1 Pitar 2:12 - Ȧŋlemrȧnɛ Ȧfu

¹² Kɔth nu ɔlompi kətɔŋ ka tȧbona təlɔm kȧmȧ pə yi, hali aŋ tɛntɛ bont nu afəm aləs-e, maŋ nənk mȧyɔs ma nu məfinɔ, ka ȧŋrey ŋa asɔmpanɛ aŋ tə yikis Kuru Məsaba.

1 Pitar 2:12 ပူးပေါင်းရင်းမြစ်များ

Mathiu 10:25

Ɔbeki ta ɔkarande tǝ kǝyi mɔ ɔkarmɔkɔ kɔŋ, dɛ yi ȧŋbɔy mɔ ɔmarki kɔŋ. Bepi a po bont ɔmarki kɔŋ, dɛ yi ȧŋbɔy mɔ ɔmarki kɔŋ. Bepi a po bont ɔmarki ka ȧŋseth Biyɛlsibɔb-e, pǝ tha gbethi ŋaŋ aŋa yi ka kabɔr kɔŋ.

Mathiu 5:11

Nǝ ba aruba bepi a sambos nu, ɔwa a sɔmpa nu, thalɔm a fɔf nu ɔlǝs rǝ rǝyem salata mi.

Mathiu 5:16

Yɔ nu kȧmȧ ȧŋmothȧ a nu aŋ gbɛntha rodi ka aŋfǝm, kȧmȧ aŋ nənk mȧyɔs ma nu mǝfinɔ, ɔwa aŋ yikis ɔKas ka nu ɔwe yi ro riyana.

Mathiu 9:8

Kɛrɛ ma ȧsuniya aŋ nənk ti-e, aŋ kabanɛ, kaŋ yikis Kuruȧŋ ɔwe po sɔŋ afɔsɔ awunɔŋ ka afǝm.

Luk 1:68

Ta ɔMarki ɔKuru ka Isrɛl ɔ ba aruba, Pəkasifɛ ɔ po nanɛ afəm ŋɔŋ, ɔ bani ŋa.

Luk 19:44

Aŋ tə napanɛ mu ro thɔf yi aŋwuth a mu rokor ka mu. Aŋ tey hɛ ȧsar ŋin rokɔm ka alɔm pəkasifɛ mə tɛ hɛ ȧŋlɔkɔ ŋa aŋkori a mu.

Luk 6:22

Na aruba, ma afəm aŋ gbɛŋa nu, ɔwa maŋ gbaskinɛ nu, ɔwa aŋ sambos nu, aŋ wurɔ ames ma nu mɔ tȧy tələs salata ɔWan ka wuni.

Yɔn 13:31

Tiyȧŋ ma ɔ po wur rokaŋ-e, Yisɔsȧŋ ɔ pa, Ka-ake a yikis ɔWan ka wuni, ka Kurɔŋ ɔ sɔthɔ ayiki ro ŋɔŋ;

Mȧyɔs ma aŋsom 15:14

Simiyɔn ɔ po tɔri su to Kurɔŋ ɔ mɔtha kori tȧbona təlɔm kȧmȧ ɔ wurɔ kətɔŋ ka ŋaŋ afəm ta ȧŋes ŋɔŋ.

Mȧyɔs ma aŋsom 24:13

Ɔwa aŋ gbəli hɛ tɔri mu tȧteŋ ta mȧtȧy ama a gbanthir mi.

Mȧyɔs ma aŋsom 25:7

Ma ɔ der-e, aŋYuda aŋa wur ro Yerusalɛm aŋ təmȧ aŋ gbətɔ kɔ, aŋ gbanthir kɔ yi mȧtȧy mələs məgbathi ama aŋ te gbəli bȧksər.

Mȧyɔs ma aŋsom 28:22

Kɛrɛ sə yema təlȧ ȧte mə nanɛ-e, kotȧy-e sə tȧrȧ kəpa a fɔf ɔləs ta kagbanth ake dɛr o dɛr.

AŋRomans 12:17

Tenu kala wuni o wuni tələs ta tələs. Yɔ nu gbo təlompi ka kakəli ka afəm bɛ.

AŋRomans 13:13

Maŋ kɔth nu ɔlompi mɔ mȧkɔth ma rəyaŋ, ta pə te yi rə məyi mələs yi kətis, thalɔm rə kərəp yi kətayanɛ, thalɔm rə kəgbal yi kətut.

AŋRomans 14:18

Pəkasifɛ kɔn ɔwe mə bȧtho Krayst yaŋ-e, ɔ thesis ȧŋmerȧ ŋa Kuru, dɛ yi afəm sɔ.

AŋRomans 15:9

dɛ yi kȧmȧ tȧbona təlɔm aŋ gbəli yikis Kuru ta ȧŋney ŋɔŋ, mɔ a gbal kəpa, Tiyȧŋ i ti thɔkəs mu kətɔŋ ka tȧbona təlɔm, I ti lensir ȧŋes a mu.

1 AŋKɔrenth 14:25

Ya a yɔ ɛgbundu ya ȧŋmerȧ ŋɔŋ ɛ ŋaibɛ; ɔwa kɔnɔ rə kəgbəpsȧ ro thɔf ɔ tə ramnɛ Kurɔŋ, rɛ yi ɔ tə gbithanɛ kəpa Kuru ɔ yi rɛ nu tə tɛntɛnɛ.

2 AŋKɔrenth 1:12

Kakolonɛ kȧsu ki ake, pə yi mɔ-e, aseri ŋa ɛmerȧ ɛ su-e, kəpa rə məsəm yi tȧteŋ rodi ka Kuru, pə yi hɛ rə kȧtemp ka rawuni kəpet kɛrɛ ka ȧŋboŋa ŋa Kuru, sə po kɔth ka ȧdȧru, ɔwa pə tha gbethi ro rɔnu.

2 AŋKɔrenth 13:7

Ka sə ramnɛ Kuru kȧmȧ nə te yɔ tȧy o tȧy tələs; pə yi hɛ tə kətɔri hɔ sə yi afəm aŋa yi təteŋ, kɛrɛ kȧmȧ naŋ nə yɔ ȧtȧ yi təlompi, hali pə re bȧlȧnɛ mɔ saŋ sə yi hɛ təteŋ.

2 AŋKɔrenth 8:21

kotȧy-e sə thɛns mȧtȧy məmari, pə yi hɛ gbo ka kakəli ka Kuru, kɛrɛ ka kakəli ka afəm a kəpet sɔ.

AŋƐfisɔs 2:3

Saŋ sɔ sə la yirȧ kətɔŋ ka ŋaŋ ka maləs ma madɛr ma su, rə kətaŋ gbo mafela ma madɛr dɛ yi ɛnanɛ yati; pəkasifɛ kətȧŋȧnɛ ka kakom kȧsu sə yi saŋ aŋwuth ŋa rəbaŋ, mɔ afəm alɔm bɛ.

AŋƐfisɔs 4:22

Kama nə bus aruma ra rawuni kur yi matanɛ ma nu thəpaŋ ara mə bȧr gbo ləsərnɛ ka ɛmilɛ ɛyaŋfa.

AŋFilipai 1:27

Kɛrɛ yɔ nu kȧmȧ mȧyɔs ma nu mə yi məgbɛt ta ȧkɛra kəfinɔ ka Kraystȧŋ; kȧmȧ pə yi-e, bepi i der kori nu, thalɔm i bəpər hɛ, i gbəli təl ta mȧyɔs ma nu, kəpa nə təmȧ kəŋkəŋ ka mȧyi min dɛ yi ȧmerȧ ŋin tə kətim ta kȧlanɛ ka ȧkɛra kəfinɔ ka Kuru.

AŋFilipai 4:8

Ka kaləpsɔ, awɔnt, koko ara yi təteŋ, ara yi rə alambe, ara yi rəlompi, ara yi rəgbəraŋ, ara yi rəbɔthi kəli dɛ yi ara yi rəbɔthi təl; bepi ɔfinɔ ɔ yi, ɔwa sɔ-e, kəthɔkəs tȧy kə yi, botnɛ nu mȧtȧy ame rə ȧmerȧ.

1 AŋThɛsȧlonika 4:12

kȧmȧ nə gbəli kɔth ɔlompi kətɔŋ ka ŋaŋ aŋa te lanɛ, kȧmȧ pə re yi nə te paŋ rəka o rəka.

1 Timɔthi 2:2

ta abȧy, yi ta ȧtȧ ŋaŋ bɛ aŋa ba afɔsɔ, kȧmȧ sə gbəli yirȧ rȧ məthɔfəl bɛm rə kənesa Kuru Məsaba ka tȧteŋ bɛ.

1 Timɔthi 4:12

Te yɔ kȧmȧ afəm aŋ farki rafɛth ra mu; kɛrɛ yi amɔl ta aŋlanɛ salata kȧfɔf, yi mȧyɔs, yi mȧbɔthər, yi kȧlanɛ, yi kȧba ȧmerȧ ȧferȧ.

1 Timɔthi 5:10

ɔwe ba ŋes afinɔ ta mȧyɔs mɔŋ məfinɔ, bepi ɔ po rusəm awuth-e, bepi ɔ po fantha atik-e, bepi ɔ po yak ȧtȧtək ta aŋfəm ŋa Kuru-e, bepi ɔ po mar ȧŋmɔnɛ-e, bepi ɔ po pantnɛ rȧ məpanth o məpanth ama yi məfinɔ.

AŋHibru 13:18

Ramnɛ nu ta ȧtȧ su; kotȧy-e sə tȧrȧ kəpa sə ba ȧmerȧ ȧferȧ, ɔwa sə fela tə kəyɔ ɔlompi rə tȧy o tȧy.

AŋHibru 13:5

Yi nu kəyaŋkaŋ kǝwur ka mafela ma akala-e; ɔwa ta ara nə ba rə yi rəbeki nu; kotȧy-e Kuru kɔn kɔnɔnɛ ɔ po pa, I gbəli hɛ thȧnkȧŋ tey nu, thalɔm i gbapɛ nu.

Yeməs 3:13

Kanɛ yi utempi yi utara tȧy kətɔŋ ka nu-e? Ta ɔ tɔri ti ka ŋesəm alompi, yi ka məyɔs mətempi rə ȧmerȧ athoranɛ.

1 Pitar 2:15

Ȧtesoma-e mȧselɔ ma Kuru miəŋ, kəpa ye nə yi tə kəkantha tasəŋ ta ante tȧrȧ rə kəyɔ məfinɔ,

1 Pitar 3:16

kȧmȧ nə bɛnɛ aŋyiko a nu ȧferȧ pər, kȧmȧ pə yi ma a fofiya nu mɔ afəm aŋa yɔ aləs-e, aŋ tə wɔŋ məlap maŋ nənk mȧyɔs ma nu məfinɔ rokor ka Kraystȧŋ.

1 Pitar 4:11

Bepi wuni o wuni ɔ kawandi-e, ta pə yi mɔ ɔ fɔf tȧteŋ ta Kuru; bepi wuni o wuni ɔ yɔna ulɔm-e, ta ɔ yɔ ti ka kagbəli ka Kuru, kȧmȧ Kuru ɔ sɔthɔ ayiki salata tȧy o tȧy kətaŋ ka Yisɔs Krayst ɔwe ba kəthɔkəs yi afɔsɔ haŋ thȧnkȧŋ thəbana, Amina.

2 Pitar 3:11

Ma sə nənk kəpa ɛyɛt ɛye bɛ ɛ tə dinɛ-e, ko afəm ŋaŋ nə yi naŋ tə kəyi ka məyi məsəm, dɛ yi ka ranes ra Kuru-e?