1 Timɔthi 1:16 - Ȧŋlemrȧnɛ Ȧfu

¹⁶ Kɛrɛ a nəŋka mi ȧney, minɛ ɔwe tha yi uləs bɛ, kȧmȧ Yisɔs Krayst ɔ gbəli tɔri kamuyu kɔŋ kəwoni, mɔ amɔl ta ȧtȧ ŋaŋ aŋa ba kəlanɛ kɔ kədarəŋ kati, salata aŋesəm thəbana.

1 Timɔthi 1:16 ပူးပေါင်းရင်းမြစ်များ

Luk 15:10

I kanɛ nu, ya pə yi sɔ-e, məbɔnɛ mə tə yi ka kȧbəprȧnɛ ka aŋmȧleka ŋa Kuru ta ɔwuni kin ɔwe thupi.

Luk 23:43

kɔ pa ro ŋɔŋ, Tɛntɛnɛ i kanɛ mu, thonɔŋ mə tə yi yi minɛŋ ka ɔdɛr ɔthɔfəl wa Kuru.

Luk 7:47

Tiyȧŋ i kanɛ mu, ɛhakɛ yɔŋ ɛyɛ yi ɛgbathi, a po kɔ yi tera, kotȧy-e ɔ bɔthər ɔbana; kɛrɛ ɔwe a tera ɔthan, kɔnɔ bɔthər ɔthan.

Yɔn 20:31

kɛrɛ a gbal ɛye, kȧmȧ nə lanɛ kəpa Yisɔsȧŋ ɔ yi ɔKrayst, ɔWan ka Kuru, ɔwa kȧmȧ bepi nə lanɛ-e, nə tə ba aŋesəm ka ȧŋes ŋɔŋ.

Yɔn 3:36

Kɔnɔ ɔwe mə lanɛ ka ɔWan ɔ ba aŋesəm thəbana: kɛrɛ wuni ɔwe mə te lanɛ ka ɔWan-e, ɔ ba hɛ kənəŋk aŋesəm; kɛrɛ rabaŋ ra Kuru rə rensa kɔ.

Yɔn 5:24

Tɛntɛnɛ i kanɛ nu, Kɔnɔ ɔwe mə təl ȧrim ra mi, ɔwa ɔ lanɛ ɔwe som mi-e, ɔ ba aŋesəm thəbana, ɔ ba hɛ tə kəsɔthɔ mətheri; kɛrɛ ɔ po thas rəfi kəkɔ ka aŋesəm.

Yɔn 6:37

Ŋaŋ bɛ aŋa ɔKas ɔ sɔŋ mi aŋ tə der ro mi; ɔwa kɔnɔ ɔwe mə der ro mi i bȧl hɛ kɔ rokaŋ hali.

Yɔn 6:40

kotȧy-e mȧselɔ ma ɔwe som mi mi ame, kəpa wuni o wuni ɔwe mə nənk ɔWan, ɔwa ɔ lanɛ kɔ, ɔ tə sɔthɔ aŋesəm thəbana, ɔwa i ti yokas kɔ ka ȧŋrey aləpsɔ.

Yɔn 6:54

Kɔnɔ ɔwe mə di aŋdɛr a mi, ɔwa ɔ mun mȧtir ma mi, ɔ ba aŋesəm thəbana, ɔwa i ti yokas kɔ ka ȧŋrey aləpsɔ.

Mȧyɔs ma aŋsom 13:39

ɔwa ka kȧta kɔŋ wuni o wuni ɔwe lanɛ ɔ sɔthɔ məmari ka mȧtȧy bɛ-e, ka ama nə te gbəli sɔthɔ məmari ka ȧŋthɔ ŋa Mosis.

AŋRomans 15:4

Tiyȧŋ tȧy o tȧy ȧtȧ a gbal thəpaŋ-e, a gbal ti salata kathəkəs kȧsu kȧmȧ sə gbəli ba kəgbak ȧmerȧ salata kamuyu yi kȧbɛfəth ka mȧgbal məsəm.

AŋRomans 6:23

kotȧy-e ȧŋrȧm ŋa ahakɛ aŋ yi rəfi, kɛrɛ ȧŋboya ŋa Kuru aŋ yi aŋesəm thəbana rokor ka Yisɔs Krayst ɔMarki kȧsu.

1 AŋKɔrenth 7:25

Ɔwa salata aŋfanɛ-e, i ba hɛ ti ayamari ŋa ɔMarki, kɛrɛ i sɔŋ ȧŋnanɛ a mi, mɔlɔ ma wuni ɔwe yi ubɔthi lanɛ salata ȧŋney ŋa ɔMarki.

2 AŋKɔrenth 4:1

Tiyȧŋ ma pə yi ti-e, sə ba kabȧtho ake, mɔ mə sə po thɔŋ sɔthɔ ȧney-e, sə thamrɔ hɛ;

AŋƐfisɔs 1:12

Kama saŋ aŋa mɔtha bot ɛmerȧ ɛ su ka Kraystȧŋ, sə tə yi ka kathɔkəs ka aŋyiki ŋɔŋ.

AŋƐfisɔs 1:6

ka kȧthɔkəs ka aŋyiki ŋa ȧŋboŋa ŋɔŋ aŋa ɔ po sɔŋ su kəyaŋkaŋ kətȧŋȧnɛ ka ɔwe ɔ bɔthər.

AŋƐfisɔs 2:7

kama-e, ka ɛlɔkɔ ɛyɛ ba kəder-e, ɔ gbəli tɔri rayola ra ȧŋboŋa ŋɔŋ abana kətȧŋȧnɛ ka mathɔth mɔŋ ta ȧtȧ su rokor ka Yisɔs Kraystȧŋ.

2 AŋThɛsȧlonika 1:10

Ka ȧŋlɔkɔ ma ɔ der tə kəsɔthɔ ayiki ka aŋsəm ŋɔŋ, yi kȧmȧ ŋa bɛ aŋa lanɛ aŋ kabanɛ ta atɔŋ-e, ka ȧŋrey ŋati, (pəkasifɛ nə po malanɛ maseri ma su do rɔnu).

1 Timɔthi 1:13

minɛ ɔwe la yi wuni ŋamnɛ Kurɔŋ dɛ yi wuni thalər aŋchɔch, ka i la ləsər ɛpa yɔŋ bɛ. Kɛrɛ i po sɔthɔ ȧney pəkasifɛ i yɔ ti ka kȧte tȧrȧ yi kȧte lanɛ.

AŋHibru 7:25

Tiyȧŋ ɔ gbəli kisis ŋaŋ fewu aŋa der ka Kuru kətȧŋȧnɛ ro ŋɔŋ ma ɔ yi ukəli thȧnkȧŋ tə kənɛmthɛnɛ ta ȧtȧ ŋaŋ.

1 Pitar 3:20

aŋa te wop ȧrim thəpaŋ, ma kamuyu kəlele ka Kuru kə kar ka aŋyamana ŋa Noa, ma ɔ bɛmpa abil, ro afəm athȧn, aŋ yi tamthərɛsas gbo, aŋ kisi ka ȧmȧnt məgbonthoni.

2 Pitar 3:15

Ɔwa tȧrȧ nu kəpa kamuyu kəwoni ka ɔMarki kə yi kəkisi; hali mɔ mə Pɔlȧŋ, ɔwɔnt ubɔthər ɔ po gbalər nu ka kȧtemp ȧke a po sɔŋ kɔ.

2 Pitar 3:9

ƆMariki ɔ yi hɛ uyai tə kəbɛnɛ aŋlahiri ŋɔŋ mɔ afəm alɔm mə aŋ pa rəyai, kɛrɛ ɔ ba kəmuyu kəwoni ta ȧtȧ su, ma pə yi ɔ yema hɛ wuni o wuni ɔ dinɛ kɛrɛ kȧmȧ ŋa bɛ aŋ re thupi.