1 Timɔthi 3:14 - Ȧŋlemrȧnɛ Ȧfu

¹⁴ I gbalər mu mȧtȧy ame, ma pə yi-e i gbak ȧmerȧ i ti der ro rɔmu lɛmp.

1 Timɔthi 3:14 ပူးပေါင်းရင်းမြစ်များ

1 AŋKɔrenth 11:34

Bepi wuni o wuni ɔ yi udor-e, ta ɔ di ro seth kɔŋ, kȧmȧ pə yi-e, ma nə thoŋklanɛ rɔkin-e, nə sɔthɔ hɛ mətheri. Ma i der-e, i ti lompəs mȧtȧy məlɔm.

1 AŋThɛsȧlonika 2:18

kotȧy-e sə yema naŋ der do rɔnu, yao, minɛ Pɔl, i fela tə kəkal yɔ ti sɔ; kɛrɛ Sethani ɔ bɛnt su.

1 Timɔthi 3:13

Tiyȧŋ ŋaŋ aŋa poŋ wop mapanth ma rȧkelia finɔ-e, aŋ tə sɔthɔnɛ ɔtəma wa ayiki, yi təbuth təbaki ka kȧlanɛ ȧke yi ka Krayst Yisɔsȧŋ.

1 Timɔthi 3:15

Kɛrɛ bepi tȧy o tȧy tə kali kali mi-e, i yema kȧmȧ mə gbəli tȧrȧ to mə ba naŋ tə kəkɔth kətɔŋ ka kabɔr ka Kuru, pə yi mɔ-e, aŋchɔch ŋa ɔKuru ukəli aŋa yi mȧkər yi ɔtəmər wa tȧteŋ.

1 Timɔthi 4:13

Sɔŋ ȧŋmerȧ a mu ɔbaksər tə kəkaraŋ, yi tə kəmaŋ, dɛ yi tə kəthəksa haŋ i der.

Faylimɔn 1:22

Ɔwa bɛnɛnɛ mi ɔyia, pəkasifɛ salata taramnɛ ta mu i gbak ȧmerȧ tə kəder sɔ do rɔmu.

AŋHibru 13:23

Tara ti nu kəpa a po ter Timɔthi, ɔwɔnt su-e, ɔwa bepi ɔ yeŋk der-e, minɛ i ti nənk nu dɛ yi kɔn.

2 Yɔn 1:12

Ma i ba tȧy təgbȧthi tə kəgbalər mu, i yema hɛ gbal ti rɔ areka yi ruba, kɛrɛ i bot ȧmerȧ tə kəder ro mu, kȧmȧ sə gbəli fɔf der yi derȧŋ, kȧmȧ mabɔnɛ ma su mə yi məgbenthis.

3 Yɔn 1:14

Kɛrɛ i bot ȧmerȧ kəpa sə tə yeŋk nəŋkanɛ, ɔwa sə tə fɔf der yi derȧŋ.