1 Pitar 2:17 - Ȧŋlemrȧnɛ Ȧfu

¹⁷ Yikis nu afəm bɛ. Bɔthər nu rawɔnt. Nesa nu Kuru Məsaba. Sanɛ nu ka ɔbȧy.

1 Pitar 2:17 ပူးပေါင်းရင်းမြစ်များ

Mathiu 22:21

kaŋ pa ro ŋɔŋ, Sisarȧŋ. Kɔ pa ro ŋaŋ, Ɔwa sɔŋ nu Sisarȧŋ mȧtȧy ma Sisar, ɔwa sɔŋ nu Kuru mȧtȧy ma Kuru.

Yɔn 13:35

Ka ȧte afəm bɛ aŋ tə tȧrȧ nə yi aŋkarande a mi, bepi nə bɔthərȧnɛ.

AŋRomans 12:10

Bɔthərȧnɛ rə mabɔthər ma rəwɔnt. Ta ukin ɔ yikis ulɔm pəthasi kɔn kɔnɔnɛ.

AŋRomans 13:7

Tiyȧŋ sɔŋ wuni o wuni ara yi arɔŋ; athaks ka ɔwe mar sɔthɔ athaks, ɛfȧk ka ɔwe mar sɔthɔ ɛfȧk. Nesa nu ɔwe nə yi tə kənesa, ɔwa yikis nu ɔwe nə yi tə kəyikis.

2 AŋKɔrenth 7:1

Tiyȧŋ abɔthər, ma sə po ba ɛlahiri ɛye-e, maŋ gbəransnɛ nu kəwur ka məpulkɛ bɛ ma madɛr dɛ yi aŋyina, ɔwa sə gbenthis rəsəm ka ranes ra Kuru.

AŋƐfisɔs 5:21

Sanɛ nu ɔkin ka ulɔm rə kənesa Kuru.

AŋFilipai 2:3

Te yɔ koko rə kəkolonɛ, kɛrɛ rə ȧmerȧ athoranɛ, yɔ nu kȧmȧ ukin ɔ nanɛ ulɔm tə kəyi ufisa pəthas kɔn kɔnɔnɛ.

1 Timɔthi 6:1

Ta ŋa bɛ aŋa yi ka rȧtar aŋ yikis aŋmarki ka ŋaŋ kȧmȧ aŋ te fɔf ȧŋes ŋa Kuru yi ɛpa yɔŋ ɔləs.

AŋHibru 13:1

Bȧsər nu bɔthərȧnɛ mɔ awɔnt.

1 Pitar 1:22

Ɔwa ma nə poŋ thɔŋ gbəransnɛ rə kəsanɛ ka tȧteŋ kəkɔ rə məbɔthər məgbenthis mȧ rȧwɔnt, kətȧŋ ka ɔYina məsəm, kəli nu kȧmȧ nə bɔthərȧnɛ asɔbɛ rə ȧmerȧ ȧferȧ,

1 Pitar 2:13

Sanɛ nu asiraŋ o siraŋ ŋa wuni kəpet ta salata ɔMarki. Pə yi ka ɔbay-o, mɔ ɔbɔli rəkɔm thɔŋ bɛ,

1 Pitar 5:5

Yaŋ sɔ na afɛth, sanɛ ka aŋbȧki. Yao, na bɛ nə yi tə kəsanɛ ukin ka ulɔm, ɔwa ba nu sɔ ȧmerȧ athoranɛ; kotȧy-e Kuru ɔ tə pɛnsa aŋbonɛ tȧy, kɛrɛ ɔ sɔŋ aboŋa ka anthoranɛ.