1 Timɔthi 6:16 - Ȧŋlemrȧnɛ Ȧfu

¹⁶ ɔwe pə yi kɔn son ɔ ba aŋesəm thəbana ka aŋyɛthɛ ŋɔŋ, rə kəyira ka ȧŋmothȧ aŋa wuni o wuni ɔ gbəli hɛ fatər; ɔwe wuni o wuni ɔ te tha nənk, ta a pa ras ɔ gbəli hɛ nənk; ɔwe ba yiki yi afɔsɔ thȧnkȧŋ thəbana, Amina.

1 Timɔthi 6:16 ပူးပေါင်းရင်းမြစ်များ

Yɔn 1:18

Wuni kəpet ɔ tha nənk hɛ Kuru hali; ɔWan gbo son, ɔwe yi ka aŋkəpət ŋa ɔKas, kɔnɔ ɔ po ŋaibi kɔ.

Yɔn 14:9

Yisɔsȧŋ ɔ pa ro ŋɔŋ, Filip, ma i po yi alɔkɔ awoni ro nu, mə tha tɛ hɛ mi-i? Wuni o wuni ɔwe po nənk mi ɔ po nənk ɔKas sɔ: to munɔ mə pa-e, Tɔri su ɔKas-e?

Yɔn 6:46

Pə yi hɛ kəpa wuni o wuni ɔ po nənk ɔKas, thambe kɔnɔ ɔwe wur ka Kuru, kɔnɔ ɔ po nənk ɔKas.

Yɔn 8:58

Yisɔsȧŋ ɔ pa ro ŋaŋ, I kanɛ nu tɛntɛnɛ, Yeŋka a kom Ebraham-əŋ, I yi.

AŋƐfisɔs 3:21

ɔwa ta ayiki aŋ yi do rɔŋɔŋ rokor ka aŋchɔch dɛ yi ka Yisɔs Krayst haŋ thɔŋ təkomra bɛ, thȧnkȧŋ o thȧnkȧŋ. Amina.

AŋFilipai 4:20

Ɔwa ka-ake ta ayiki aŋ yi ka Kuru ɔKas kȧsu thȧnkȧŋ o thȧnkȧŋ. Amina.

AŋKɔlɔsi 1:15

ɔwe yi mȧbȧlȧnɛ ma Kuru ɔwe sə te tha nəŋka rəfɔr, ɔWan utɔtɔkɔ ka ɛyɛt ɛtəpi bɛ.

1 Timɔthi 1:17

Ɔwa ka-ake, ta ɔBȧy ka thəbana, ɔwe te fi, ɔwe sə te nəŋka rəfɔr, ɔKuru utempi son, ta ɔ sɔthɔ yiki yi kəkolo thȧnkȧŋ thəbana, Amina.

AŋHibru 13:8

Yisɔs Krayst ɔ yi mɔlɔ min dis, yi thonɔŋ haŋ thȧnkȧŋ thəbana.

Yeməs 1:17

Aboya o boya afinɔ, yi aboya o boya agbenthis aŋ wur rokɔm, aŋ thor kəwur ka ɔKas ka ȧŋmothȧ, ɔwe te ba məfəlɛ fəlɛ, thalɔm amumpəl ŋa kəsiŋkar.

1 Yɔn 1:5

Ɔwa ȧkɛra ȧke sə po təl ro ŋɔŋ sə tɔri nu kəpa Kuru ɔ yi amotha, ɔwa hali asum aŋ yi hɛ ro ŋɔŋ.

1 Yɔn 1:7

kɛrɛ bepi sə kɔth ka ȧŋmothȧ mɔ kɔnɔ ɔ yi ka ȧŋmothȧ sə ba məmanɛ ukin yi ulɔm, ɔwa mȧtir ma Yisɔs ɔWan kɔŋ mə gbərans su kəwur ka ɛhakɛ bɛ.

1 Yɔn 4:12

Wuni o wuni ɔ tha nənk hɛ Kuru hali. Bepi sə bɔthərȧnɛ, Kuru ɔ tiyȧ ro su, yi mabɔthər mɔŋ mə gbenthis ro su.

Yud 1:25

ta kɔnɔ ɔKuru son ɔKisis kȧsu ɔ sɔthɔ ayiki, kəthɔkəs, rȧbȧy yi ɛfɔsɔ kətȧŋȧnɛ ka Yisɔs Krayst ɔMarki kȧsu katəp yeŋka ɛlɔkɔ ɛ yi dɛ ka-ake dɛ haŋ thȧnkȧŋ thəbana. Amina.

Kȧŋȧibinɛ 1:6

ɔwe po səki su rəbȧy, pə yi mɔ-e, afode ŋa mapanth ma Kuru ɔKas kɔŋ. Ta ayiki dɛ yi afɔsɔ ɛ yi do rɔŋɔŋ thȧnkȧŋ thəbana. Amina.

Kȧŋȧibinɛ 1:8

Minɛ yi Alfa yi Omeka, ɔMarki ɔ pa, ɔwe yi, dɛ yi ɔwe la yi, dɛ yi ɔwe yi tə kəder, ɔKuru ka afɔsɔ bɛ, kɔn kɔnɔnɛ.

Kȧŋȧibinɛ 21:3

Ka i təlȧ sɔ rim rəbana ara wur ka kawaŋ ka rȧbȧy, rə pa, Kəla, ɔyirȧ wa Kuru ɔ yi rɛ afəm a kəpet, ɔwa ɔ tə yirȧ kətɔŋ ka ŋaŋ-e, ɔwa aŋ tə yi aŋfəm ŋɔŋ, ka Kuru kɔn kɔnɔnɛ ɔ tə yi rɛ ŋaŋ, ɔwa ɔ tə yi ɔKuru ka ŋaŋ gbeŋ.

Kȧŋȧibinɛ 22:5

Ɔwa rȧtȧtȧk rə ba hɛ kəyi ri sɔ; aŋ fela hɛ amotha thalɔm aret tə kəgbɛntha-e, kotȧy-e ɔMarki Kuru ɔ tə gbɛnthar ŋa; ɔwa aŋ tə gbəka haŋ thȧnkȧŋ thəbana.

Kȧŋȧibinɛ 4:11

Munɔ ɔMarki Kuru mə yi ubeki tə kəsɔthɔ ayiki, yi kəthɔkəs, dɛ yi afɔsɔ; kotȧy-e munɔ mə po bɛmpa ɛyɛt bɛ, ɔwa salata mabɔnɛ ma mu ɛyɛt bɛ ɛ yi, tȧsom a la bɛmpa yi.

Kȧŋȧibinɛ 7:12

Kaŋ pa, Amina; aruba, yi kəthɔkəs, yi kətemp, yi mɔmɔ, yi ayiki, yi afɔsɔ, yi kəgbəli tȧy ɛ yi ka ɔKuru kȧsu thȧnkȧŋ thəbana. Amina.