2:24 - Ȧŋlemrȧnɛ Ȧfu

²⁴ Kɔnɔ kati gbeŋ ɔ sara ɛhakɛ ɛ su ka ȧŋdɛr ŋɔŋ ka ȧŋpənki kȧmȧ saŋ ma sə yi sa afi ka ɛhakɛ-e, sə gbəli yi sa akəli ka mȧlompi, ɔwa a yenkəs nu ka tȧsam tɔŋ.

1 Pitar 2:24 ပူးပေါင်းရင်းမြစ်များ

Mathiu 27:26

kɔ tera ŋa Barabasȧŋ; kɛrɛ ɔ sap Yisɔsȧŋ kɔ lȧnki kɔ tǝ kǝtaŋ tȧŋ kɔ ka akǝnt kǝpǝŋkinɛ.

Mathiu 5:20

Tiyȧŋ i pa ro rɔnu, Thambe mȧlompi ma nu mǝ thas mȧlompi ma aŋkarmɔkɔ yi aŋFarisi-e, rǝ roŋ o roŋ nǝ gbǝli hɛ wɔŋ ka rȧbȧy ra ro riyana.

Mathiu 8:17

kȧmȧ ȧte Isaya ɔnȧbi ɔ pa tǝ lasǝr, kǝpa, Kɔn kɔnɔnɛ ɔ gbasi mȧrȧnt ma su, ɔwa ɔ sara tatu ta su.

Mark 15:15

Ɔwa Payletȧŋ, ma ɔ yema thesis ɛmerȧ ya ȧruniya-e, ɔ tera ŋa Barabas, ɔwa ma ɔ po sap Yisɔsȧŋ, ɔ lȧnki kɔ kȧmȧ a tȧŋ kɔ ka akənt kəpəŋkinɛ.

Luk 4:18

ƆYina ka ɔMarki ɔ rensa mi, Pəkasifɛ ɔ po səməs mi tə kətɔri ȧkɛra kəfinɔ ka Kuru ka ȧŋmɔnɛ. Ɔ som mi tə kətaməs kasəli ka atɛndɛbira, Yi kakal kəli ka aŋfith, Tə kəsɔŋ rȧwankom ka aŋa a thiŋkər rə afɔsɔ rəkɔm.

Yɔn 1:29

Ka ȧŋrey alɔm-e, Yɔnȧŋ ɔ nənk Yisɔsȧŋ ɔ der ro ŋɔŋ, ɔ pa, Kəli kaLɔmɛ kəfɛth ka Kuru ɔwe mə sara aŋhakɛ ŋa ȧdȧru!

Yɔn 19:1

Tiyȧŋ Payletȧŋ ɔ gbasi Yisɔsȧŋ ɔ sapa kɔ rəkɛt.

Mȧyɔs ma aŋsom 10:35

kɛrɛ rə abona o bona aŋa mə nesa kɔ, ɔwa aŋa mə yɔ ɔlompi, ɔ tə malanɛ ŋa.

Mȧyɔs ma aŋsom 10:39

Saŋ sə yi maseri salata mȧtȧy bɛ ama ɔ po yɔ ka ȧŋthɔf ŋa aŋYuda yi ro Yerusalɛm. Kɔnɔ sɔ-e, aŋ dif kɔ, kəgbak kɔ ka aŋənt.

Mȧyɔs ma aŋsom 13:29

Ɔwa maŋ po lasər mȧtȧy bɛ ama a gbal ta atɔŋ-e, aŋ thora kɔ ka aŋənt, kaŋ bot kɔ ka ȧŋpȧli.

Mȧyɔs ma aŋsom 5:30

ƆKuru ka aŋkas a su ɔ yokas Yisɔsȧŋ, ɔwe naŋ nə dif, kəgbak kɔ rə ŋənt.

AŋRomans 6:11

Yaŋ sɔ naŋ nə yi tə kəlɔmnɛ kəpa ye nə yi nia afi ta ahakɛ, kɛrɛ nə yi akəli ta Kuru salata Yisɔs Krayst ɔMarki kȧsu.

AŋRomans 6:13

Te sɔnd malaŋktha ma madɛr ma nu ka ahakɛ mɔ ɛyɛt ɛtima ya mȧkənȧ, kɛrɛ sɔndnɛ ka Kuru mɔ afəm akəli aŋa po wur ka rəfi kəkɔ ka aŋesəm, yi malaŋktha ma madɛr ma nu mɔ ɛyɛt ɛtima ya məlompi salata Kuru.

AŋRomans 6:16

Nə tɛ hɛ kəpa ka ɔwe nə sɔndnɛ mɔ atar asanɛ, nə yi ɛbɔy ya ɔkin kati, pə yi ka ahakɛ kəkɔ ka rəfi-e, thalɔm pə yi ka kəsanɛ Kuru kəkɔ ka məlompi-i?

AŋRomans 6:2

Saki ti; saŋ aŋa po fi ta ahakɛ-e, to mə sə gbəli tiyȧ ri sɔ-e?

AŋRomans 6:22

Kɛrɛ ka-ake ma nə po wur ka ratar ra ahakɛ-e, ɔwa nə səkɛ antar ŋa Kuru-e, nə ba ȧŋrȧm ŋa kəsəməsnɛ dɛ yi ka ɔthalnɛ wati sɔ-e, aŋesəm thəbana.

AŋRomans 6:7

Ɔwa ɔwe po fi-e ɔ po yi kəyankaŋ kəwur ka ȧŋhakɛ.

AŋRomans 7:6

Kɛrɛ ka-ake sə po fisȧ kəwur ka ȧŋthɔ, ma pə yi sə poŋ fi salata aŋa wop su. Tiyȧŋ sə bȧtho rə aŋesəm afu ka ɔYina, pə yi hɛ ka mȧgbal məkur gbo gbɛt.

1 AŋKɔrenth 15:3

kotȧy-e i po laŋklia nu ka ɔtɔtɔkɔ ȧtȧ minɛ sɔ i po sɔthɔ, kəpa Krayst ɔ po fi ta ɛhakɛ ɛ su mɔ mə mȧgbal ma Kuru mə pa;

2 AŋKɔrenth 6:17

Tiyȧŋ, Wur nu kətɔŋ ka ŋaŋ, ɔwa yi nu agbaskɛ, ɔMarki ɔ pa, Te gboŋ rəka o rəka rəyifa; Ɔwa i ti malanɛ nu,

AŋKȧletia 3:13

Krayst ɔ po bani su ka ȧŋranka ŋa ȧŋthɔ, ma ɔ po səkɛ uranka ta ȧtȧ su; kotȧy-e a po gbal kəpa, Wuni o wuni ɔwe a gbak ka ŋənt-e, uraŋka wɔŋ;

AŋƐfisɔs 5:9

ȧtesoma-e mȧkomi ma ɔYina mə yi ka məthɔth bɛ yi məlompi yi təteŋ.

AŋFilipai 1:11

Kama nə la yi mȧkomi ma mȧlompi ama der kətȧŋȧnɛ ka Yisɔs Krayst kəkɔ ka aŋyiki dɛ yi kathɔkəs ka Kuru Məsaba.

AŋKɔlɔsi 2:14

kɔ nasi maseri ma ȧŋthɔ ama təmȧ kəŋamnɛ su dɛ yi kələsər su, kɔ tɔŋa ma, ɔwa ɔ tȧŋ tȧŋ ma ka akənt kɔŋ kəpəŋkinɛ;

AŋKɔlɔsi 2:20

Tiyȧŋ bepi nə po fi yi Krayst ka matanstans ma raru-e to pə som nə yɔ ras mɔ mȧ pə yi ȧdȧru rə ba nu-e, tə kəyi nə taŋanɛ ɛsiraŋ mɔ-e,

AŋKɔlɔsi 3:3

kotȧy-e naŋ nə po thɔŋ fi, ka ɛŋesəm ɛ nu ɛ po maŋknɛ rokor ka Krayst ka Kurɔŋ.

AŋHibru 10:10

Ɔwa kətȧŋȧnɛ ka mȧselɔ mati a po səməs su asabu ŋa kasɔndnɛ ka ȧŋdɛr ŋa Yisɔs Krayst win haŋ thəbana.

AŋHibru 10:5

Tiyȧŋ ma ɔ der ka ȧdȧru, ɔ pa, Sathka dɛ yi aboya mə fela hɛ, Kɛrɛ mə bɛnɛnɛ adɛr ta ȧtȧ mi.

AŋHibru 12:13

Bɛmpa nu soŋ təlompi ta ȧtȧtək ta nu, kȧmȧ aŋgbɛthkɛ aŋ te yɛthȧ; kɛrɛ kȧmȧ aŋ sɔthɔ kədamər.

AŋHibru 7:26

kotȧy-e, ɔbeki su tə kəba ufode ubana mɔ ɔwe-e, ɔwe yi usəm-e, upaŋi yaŋfa-e, ugbəraŋ-e; ɔwe yi ugbaskɛ ka afəm ka ahakɛ, dɛ yi ɔwe a ŋata ɔbɔli rəkɔm pəthas kȧriyana.

AŋHibru 9:28

Ya pə yi sɔ-e, Krayst ɔ po sɔndnɛ win tə kəsara ɛhakɛ ya afəm agbȧthi; ɔwa ɔ tə kȧl tɔrinɛ kȧbeka mȧrəŋ, pə yi hɛ salata ɛhakɛ, kɛrɛ tə kəkisis ŋaŋ aŋa mə kəlianɛ ta atɔŋ.

Yeməs 5:16

Gbithanɛ nu ɛhakɛ ɛ nu, ukin ka ulɔm, ɔwa ramnɛ nu ukin ta ulɔm, kȧmȧ a damər nu. Kȧramnɛ kəfey fey ka wuni lompi kə gbəli tȧy.

1 Yɔn 2:29

Bepi nə tȧrȧ kəpa ɔ yi ulompi, tȧrȧ nu sɔ kəpa wuni o wuni ɔwe mə yɔ ɔlompi kɔnɔ kom kɔ.

1 Yɔn 3:7

Awuth alɔl, te nu selɔ wuni o wuni ɔ yɛthas nu; kɔn ɔwe mə yɔ ɔlompi ɔ yi ulompi, hali mɔ kɔnɔ ɔ yi ulompi.

Kȧŋȧibinɛ 22:2

ɔwa kə thas ka aroŋ dəbana ra kȧpet, ka i nənk sɔ ka tamɔri tərəŋ ta kabaŋ-e, aŋənt ŋa aŋesəm ŋə yi, aŋa kom məkomi tətəp tɔfɔt tərəŋ, pə yi mɔ-e, aŋ kom ɔfu ŋof o ŋof. Ɔwa ɛbɔpər yati ɛ yi ta kadamər ka tȧbona.