1 Pitar 1:19 - Ȧŋlemrȧnɛ Ȧfu

¹⁹ kɛrɛ salata mȧtir məkɛŋ ma Kraystȧŋ, mɔ kəlɔmɛ kəfɛth ɔwe te ba apora bɛ.

1 Pitar 1:19 ပူးပေါင်းရင်းမြစ်များ

Mathiu 20:28

mɔ mǝ ɔWan ka wuni ɔ te der kȧmȧ a yɔna kɔ, kɛrɛ tǝ kǝyɔna afǝm, dɛ yi tǝ kǝsɔnd aŋesǝm ŋɔŋ tǝ kǝbani afǝm alai.

Mathiu 26:28

kotȧy-e ame mǝ yi mȧtir ma mi ma aŋlemranɛ afu, ama a loŋ ta agbȧthi ta katerɔ ka ɛhakɛ.

Yɔn 1:29

Ka ȧŋrey alɔm-e, Yɔnȧŋ ɔ nənk Yisɔsȧŋ ɔ der ro ŋɔŋ, ɔ pa, Kəli kaLɔmɛ kəfɛth ka Kuru ɔwe mə sara aŋhakɛ ŋa ȧdȧru!

Yɔn 1:36

ɔ kəli Yisɔsȧŋ mɔ mɔ kɔth-e, ɔ pa, Kəli kaLɔmɛ kəfɛth ka Kuru!

Mȧyɔs ma aŋsom 20:28

Tiyȧŋ botnɛ nu, ɔwa kȧl tȧmtȧmnɛ ta akuthi bɛ ka aŋa ɔYina məsəm ɔ po bot nu aŋkəlɛnɛ-e, kȧmȧ nə wɔnthər aŋchɔch ŋa ɔMarki aŋa ɔ po wai ka mȧtir mɔŋ gbeŋ.

AŋRomans 3:25

kotȧy-e Kuru ɔ təmər kɔ tə kəyi unɛmthɛnɛ salata kȧlanɛ ka mȧtir mɔŋ. Ɔ yɔ ȧte kȧmȧ ɔ tɔri mȧlompi mɔŋ, ȧtesoma-e ka kamuyu kɔŋ ɔ po painɛ ɛhakɛ ɛyɛ aŋ po yɔ,

AŋƐfisɔs 1:7

Ɔwa, do rɔŋɔŋ, a bani su kətaŋ ka mȧtir mɔŋ, pə yi mɔ-e, kȧterɔ ka ɛhakɛ kətȧŋȧnɛ ka rayola ra ȧŋboŋa ŋɔŋ,

AŋKɔlɔsi 1:14

Do rɔŋɔŋ sɔ sə ba kəbani salata mȧtir mɔŋ, pə yi mɔ-e, katerɔ ka ɛhakɛ ɛ su;

1 Pitar 1:2

aŋa pə yi Kuru ɔKas ɔ thith tə kəsəməs kətȧŋȧnɛ ka ɔYina kȧmȧ aŋ sanɛ ka Yisɔs Krayst dɛ yi a wɔnsir ŋa ka mȧtir mɔŋ. Ta aboŋa yi məthɔfəl ɛ bȧrnɛ ro rɔnu.

1 Pitar 3:18

kotȧy-e Kraystȧŋ ɔ po thɔŋ nakasi win haŋ thəbana ta ɛhakɛ, ɔlompi ɔ sɔmpanɛ ta aŋkənȧ, kȧmȧ ɔ gbəli kȧrȧ su ka Kuru. A dif kɔ ka madɛr, kɛrɛ a kəlis kɔ ka ɔYina.

1 Yɔn 1:7

kɛrɛ bepi sə kɔth ka ȧŋmothȧ mɔ kɔnɔ ɔ yi ka ȧŋmothȧ sə ba məmanɛ ukin yi ulɔm, ɔwa mȧtir ma Yisɔs ɔWan kɔŋ mə gbərans su kəwur ka ɛhakɛ bɛ.

1 Yɔn 2:2

ɔwa kɔnɔ yi asathka tə kəsɔŋ anɛmthɛnɛ ta ɛhakɛ ɛ su: ɔwa pə yi hɛ gbo ta ɛyɛ su, kɛrɛ ta ɛhakɛ ya ȧdȧru bɛ.

Kȧŋȧibinɛ 1:5

dɛ yi kəwur ka Yisɔs Kraystȧŋ, ɔwe yi ɔSeri ubɔthi lanɛ, ɔWan utɔtɔkɔ kəwur kətɔŋ ka aŋfi; dɛ yi ɔGbəka ka aŋbȧy bɛ nɔru. Ta kɔn ɔwe bɔthər su-e, ɔwe po bani su ka ɛhakɛ ɛ su kətȧŋȧnɛ ka mȧtir mɔŋ gbeŋ-e,

Kȧŋȧibinɛ 14:1

Ka i kəli, ɔwa kəlo, kəLɔmɛ kəfɛth ɔ təmȧ ka kateŋ ka Sayɔŋ, dɛ yi afəm ɛwul kɛmɛ kin təgba tərəŋ yanlɛ aŋ təmȧ yi kɔn, afəm ŋaŋ aŋa ba ȧŋes ŋɔŋ yi ȧŋes ŋa ɔKas kɔŋ ka mabuŋ maŋ.

Kȧŋȧibinɛ 14:5

Ɔwa a fir hɛ rəyem o rəyem ka tasəŋ taŋ hali rodi ka kawaŋ ka rȧbȧy ra Kuru, ȧtesoma-e aŋ yi agbenthis.

Kȧŋȧibinɛ 5:6

Ka i kəli, ɔwa kəlo, kətɔŋ ka kawaŋ ka rȧbȧy yi ɛwuka akəli ŋanlɛ, dɛ yi aŋbȧki-e, i nənk kaLɔmɛ kəfɛth ɔ təmȧ, ka pə bȧlȧnɛ mɔ a po fai kɔ sathka. Ɔwa ɔ ba ɛlɛn tȧmthədɛrəŋ, dɛ yi ɛfɔr tȧmthədɛrəŋ, ɔwa ɛye yi ɛyina tȧmthədɛrəŋ ya Kuru ɛyɛ a po somra ka ȧdȧru bɛ.

Kȧŋȧibinɛ 5:9

kaŋ leŋ aleŋ afu, kəpa, Munɔ mə yi ubeki tə kəgbasi ȧkȧfȧ, yi tə kəsim ɛmȧthlɛ; kotȧy-e a po fai mu sathka, ɔwa mə po bani afəm ka Kuru kətȧŋȧnɛ ka mȧtir ma mu, pə yi mɔ-e afəm kəwur kətɔŋ ka təkomra, yi tənt, yi afəm, yi təbona bɛ.

Kȧŋȧibinɛ 7:14

Ka i pa do rɔŋɔŋ, “Pa, munɔ tȧrȧ.” Kɔ kȧl kanɛ mi hɔ, “Aŋe-e, aŋ wur ka ansɔmpanɛ abana, kaŋ po yak ȧsuma taŋ, ɔwa aŋ po fethər ti ka mȧtir ma kaLɔmɛ kəfɛth.