1 Pitar 2:16 - Ȧŋlemrȧnɛ Ȧfu

¹⁶ mɔ afəm a kəyaŋkaŋ; kɛrɛ te nu yɔ rȧwankom ra nu rə səkɛ mɔ kibari tə kəyɔ məkənə, kɛrɛ yɔ nu mɔ ɛbɔy ya Kuru Məsaba.

1 Pitar 2:16 ပူးပေါင်းရင်းမြစ်များ

Mathiu 23:13

Kɛrɛ mɔnɛ ro nu naŋ akarmɔkɔ yi aFaresi, amunafaki! Ȧtesoma-e nǝ kantha rȧbȧy ra ro riyana ka aŋfǝm. Kotȧy-e naŋ nǝ wɔŋ hɛ, ɔwa nǝ selɔ hɛ ŋaŋ aŋa yema tǝ kǝwɔŋ, aŋ wɔŋ.

Yɔn 15:22

Bepi naŋ i de hɛ ɔwa i fɔfȧnɛ ŋa-e, aŋ ba hɛ naŋ ahakɛ: kɛrɛ ka-ake aŋ ba hɛ kəkat kɛrɛ ta ɛhakɛ yaŋ.

AŋRomans 6:18

Ma a wurɔ nu ka ratar ra ahakɛ-e, nə səkɛ atar ŋa mȧlompi.

AŋRomans 6:22

Kɛrɛ ka-ake ma nə po wur ka ratar ra ahakɛ-e, ɔwa nə səkɛ antar ŋa Kuru-e, nə ba ȧŋrȧm ŋa kəsəməsnɛ dɛ yi ka ɔthalnɛ wati sɔ-e, aŋesəm thəbana.

1 AŋKɔrenth 7:22

Ȧtesoma-e bepi ɔMarki ɔ la tela wuni ɔwe la yi utar-e, ɔwuni kati ɔ yi uwankom ka ɔMarki. Ya pə yi sɔ ɔwe a la tela ma ɔ yi uwankom-e, ɔ yi tɛn utar ka Krayst.

AŋKȧletia 5:1

Təmȧ nu kəŋkəŋ ka rȧwankom rəfinɔ ara Krayst ɔ sɔŋ su; te sɔ sɔndnɛ ka kȧronke ka rȧtar.

AŋKȧletia 5:13

Ȧtesoma-e, awɔnt, a po tela nu rə rəwaŋkom, kɛrɛ te gbo kianɛ rȧwankom ra nu mɔ afɛrɛ tə kəlasər mafela ma madɛr, kɛrɛ kətȧŋȧnɛ ka məbɔthər-e, yɔnanɛ ukin dɛ yi ulɔm.

AŋƐfisɔs 6:6

Ta pə te yi rə kəyɔna gbo ro der ka ŋaŋ kəri, mɔ ŋaŋ aŋa mə yɔr tə kəbɔnɛs afəm. Kɛrɛ ta pə yi mɔ ɛbɔy ya Krayst aŋa mə yɔ mȧselɔ ma Kuru ka ɛmerȧ yaŋ.

AŋKɔlɔsi 3:24

Pəkasifɛ nə tȧrȧ kəyi nə tə sɔthɔ akɛŋ ro riyana, mɔ ȧrȧm kəwur ka ɔMarki; kotȧy-e nə yɔna ɔMarki Yisɔs.

1 AŋThɛsȧlonika 2:5

Naŋ nə tȧrȧ kəpa sə la hɛ ba təsəŋ təbɔthi, thalɔm ɛfɔr ɛmara; Kuru ɔ yi aŋseri a su.

Yeməs 1:25

Kɛrɛ kɔn ɔwe mə kəli ka ȧŋthɔ ŋa rȧwankom rəgbenthis-e, ɔwa ɔ bȧkər ri-e, ɔwe-e, ma ɔ te yi utəl ɔwe mə pənɛ, kɛrɛ ɔ yi uyɔ ȧrim, ɔkati ɔ tə sɔthɔ aruba ka kayɔ kɔŋ.

Yeməs 2:12

Fɔf nu, ɔwa yɔ nu mɔ ŋaŋ aŋa mə a ba kəthoŋkas kətȧŋȧnɛ ka ȧŋthɔ ŋa rȧwankom.

2 Pitar 2:19

Hali maŋ po lahiri ŋa rəwaŋkom-e, ŋaŋ gbeŋ aŋ yi atar ŋa mənɔkɔ; kotȧy-e ɔwuni ɔ yi utar ka ȧtȧ po tham kɔ.

Yud 1:4

kotȧy-e afəm alɔm aŋ po wɔŋ sɔy, aŋfəm aŋa a po gbəka matheri maŋ ɔwoni thɔŋ, afəm aŋa te tȧrȧ Kuru aŋa lȧfthi ȧŋboŋa ŋa ɔKuru kȧsu ka mafela maŋ maləs, ɔwa aŋ pɛnsanɛ Yisɔs Krayst ɔMarki kȧsu gbo son.