1 Pitar 2:1 - Ȧŋlemrȧnɛ Ȧfu

¹ Tiyȧŋ gbapɛ nu məgbɛŋanɛ, yi akansoŋ, yi ɛpa ɛkȧrȧfu kȧrȧfu, yi kətut, dɛ yi kəforthȧnɛ bɛ;

1 Pitar 2:1 ပူးပေါင်းရင်းမြစ်များ

Mathiu 15:7

Na amunafaki, pǝ yi ɔlompi ȧte ɔnȧbi Isaya ɔ nȧbi ta ȧtȧ nu ma ɔ pa,

Mathiu 23:28

Ya pǝ yi sɔ mɔ naŋ, nǝ tɔrinɛ nɔru kǝyi na alompi ka aŋfǝm, kɛrɛ rokor nǝ la rǝmunafaki yi mǝkǝnȧ.

Mathiu 24:51

Ɔwa ɔ tǝ sȧp kɔ kǝsȧp kǝbana, ɔ tǝ bot kɔ dɛr yi ȧŋmunafȧki, ro kȧkulɔ yi kȧŋȧkŋȧk ɛsek kǝ yi.

Mathiu 7:5

Mun wuni yɔr, mɔtha wurɔ kagboŋ ka rafɔr ra mu, ɔwa kǝdarǝŋ kati mǝ tǝ gbǝli nənk gbǝraŋ tǝ kǝwura ȧŋpol ka rafɔr ra ɔwɔnt mu.

Mark 12:15

Sə sɔŋ-i, thalɔm sə te sɔŋ-i? Kɛrɛ ma kɔnɔ ɔ tȧrȧ masɔth ma ŋaŋ-e, ɔ pa ro ŋaŋ, kɔyɛŋ mə nə gbɔns mi-e? Kara mi akɔpər abana ŋin kȧmȧ i kəli ŋi.

Luk 11:44

Mɔnɛ ro rɔnu naŋ akarmɔkɔ yi aFaresi, amunafaki! Ȧtesoma-e nə yi mɔ taboma təmaŋknɛ, ɔwa aŋfəm aŋa kɔth rokɔm kati aŋ tɛ hɛ ti.

Luk 12:1

Ka ȧŋlɔkɔ ŋati, ma afəm ɛwul ɛgbathȧ aŋ thoŋklanɛ rɔkin haŋ aŋ nasanɛ, Yisɔsȧŋ ɔ mɔtha təp tə kəfɔfanɛ aŋkarande ŋɔŋ, ɔ pa, Botnɛ nu ta ɛgbith ya aŋFarisi, ɛyɛ yi rəmunafaki

Luk 6:42

To mə gbəli pa ka ɔwɔnt mu, Wɔnt mi, yɔ kȧmȧ i wurɔ ȧŋpol ka rafɔr ra mu, ma mə te nənk kagboŋ ȧke yi ka rafɔr ra mu-e? Mun munafaki, mɔtha wurɔ kagboŋ ka rafɔr ra mu, ɔwa mə tə nənk gbəraŋ tə kəwura ȧŋpol aŋa yi ka rafɔr ra ɔwɔnt mu.

Yɔn 1:47

Ma Yisɔs ɔ nənk Nathaneɛl ɔ der ro ŋɔŋ-e, ɔ pa ta atɔŋ, Kəli uIsreɛl tɛntɛnɛ, ɔwe te ba yaŋfa!

AŋRomans 1:29

Ŋaŋ-e aŋ po la yi mələs tətəp tətəp, mȧkənȧ-o, kȧtut-o, ȧmerȧ aləs-o, amilɛ-o, kȧdif kəsias-o, kȧgbal dɛ yi kȧtɔns tȧy.

1 AŋKɔrenth 14:20

Awɔnt, te nu yi afɛth rə ȧmerȧ, kɛrɛ rə məgbɛŋanɛ yi nu təlɛnth; ɔwa ka kəsɔthnɛ yi nu mɔ afəm abȧki.

1 AŋKɔrenth 5:8

Tiyȧŋ ta sə bɛnɛ amet, pə yi hɛ rə ɛgbith ɛkur, thalɔm yi ɛgbith ya məgbɛŋanɛ, yi mələs, kɛrɛ rə kabo kəte ba ɛgbith ka ȧmerȧ ȧferȧ yi tȧteŋ.

2 AŋKɔrenth 12:20

Ȧtesoma-e i soli ta thani bepi i der-e, i ti bəp nu mɔ mə i te yema, ɔwa naŋ sɔ nə tə fir mi mɔ mə nə te yema, ta thani pə tə yi ɛgbal-o, kȧtut-o, mȧbaŋ-o, ɛpeskɛnɛ-o, kȧforthanɛ-o, kȧfɔflanɛ-o, kȧbondəsnɛ-o, dɛ yi ɛtotok;

AŋƐfisɔs 4:31

Gbapɛ nu ȧmerȧ aroŋkəth-e, rəbaŋ-e, məthɛkɛ-e, kəthoŋka thoŋka dɛ yi ȧmerȧ aləs tətəp bɛ,

1 AŋThɛsȧlonika 2:3

kotȧy-e ȧŋmȧŋ a su aŋ wur hɛ rə kəyɛthȧ, thalɔm məpulkɛ, ta a pa ras məsɔth;

1 Timɔthi 3:11

Arani ŋaŋ sɔ aŋ tə yi atempi, aŋa mə te ləsər ŋes ŋa wuni, aŋ bɔthər hɛ kəyɔ məgbati, ka aŋ yi abɔthi lanɛ ta tȧy o tȧy.

Taytɔs 2:3

Ya pəyi sɔ yi ŋaŋȧŋ, kȧmȧ mȧyɔs maŋ mə yi mɔ afəm asəm, kȧmȧ aŋ te yi afəm anafiki-e, ɔwa aŋ yi hɛ tə kəmun məber məgbathi, kɛrɛ ta aŋ thəksa mȧtȧy məfinɔ,

AŋHibru 12:1

Tiyȧŋ ma ayama abana ŋa məseri aŋ kampər su yaŋ-e, maŋ gbapɛ nu koko ara mə bɛnt su, dɛ yi aŋhakɛ aŋa mə thiŋkər su katkat, ɔwa maŋ gbukɛ nu rə kəmuyu kȧgbȧkȧnɛ ȧke mə a bot rodi kȧsu.

Yeməs 1:21

Tiyȧŋ gbapɛ nu mȧnɔkɔ yi məthasərnɛ ma mələs bɛ, ɔwa rə ȧmerȧ athoranɛ malanɛ nu ȧrim ara a tɛpər nu-e, ara gbəli kisis rafəm ra nu.

Yeməs 3:14

Kɛrɛ bepi nə ba kətut kəroŋkəth yi kəgbal ka ɛmerȧ ɛ nu-e, te kolonɛ, ɔwa te yemsa tȧteŋ.

Yeməs 4:11

Awɔnt, te nu fofiya aŋwɔnt a nu; kɔn ɔwe mə fofiya ɔwɔnt kɔŋ-e, thalɔm ɔ thonkas ɔwɔnt kɔŋ-e, ɔ fofiya ȧŋthɔ, ɔ thonkas ȧŋthɔ; ɔwa bepi mə thonkas anthɔ-e, mə yi hɛ sɔ ɔwe mə wop ŋi, mə yi uthoŋkas.

Yeməs 4:5

Nə nanɛ kəpa mȧgbal məsəm mə pa kətiŋ-i, ƆYina məsəm ɔwe yi su rokor ɔ kəlianɛ su dɛ yi kətut kəbaŋ-i?

Yeməs 5:9

Awɔnt, te nu fɔfəthanɛ ukin dɛ yi ulɔm, ta thani naŋ sɔ nə sɔthɔ mətheri. Kəla ɔThoŋkas ɔ təmȧ ka kadare.

1 Pitar 2:16

mɔ afəm a kəyaŋkaŋ; kɛrɛ te nu yɔ rȧwankom ra nu rə səkɛ mɔ kibari tə kəyɔ məkənə, kɛrɛ yɔ nu mɔ ɛbɔy ya Kuru Məsaba.

1 Pitar 2:22

Ɔwe yɔhɛ ahakɛ bɛ, ta a pa ras, ɔ fɔf rəyem.

1 Pitar 3:10

Pəkasifɛ, Kɔn ɔwe bɔthər ŋesəm, yi ɔwe yema nənk mərey məfinɔ, Ta ɔ bum ramer rɔŋ kəwur ka mələs, Dɛ yi kȧsəŋ kɔŋ kəte fɔf ayaŋfa.

1 Pitar 4:2

kȧmȧ ɔ te sɔ yirȧ ka marey ma aŋesəm ŋɔŋ bɛ tə kəthənsər mafela ma madɛr, kɛrɛ tə kəyɔ mȧselɔ ma Kuru.

1 Pitar 4:4

Ka pə sɔkanɛ ŋa ma nə te sɔ yɔ mȧyɔs ama ŋaŋ aŋ yɔ, ɔwa aŋ kȧl fɔf nu ɔləs.

Kȧŋȧibinɛ 14:5

Ɔwa a fir hɛ rəyem o rəyem ka tasəŋ taŋ hali rodi ka kawaŋ ka rȧbȧy ra Kuru, ȧtesoma-e aŋ yi agbenthis.