1 Timɔthi 3:15 - Ȧŋlemrȧnɛ Ȧfu

¹⁵ Kɛrɛ bepi tȧy o tȧy tə kali kali mi-e, i yema kȧmȧ mə gbəli tȧrȧ to mə ba naŋ tə kəkɔth kətɔŋ ka kabɔr ka Kuru, pə yi mɔ-e, aŋchɔch ŋa ɔKuru ukəli aŋa yi mȧkər yi ɔtəmər wa tȧteŋ.

1 Timɔthi 3:15 ပူးပေါင်းရင်းမြစ်များ

Mathiu 16:16

Ka Saymɔn Pitarȧŋ ɔ lasi, ɔ pa, Munɔ yi ɔKrayst, ɔWan ka ɔKuru ukǝli.

Mathiu 18:18

Tǝ tɛntɛnɛ i kanɛ nu, rǝka o rǝka ara mǝ nǝ sek nɔru rǝ tǝ yi rǝsek ro riyana, ɔwa rǝka o rǝka ara mǝ nǝ sǝli ka ȧdȧru-e rǝ tǝ yi rǝsǝli ro riyana.

Yɔn 1:17

Ȧtesoma-e Mosisȧŋ kɔnɔ sɔŋ ȧŋthɔ; kɛrɛ ȧŋboŋa yi tȧteŋ ɛ der ka kȧta ka Yisɔs Krayst.

Yɔn 14:6

Yisɔsȧŋ ɔ pa ro ŋɔŋ, Minɛŋ yi aroŋ, yi tȧteŋ, yi aŋesəm: wuni o wuni ɔ gbəli hɛ der ka ɔKas thambe ɔ tȧŋ ka kȧta kȧmi.

Yɔn 18:37

Payletȧŋ pa ro ŋɔŋ, Mə yi mən ubai-i? Yisɔsȧŋ ɔ pa Aŋko, mə pa tȧteŋ, i yi ubȧy. Ta ȧte tə a kom mi, ɔwa ta ȧŋsabu aŋe tə i der ka ȧdȧru, kȧmȧ i gbaki ta tȧteŋ. Wuni o wuni ɔwe yi ka tȧteŋ ɔ təl ȧrim ra mi.

Yɔn 6:69

Ɔwa sə po lanɛ ɔwa sə tȧrȧ kəpa munɔŋ mə yi ɔSəm ka Kuru.

Mȧyɔs ma aŋsom 1:2

haŋ ȧŋrey aŋa a ŋata kɔ rokɔm, kədarəŋ kɔ po sɔŋ aŋyamari ka aŋfɔsɔ ŋa ɔYina məsəm ka aŋsom aŋa ɔ po thith.

Mȧyɔs ma aŋsom 14:15

Pa-ŋaŋ, kɔyɛŋ mə nə yɔ mȧtȧy ame-e? Saŋ sɔ sə yi afəm mɔ naŋ, sə kȧrȧ nu kɛra kəfinɔ kȧmȧ nə tey mȧtȧy məyai ame tə kəlafthɛ ka ɔKuru ukəli ɔwe bɛmpa akuru-o, anthɔf-o, kȧbȧŋ-o yi koko ara yi ri.

AŋRomans 3:2

Agbathi gbo rə roŋ o roŋ. Ka ɔtɔtɔkɔ, pəkasifɛ a maŋkər anYuda mȧgbal məsəm ma Kuru.

AŋRomans 9:26

Ɔwa ka ɔdɛr ro a la pa ro rɔŋaŋ, Nə yi hɛ aŋfəm a mi, Ri gbeŋ a tə bont ŋa aŋwuth ŋa ɔKuru ukəli.

1 AŋKɔrenth 10:32

Te nu sɔŋ kəthɛn o kəthɛn, pə yi ka aŋYuda-o, thalɔm aŋKrik-o, thalɔm ka aŋchɔch.

1 AŋKɔrenth 3:16

Naŋ nə tɛ hɛ kəpa nə yi ȧŋseth ŋa Kuru, ka ɔYina ka Kuru ɔ yirȧ rokor ka nu-i?

2 AŋKɔrenth 3:3

kotȧy-e a tɔri ti gbafəth kəpa nə yi ȧŋreka ŋa Kraystȧŋ aŋa a po maŋkər su, aŋa a te gbal rə aruba, kɛrɛ rə ɔYina ka ɔKuru ukəli; pə yi hɛ ɛwalka ɛ məsar, kɛrɛ ɛwalka ya ɛmerȧ ya afəm a kəpet.

2 AŋKɔrenth 6:16

Ta a pa ras ko asekəranɛ ȧŋseth ŋa Kuru aŋ ba yi ɛyɛt ɛrɔŋ-e? Kotȧy-e saŋ sə yi ȧŋseth ŋa ɔKuru ukəli, mɔ mə Kuru ɔ pa, I ti yirȧ kətɔŋ ka ŋaŋ, ɔwa i ti kɔth kətɔŋ ka ŋaŋ; ɔwa i ti yi ɔKuru ka ŋaŋ, dɛ yi ŋaŋ aŋ tə yi aŋfəm a mi.

2 AŋKɔrenth 6:7

ka ȧrim ra təteŋ, ka aŋfɔsɔ ŋa Kuru, ka ɛyɛt ɛtima ya məlompi ka kȧdiyɔ yi ka kȧmɛrɔ,

AŋKȧletia 2:9

maŋ sɔthnɛ ȧŋboŋa aŋa a po sɔŋ mi-e, Yeməs, Kifas, yi Yɔnȧŋ aŋa a lɔm mɔ məkər ma aŋchɔch-e, aŋ sɔŋ saŋ Banabasȧŋ kȧta kədiyɔ ka məmanɛ; kȧmȧ saŋ sə kɔ ka tȧbona təlɔm, dɛ yi ŋaŋ ka ȧŋbirons.

AŋKȧletia 3:1

O naŋ aKaletia aŋa te ba kətemp kəbeki-e, kanɛ serəs nu-e kȧmȧ nə te wop tȧteŋ, kədarəŋ ka a po tɔri nu gbafəth kəpa a po tȧŋ Krayst ka akənt kəpəŋkinɛ-e?

AŋƐfisɔs 4:21

bepi pə yi ti yathi kəpa nə po təlȧ kɔ, ka a po thəksa nu mɔ tȧteŋ tə yi rokor ka Yisɔsȧŋ.

AŋKɔlɔsi 1:5

asabu ŋa kagbak ȧmerȧ ȧke a bɛnɛ ta ȧtȧ nu ro riyana, ȧke nə po təl kətȧŋȧnɛ ka ȧrim ra tȧteŋ ta ȧkɛra kəfinɔ ka Kuru.

1 AŋThɛsȧlonika 1:9

kotȧy-e ŋaŋ gbeŋ aŋ seri ta ȧtȧ su-e, kaŋ tɔri to naŋ nə malanɛ su-e, ɔwa to nə lafthɛ ka Kuru kəwur ka ɛrɔŋ tə kəbatho ɔKuru ukəli utəteŋ,

1 Timɔthi 3:14

I gbalər mu mȧtȧy ame, ma pə yi-e i gbak ȧmerȧ i ti der ro rɔmu lɛmp.

1 Timɔthi 3:16

Ɔwa tɛntɛnɛ kəte ba ȧthonka, aŋgbundu abɔlɔŋ ŋa andina a su ŋe yi abana; Kuru ɔ tɔrinɛ ka ȧŋdɛr ŋa wuni kəpet, ka ɔYina məsəm ɔ sɔŋ kɔ məmari, ka amaleka aŋ nənk kɔ, ka a kawandi ȧkɛra kɔŋ ka tȧbona təlɔm, ka a lanɛ kɔ ka ȧdȧru, ka a kȧl malanɛ kɔ rokɔm rə ayiki abana.

1 Timɔthi 3:2

Ugbəka ɔ yi tə kəyi wuni paŋitȧy ka mayi mɔŋ, ɔwos ka urani ukin, uyɔ kəthɛgbɛ, utempi, ɔwe ba asɔŋ afinɔ, ɔwe bɔthər kəfantha atik-e, yi ɔwe gbəli thəksa.

1 Timɔthi 3:5

kotȧy-e bepi wuni ɔ tɛ hɛ tə kəgbəka ȧŋseth ŋɔŋ gbeŋ-e, to mɔ gbəli kəlianɛ aŋchɔch ŋa Kuru Məsaba-e?

1 Timɔthi 4:10

Ȧtesoma-e ta ȧte sə bȧsər bulɔ, sə bȧsər sulnɛ, pəkasifɛ sə poŋ gbak ɛmerȧ ɛ su ka ɔKuru ukəli, ɔwe yi ɔKisis ka afəm bɛ, pə tha gbethi ka ŋaŋ aŋa yi ka kȧlanɛ.

1 Timɔthi 6:16

ɔwe pə yi kɔn son ɔ ba aŋesəm thəbana ka aŋyɛthɛ ŋɔŋ, rə kəyira ka ȧŋmothȧ aŋa wuni o wuni ɔ gbəli hɛ fatər; ɔwe wuni o wuni ɔ te tha nənk, ta a pa ras ɔ gbəli hɛ nənk; ɔwe ba yiki yi afɔsɔ thȧnkȧŋ thəbana, Amina.

2 Timɔthi 2:19

Halisa ɔtəmər wa Kuru ɔ təmȧ kəŋkəŋ, ɔwa ȧŋmȧthlɛ ŋati ŋi aŋe, kəpa, ƆMariki ɔ tȧrȧ aŋfəm ŋɔŋ gbeŋ. Ɔwa sɔ-e, Ta wuni o wuni ɔwe bont ȧŋes ŋa Kraystȧŋ ɔ gbapɛ mȧkənə.

2 Timɔthi 2:20

Kɛrɛ ka aseth abana pə yi hɛ gbo ɛyɛt ɛbɛmpa ya mȧbɔŋɔ yi akala ȧferȧ ɛ yi-e, kɛrɛ ya ɛbeŋ yi ɛthɔf sɔ; ɛlɔm ta məpanth məkolo, ɛlɔm ta məpanth məyay.

AŋHibru 10:21

ɔwa ma sə ba sɔ uFode ubana rokɔm ka ȧŋseth ŋa Kurɔŋ,

AŋHibru 12:22

Kɛrɛ naŋ nə po der ka kateŋ ka Sayɔn-e, kȧpet ka ɔKuru ukəli, yi ka Yerusalɛm ȧke yi rokɔm, dɛ yi ka akobali kəbana ka amaleka agbȧthi,

AŋHibru 3:12

Bumnɛ nu finɔ, awɔnt, ta thani ȧmerȧ aləs ŋa kəte lanɛ aŋ tə yi kətɔŋ ka nu, ɔwa aŋ tə yɔ nu nə bȧrȧ kəmuth ka ɔKuru ukəli.

AŋHibru 9:14

pə tha gbethi mȧtir ma Kraystȧŋ ɔwe sɔndnɛ ugbəraŋ ka Kuru kətȧŋȧnɛ ka ɔYina uthəbana-e, mə gbəli fethər ɛmerȧ ɛ nu kəwur ka məyɔs məfi kəkɔ ka kəbatho ɔKuru ukəli.

1 Pitar 2:5

Ɔwa naŋ gbeŋ mɔ məsar məkəli, a kianɛ nu tə kəseth aseth ŋa ɔYina, tə kəyi rəfode rəsəm, kȧmȧ nə wurɔ sathka təsəm ȧtȧ Kuru mɔ malanɛ kətaŋ ka Yisɔs Kraystȧŋ.

1 Pitar 4:17

kotȧy-e ȧŋlɔkɔ aŋ bek kȧmȧ kəgbək ɛpa kə tə təp ka ȧŋseth ŋa Kuru. Ɔwa bepi kə təp ro rɔsu-e, to mələpsɔ mati mə yi ta ȧtȧ ŋaŋ aŋa pɛnsa ȧkɛra kəfinɔ ka Kuru-e?

Kȧŋȧibinɛ 7:2

Ɔwa i nənk umȧleka ulɔm ɔ ŋat kəwur rothɔrɔŋ, kɔ ba ȧŋmȧthlɛ ŋa ɔKuru ukəli; ɔ tela rə rim rəbana ka aŋmȧleka ŋanlɛ aŋa po sɔthɔ afɔsɔ tə kələsər ȧŋthɔf yi kȧbȧŋ.