1 Pitar 1:5 - Ȧŋlemrȧnɛ Ȧfu

⁵ aŋa a po bɛnɛ ka aŋfɔsɔ ŋa Kuru asabu ŋa kəlanɛ kəkɔ ka kakisi ȧke a yi tə kəŋaibi ka marey mələpsɔ.

1 Pitar 1:5 ပူးပေါင်းရင်းမြစ်များ

Yɔn 12:48

Ɔwuni ɔwe mə pɛnsa mi, ɔwa ɔ malanɛ hɛ ȧsim ta mi, ɔ ba ukin ɔwe mə thonkas kɔ; ȧrim ara i po fɔf, rə mə thonkas kɔ ka ȧŋrey aləpsɔ.

Yɔn 17:15

I ramnɛ hɛ kȧmȧ mə wurɔ ŋa ka ȧdȧru, kɛrɛ kȧmȧ mə bumər ŋa ka maləs.

Yɔn 4:14

kɛrɛ wuni o wuni ɔwe mə mun ȧmȧnt ama i ti sɔŋ kɔ-e, rəmun rə wop hɛ kɔ sɔ thəbana; kɛrɛ ȧmȧnt ama i ti sɔŋ kɔ mə tə səkɛ rəfɔr ra mȧnt rokor kɔŋ, ara mə gbuthɛ ka aŋesəm thəbana.

Yɔn 5:24

Tɛntɛnɛ i kanɛ nu, Kɔnɔ ɔwe mə təl ȧrim ra mi, ɔwa ɔ lanɛ ɔwe som mi-e, ɔ ba aŋesəm thəbana, ɔ ba hɛ tə kəsɔthɔ mətheri; kɛrɛ ɔ po thas rəfi kəkɔ ka aŋesəm.

AŋRomans 11:20

Tɛntɛnɛ, kɛrɛ a sim ŋa pəkasifɛ aŋ lanɛ hɛ, ɔwa munɔ mə təmȧ gbo salata kȧlanɛ ka mu. Te ŋatanɛ rə amera-e, kɛrɛ nesa;

AŋRomans 8:18

kotȧy-e, i botər ti rə ȧmerȧ kəpa kanakasi ka ȧŋlɔkɔ aŋe kə bek hɛ tə kəthunthanɛ dɛ yi aŋyiki aŋa yi tə kətɔrinɛ do rɔsu.

1 AŋKɔrenth 1:21

Ma pə yi kətȧŋȧnɛ ka kȧtemp ka ȧdȧru-e adaru rə tɛ hɛ Kuru-e, rodarəŋ kati Kurɔŋ ka kȧtemp kɔŋ, ɔ thith tə kəkisis aŋa lanɛ ka ȧŋpənk ŋa kakawandi.

2 AŋKɔrenth 1:24

Pə yi hɛ kəpa sə ba kəgbəka rokɔm ka kȧlanɛ ka nu, kɛrɛ sə yi amar ŋa mabɔnɛ ma nu, kotȧy-e nə təmȧ rɛ kəlanɛ.

AŋKȧletia 2:20

A po taŋtaŋ mi ka akənt kəpəŋkinɛ yi Kraystȧŋ, halisa i ba ŋesəm; kɛrɛ min tha sɔ, pə yi Kraystȧŋ kɔnɔ ɔ yi ukəli rokor kȧmi. Ɔwa aŋesəm aŋa i ŋesəm ka madɛr ka-ake, i ŋesəm kətaŋ ka kȧlanɛ ka ɔWan ka Kuru ɔwe bɔthər mi, kɔ sɔndnɛ ta ȧtȧ mi.

AŋƐfisɔs 2:8

kotȧy-e rȧ aboŋa a kisis nu asabu ŋa kəlanɛ; pə yi hɛ ka aŋfɔsɔ a nu, pə yi ȧŋboya ŋa Kuru Məsaba.

AŋƐfisɔs 3:17

kȧmȧ Krayst ɔ gbəli yirȧ ka ɛmerȧ ɛ nu ka kəlanɛ; kȧmȧ pə yi ma nə ba ɛthəŋk yi ɔtəmər ka məbɔthər-e,

AŋFilipai 1:6

Ka i lanɛ ti ɔbaksər kəpa, kɔnɔ ɔwe po təp məpanth məfinɔ rokor ka nu-e, ɔ tə pons ma haŋ ka ȧŋrey ŋa Yisɔs Krayst.

AŋFilipai 4:7

Ɔwa kaŋka mathɔfəl ma Kuru ama mə thas kəsɔthnɛ bɛ mə kɔtɛ ɛmerȧ yi ɛnanɛ ɛ nu rokor ka Yisɔs Kraystȧŋ.

2 Timɔthi 3:15

tə kəyi munɔ mə po tȧrȧ mȧgbal məsəm kəwur ka rafɛth ra mu, ama gbəli sɔŋ mu kətemp tə kəsɔthɔ kəkisi ta salata kȧlanɛ ȧke yi ka Krayst Yisɔs.

Taytɔs 2:13

ma sə kar ta kagbak ȧmerȧ ka aruba, pə yi mɔ-e katɔrinɛ ka aŋyiki ŋa ɔKuru ubana yi ɔKisis kȧsu Yisɔs Kraystȧŋ;

AŋHibru 6:12

Kama nə te yi ayay, kɛrɛ nə tansanɛ ŋaŋ aŋa sɔthɔ ɛlahiri asabu ŋa kȧlanɛ dɛ yi kamuyu ka ŋaŋ.

AŋHibru 9:28

Ya pə yi sɔ-e, Krayst ɔ po sɔndnɛ win tə kəsara ɛhakɛ ya afəm agbȧthi; ɔwa ɔ tə kȧl tɔrinɛ kȧbeka mȧrəŋ, pə yi hɛ salata ɛhakɛ, kɛrɛ tə kəkisis ŋaŋ aŋa mə kəlianɛ ta atɔŋ.

1 Pitar 1:13

Tiyȧŋ bȧksər nu ɛmerȧ ɛ nu, ɔwa yi nu kəthɛgbɛ; kȧl gbakər ȧmerȧ ɔgbenthis ka ȧŋboŋa aŋa yi ta ȧtȧ nu ka kaŋaibinɛ ka Yisɔs Kraystȧŋ.

1 Pitar 4:13

Kɛrɛ ba ti məbɔnɛ ma nə ba ȧgbȧp ka ȧŋnȧkȧsi ŋa Krayst, kȧmȧ ma aŋyiki ŋɔŋ aŋ ŋaibinɛ-e, nə tə yasanɛ yi məbɔnɛ məbana.

1 Pitar 5:1

I maŋ aŋbȧki aŋa yi kətɔŋ ka nu, minɛŋ min yi sɔ ubaki dɛ yi useri ka ȧŋnȧkȧsi ŋa Kraystȧŋ, minɛ ba sɔ ani ka aŋyiki aŋa mə a re ŋaibi.

2 Pitar 1:3

Mɔlɔ ma aŋfɔsɔ ŋɔŋ asəm aŋ po sɔŋ su tȧy o tȧy ȧtȧ sə yema ta aŋesəm yi ta kakɔth ka aroŋ da Kuru, kətȧŋȧnɛ ka kȧtȧrȧ ka ɔwe po tela su ta aŋyiki dɛ yi mafinɔ mɔŋ məthɔth.

1 Yɔn 3:2

Abɔthər, ka-ake sə yi awuth ŋa Kuru, ɔwa a tha tɔri hɛ su to sə ba kə re yi: kɛrɛ sə tȧrȧ kəpa ma Krayst ɔ kȧl der, sə tə yi mɔ kɔnɔ; pəkasifɛ sə tə nənk kɔ mɔ mɔ yi.

Yud 1:1

Yud, ȧŋbɔy ŋa Yisɔs Krayst, yi ɔwɔnt ka Yeməs, ka ŋaŋ aŋa a muti, ȧŋbɔthər ŋa Kuru ɔKas, yi aŋa a bɛnɛ ta Yisɔs Krayst;

Yud 1:24

Ɔwa ɔwe gbəli bɛnɛ nu kəte yɛthȧ, ɔwa ɔ təmər nu kəte ba apora rodi ka ayiki ŋɔŋ yi məbɔnɛ məbana;