1 Pitar 1:21 - Ȧŋlemrȧnɛ Ȧfu

²¹ Ro rɔŋɔŋ nə lanɛ Kuru Məsaba ɔwe yokas kɔ ka rȧfi, ɔwe sɔŋ kɔ yiki, soma kȧlanɛ yi kagbak ȧmerȧ ka nu kə gbəli yi ka ȧŋgbȧp ŋa Kuru.

1 Pitar 1:21 ပူးပေါင်းရင်းမြစ်များ

Mathiu 28:18

Ka Yisɔsȧŋ ɔ der ɔ fɔfȧnɛ ŋa, ɔ pa, A po sɔŋ mi afɔsɔ bɛ ro riyana yi ka ȧdȧru.

Yɔn 12:44

Yisɔsȧŋ ɔ ŋata ȧrim rɔŋ, ɔ pa, Ɔwe lanɛ mi-e, ɔ lanɛ hɛ minɛŋ, kɛrɛ kɔnɔ ɔwe som mi.

Yɔn 14:1

Ta ɛmerȧ ɛ nu ɛ te nu sɔmpa: nə lanɛ Kuru, lanɛ mi sɔ.

Yɔn 14:6

Yisɔsȧŋ ɔ pa ro ŋɔŋ, Minɛŋ yi aroŋ, yi tȧteŋ, yi aŋesəm: wuni o wuni ɔ gbəli hɛ der ka ɔKas thambe ɔ tȧŋ ka kȧta kȧmi.

Yɔn 17:1

Ma Yisɔsȧŋ ɔ po fɔf mȧtȧy ame, ɔ lakthɛ ro riyana, ɔ pa, Pa, ȧŋlɔkɔ aŋ bek; yikis ɔWan ka mu, kȧmȧ ɔWan ka mu ɔ yikis mu:

Yɔn 17:24

Pa, aŋfəm aŋa mə po sɔŋ mi, i yema kȧmȧ ŋaŋ sɔ aŋ yi ro minɛŋ i yi; kȧmȧ aŋ nənk aŋyiki a mi aŋa mə po sɔŋ mi: ȧtesoma-e mə bɔthər mi yeŋka a bot ɔtəmər wa ȧdȧru.

Yɔn 17:5

Ka-ake, O Pa, yikis mi yi mun munɔnɛ yi aŋyiki aŋa i ba ro mu yeŋka ȧdȧru rə təpɛ.

Yɔn 3:34

kotȧy-e, kɔnɔ ɔwe Kuru ɔ som ɔ tə fɔf ȧsim ta Kuru: ȧtesoma-e Kurɔŋ ɔ thuntha hɛ kɔ ɔYina.

Mȧyɔs ma aŋsom 2:24

Ɔwe Kuru ɔ yokas ka rəfi ma ɔ po səli ɔbaŋ wa rəfi, pəkasifɛ pə fɔyɛ tȧy kəpa rafi rə wop kɔ.

Mȧyɔs ma aŋsom 3:13

ƆKuru ka Ebraham-əŋ, ɔka Aysakȧŋ yi ɔka Yekɔb-əŋ, ɔKuru ka aŋkas a su, kɔnɔ ɔ po yikis ȧŋbɔy ŋɔŋ Yisɔsȧŋ ɔwe naŋ nə lȧnki, ɔwa nə pɛnsa ro der kədi ka Paylet, ma ɔ nanɛ naŋ tə kəter kɔ.

Mȧyɔs ma aŋsom 3:15

Ka nə dif ɔTəpi wa aŋesəm, ɔwe Kuru ɔ po yokas kətɔŋ ka aŋfi, ta ȧtȧ sə yi məseri.

Mȧyɔs ma aŋsom 4:10

ta naŋ bɛ yi aŋfəm ŋa ro Isrɛl bɛ, nə tȧrȧ kəpa, ka ȧŋes ŋa Yisɔs Krayst ɔwe ro Nasarɛth ɔwe nə tȧŋ ka akənt kəpəŋkinɛ-e, ɔwe Kuru ɔ yokas ka rəfi, ka ȧŋes ŋɔŋ gbeŋ ɔlaŋgba ɔwe ɔ təmȧ rodi ka nu uyeŋki mədɛr.

AŋRomans 10:9

kotȧy-e bepi mə gbithanɛ yi kȧsəŋ ka mu kəpa Yisɔs ɔ yi ɔMariki-e, ɔwa mə lanɛ yi ȧŋmerȧ a mu kəpa Kuru ɔ yokas kɔ ka rəfi-e, mə tə kisi.

AŋRomans 4:24

kɛrɛ ta ȧtȧ su sɔ. Ɔwa Kuru ɔ tə kəli kȧlanɛ kȧsu mɔlɔ min, bepi sə lanɛ kɔn ɔwe yokas Yisɔs Krayst kȧsu ka aŋfi.

2 AŋKɔrenth 6:15

Ama ko məmanɛ mə gbəli yi kətɔŋ ka Kraystȧŋ yi Beliɛl-e? Thalɔm ko ȧgbȧp ulanɛ ɔ ba yi ute lanɛ-e?

AŋƐfisɔs 1:15

Tiyȧŋ minɛ sɔ, ma i po təl ta kȧlanɛ ȧke yi kətɔŋ ka nu ka ɔMarki Yisɔsȧŋ, dɛ yi mabɔthər ama nə ba ka aŋsəm bɛ-e,

AŋKɔlɔsi 1:27

Pə bɔnɛs Kuru sɔ tə kətɔri ŋa rayola ra aŋyiki ŋa aŋgbundu aŋe kətɔŋ ka tȧbona təlɔm; aŋa mə yi Krayst rokor ka nu, kagbak ȧmerȧ ka ayiki.

1 Timɔthi 1:1

Pɔlȧŋ ɔsom ka Yisɔs Krayst asabu ŋa aŋyamari ŋa Kuru ɔKisis kȧsu, yi ɔMarki Yisɔs Krayst, ɔwe yi ɔgbak ȧmerȧ kȧsu;

1 Timɔthi 3:16

Ɔwa tɛntɛnɛ kəte ba ȧthonka, aŋgbundu abɔlɔŋ ŋa andina a su ŋe yi abana; Kuru ɔ tɔrinɛ ka ȧŋdɛr ŋa wuni kəpet, ka ɔYina məsəm ɔ sɔŋ kɔ məmari, ka amaleka aŋ nənk kɔ, ka a kawandi ȧkɛra kɔŋ ka tȧbona təlɔm, ka a lanɛ kɔ ka ȧdȧru, ka a kȧl malanɛ kɔ rokɔm rə ayiki abana.

AŋHibru 2:9

Kɛrɛ sə nənk kɔn ɔwe a bɛmpa roratha ka aŋmȧleka ta alɔkɔ agbut, hali Yisɔs, ɔwa a pɔlɔ kɔ ka-ake rə ayiki abana asabu ŋa anakasi ŋa rəfi, kȧmȧ pə re yi ka ȧŋboŋa ŋa Kuru-e, ɔ gbəli tham rəfi ta wuni o wuni.

AŋHibru 6:1

Tiyȧŋ maŋ kɔnɛ nu rodi haŋ sə po tɛŋa. Maŋ tey nu mathəksa mətɔtɔkɔ ma Kraystȧŋ; maŋ te nu kȧl bot ɔtəmər wa kȧlanɛ kȧsu ɔwe yi mɔ kəthupi kəwur ka məpanth məfi, dɛ yi kəlanɛ Kuru,

AŋHibru 7:25

Tiyȧŋ ɔ gbəli kisis ŋaŋ fewu aŋa der ka Kuru kətȧŋȧnɛ ro ŋɔŋ ma ɔ yi ukəli thȧnkȧŋ tə kənɛmthɛnɛ ta ȧtȧ ŋaŋ.

1 Pitar 1:11

kaŋ thɛns ko wuni, thalɔm ko alɔkɔ ɔYina ka Krayst rokor ka ŋaŋ ɔ tɔri ma ɔ ŋaibi ɛsɔmpanɛ ya Krayst dɛ yi aŋyiki aŋa mə tanda.

1 Pitar 1:3

Ta aruba aŋ yi ka Kuru ɔKas ka ɔMarki kȧsu Yisɔs Kraystȧŋ. Ka ȧŋney ŋɔŋ abana ɔ po kom su ɔfu tə kəba kəgbak ȧmerȧ ȧke yi kəkəli salata kakal yokanɛ ka Yisɔs Krayst ka aŋfi,

1 Pitar 3:22

ɔwe po kɔnɛ ro riyana, kɔ yi ka kȧdiyɔ ka Kuru; ɔwa amaleka-o, ɛfɔsɔ-o, yi təbomp bɛ aŋ sanɛ thɔŋ ro rɔŋɔŋ.