1 Pitar 1:15 - Ȧŋlemrȧnɛ Ȧfu

¹⁵ Kɛrɛ mɔ kɔn ɔwe tela nu ɔ yi usəm-e, naŋ sɔ nə yi tə kəyi asəm ka mayi ma nu bɛ;

1 Pitar 1:15 ပူးပေါင်းရင်းမြစ်များ

Mathiu 5:48

Tiyȧŋ yi nu agbenthis mɔ mǝ ɔKas ka nu ɔwe yi ro riyana ɔ yi ugbenthis.

AŋRomans 9:24

hali saŋ aŋa ɔ po tela kəwur ka aŋYuda son thahɔ, kɛrɛ ka tȧbona təlɔm sɔ.

2 AŋKɔrenth 7:1

Tiyȧŋ abɔthər, ma sə po ba ɛlahiri ɛye-e, maŋ gbəransnɛ nu kəwur ka məpulkɛ bɛ ma madɛr dɛ yi aŋyina, ɔwa sə gbenthis rəsəm ka ranes ra Kuru.

AŋFilipai 1:27

Kɛrɛ yɔ nu kȧmȧ mȧyɔs ma nu mə yi məgbɛt ta ȧkɛra kəfinɔ ka Kraystȧŋ; kȧmȧ pə yi-e, bepi i der kori nu, thalɔm i bəpər hɛ, i gbəli təl ta mȧyɔs ma nu, kəpa nə təmȧ kəŋkəŋ ka mȧyi min dɛ yi ȧmerȧ ŋin tə kətim ta kȧlanɛ ka ȧkɛra kəfinɔ ka Kuru.

AŋFilipai 3:14

ka i lomanɛ toloŋ ka ɔber wa ȧŋrȧm ŋa katela kəbɔli rəkɔm ȧke Kuru ɔ sɔŋ rokor ka Yisɔs Kraystȧŋ.

AŋFilipai 3:20

Kɛrɛ radure ra su rə yi ro riyana, ka sə kəli sɔ ta ɔKisis ɔwe ba tə kəwur ri, pə yi mɔ-e ɔMarki Yisɔs Krayst,

1 AŋThɛsȧlonika 2:12

Kama pə re yi nə gbəli kɔth mɔ pə bekȧnɛ ka Kuru, ɔwe po tela nu ka rȧbȧy rɔŋ ra ayiki.

1 Timɔthi 4:12

Te yɔ kȧmȧ afəm aŋ farki rafɛth ra mu; kɛrɛ yi amɔl ta aŋlanɛ salata kȧfɔf, yi mȧyɔs, yi mȧbɔthər, yi kȧlanɛ, yi kȧba ȧmerȧ ȧferȧ.

2 Timɔthi 1:9

ɔwe po kisis su, ɔwa ɔ po tela su yi kətela kəsəm, pə yi hɛ mɔlɔ ma mapanth ma su mə yi, kɛrɛ salata mȧselɔ yi ȧŋboŋa ŋɔŋ, aŋa ɔ po sɔŋ su ka Yisɔs Kraystȧŋ yeŋka ȧdȧru rə təpɛ,

Taytɔs 3:14

Ɔwa yɔ kȧmȧ aŋfəm a su aŋ thəkəs tə kəyɔ məpanth məfinɔ ta ɛgbɛthɛŋ yaŋ kȧmȧ aŋ te yi akoŋfereŋ.

Taytɔs 3:8

Ȧrim are rə yi tȧteŋ, ɔwa i yema kȧmȧ mə thiŋkər mȧtȧy ame katkat kȧmȧ ŋaŋ aŋa po lanɛ Kuru-e aŋ gbəli yi afəm asɔbɛ tə kəyɔ məyɔs məfinɔ. Mȧtȧy ame mə yi məfinɔ, ɔwa mə mar sɔ afəm bɛ.

AŋHibru 12:14

Tȧŋ nu məthɔfəl rə afəm bɛ, yi masəm ama pə yi-e, thambe wuni ɔ ba ma-e, ɔ gbəli hɛ nənk ɔMarki.

AŋHibru 13:5

Yi nu kəyaŋkaŋ kǝwur ka mafela ma akala-e; ɔwa ta ara nə ba rə yi rəbeki nu; kotȧy-e Kuru kɔn kɔnɔnɛ ɔ po pa, I gbəli hɛ thȧnkȧŋ tey nu, thalɔm i gbapɛ nu.

Yeməs 3:13

Kanɛ yi utempi yi utara tȧy kətɔŋ ka nu-e? Ta ɔ tɔri ti ka ŋesəm alompi, yi ka məyɔs mətempi rə ȧmerȧ athoranɛ.

1 Pitar 2:12

Kɔth nu ɔlompi kətɔŋ ka tȧbona təlɔm kȧmȧ pə yi, hali aŋ tɛntɛ bont nu afəm aləs-e, maŋ nənk mȧyɔs ma nu məfinɔ, ka ȧŋrey ŋa asɔmpanɛ aŋ tə yikis Kuru Məsaba.

1 Pitar 2:9

Kɛrɛ naŋ nə yi ȧbɔnshɔ ȧthith, rəfode ra rȧbȧy, abona asəm, afəm agbaskɛ; kȧmȧ nə taməs akori kori ŋa ɔKuru ɔwe po tela nu tə kəwur ka ȧŋsum kəkɔ ka kawalɛ kɔŋ kəkabanɛ.

1 Pitar 3:16

kȧmȧ nə bɛnɛ aŋyiko a nu ȧferȧ pər, kȧmȧ pə yi ma a fofiya nu mɔ afəm aŋa yɔ aləs-e, aŋ tə wɔŋ məlap maŋ nənk mȧyɔs ma nu məfinɔ rokor ka Kraystȧŋ.

1 Pitar 5:10

Kɛrɛ ɔKuru ka aboŋa bɛ, ɔwe po tela su tə kəwɔŋ ka aŋyiki ŋɔŋ athəbana-e, kətaŋ ka Krayst Yisɔsȧŋ, ma nə po nakasi ɔthan-e, kɔn kɔnɔnɛ ɔ tə gbenthis nu, ɔ tə bȧksər nu, ɔ tə lompəs nu.

1 Yɔn 3:3

Ɔwa wuni o wuni ɔwe ba kabot ȧmerȧ ake ɔ tə gbəransnɛ, mɔ mə Krayst ɔ yi ugbəraŋ.

Kȧŋȧibinɛ 3:7

Gbal ka ɔkəlianɛ ka aŋchɔch ŋa ro Filadɛlfiya kəpa ye, Ɔwe yi usəm yi utəteŋ, ɔwe ba masapɔ ma Debid, ɔwe mə kanthi, ɔwa wuni o wuni ɔ gbəli hɛ kantha, kɔ kȧl kantha, ɔwa wuni o wuni ɔ gbəli hɛ kanthi; ɔkati ɔ pa,

Kȧŋȧibinɛ 4:8

Ka ɛwuka ŋanlɛ aŋe aŋ ba kin o kin ɛkufna tȧmthərukin, kaŋ la sɔ ɛfɔr rokor-e, ɔwa pali gbɛs aŋ fothanɛ hɛ tə kəpa, Ɔsəm, ɔsəm, ɔsəm, ɔMarki Kuru ka aŋfɔsɔ bɛ, ɔwe la yi, ɔwe yi, dɛ yi ɔwe ba tə kəder.

Kȧŋȧibinɛ 6:10

kaŋ gbelegbele aŋ pa, ƆMariki usəm, dɛ yi utəteŋ, to pə ba tə kəwon sɔ-e yeŋka mə thonkas tə kəkala mȧtir ma su ka ŋaŋ aŋa yi ka ȧdȧru-e?