1 Timɔthi 1:15 - Ȧŋlemrȧnɛ Ȧfu

¹⁵ Ȧŋpa aŋe aŋ yi abɔthi malanɛ bɛ, ɔbeki ta afəm bɛ tə kəlanɛ, kəpa ye Krayst Yisɔs ɔ der ka ȧdȧru tə kəkisis afəm ŋa ahakɛ; ɔwa minɛ yi ɔbȧy ka ŋaŋ.

1 Timɔthi 1:15 ပူးပေါင်းရင်းမြစ်များ

Mathiu 1:21

Ɔ tǝ kom wath uruni. Ɔwa mǝ yi tǝ kǝbont kɔ ŋes Yisɔs, kotȧy-e kɔnɔ mǝ kisis aŋfǝm ŋɔŋ ka ɛhakɛ yaŋ.

Mathiu 18:10

Botnɛ nu kȧmȧ nǝ te sai ukin ka aŋlɔl aŋe, kotȧy-e, i kanɛ nu kǝpa ro riyana aŋmȧleka ŋaŋ aŋ kǝli lɔkɔ o lɔkɔ ȧder ra ɔKas kȧmi ɔwe yi ro riyana.

Mathiu 18:11

Ȧtesoma-e ɔWan ka wuni ɔ der tǝ kǝkisis aŋa po dinɛ.

Mathiu 20:28

mɔ mǝ ɔWan ka wuni ɔ te der kȧmȧ a yɔna kɔ, kɛrɛ tǝ kǝyɔna afǝm, dɛ yi tǝ kǝsɔnd aŋesǝm ŋɔŋ tǝ kǝbani afǝm alai.

Mathiu 9:13

Kɛrɛ kɔnɛ nu kȧmȧ nǝ kɔ thǝkǝs ȧte, I yema ȧney, sathka thahɔ; ȧtesoma-e i der hɛ tǝ kǝmuti aŋlompi-e, kɛrɛ i der tǝ kǝmuti aŋfǝm ŋa ɛhakɛ tǝ kǝthupi.

Mark 2:17

Ma Yisɔs ɔ təl ti-e, ɔ pa ro ŋaŋ, Ŋaŋ aŋa yi ayenki mədɛr aŋ yema hɛ ubolomba, kɛrɛ ante yeŋki mədɛr, ŋa yema ubolomba. I der hɛ tə kəmuti aŋlompi, kɛrɛ i der tə kəmuti aŋfəm aləs tə kəthupi.

Luk 15:2

Kɛrɛ aŋFarisi yi aŋkarmɔkɔ aŋ fɔfəthanɛ, aŋ pa, Ɔwuni ɔwe ɔ malanɛ aŋfəm ŋa ɛhakɛ, ɔwa ɔ di yi ŋaŋ.

Luk 19:10

kotȧy-e ɔWan ka wuni ɔ der tə kəthɛns yi tə kəkisis ŋaŋ aŋa po dinɛ.

Luk 5:32

I de hɛ tə kəmuti aŋlompi, i re muti aŋfəm ŋa ɛhakɛ kȧmȧ aŋ thupi.

Yɔn 1:12

Kɛrɛ ŋa bɛ aŋa malanɛ kɔ-e, ɔ sɔŋ ŋa mamari tə kəsəkɛ awuth ŋa Kuru, hali ŋaŋ aŋa lanɛ ka ȧŋes ŋɔŋ:

Yɔn 1:29

Ka ȧŋrey alɔm-e, Yɔnȧŋ ɔ nənk Yisɔsȧŋ ɔ der ro ŋɔŋ, ɔ pa, Kəli kaLɔmɛ kəfɛth ka Kuru ɔwe mə sara aŋhakɛ ŋa ȧdȧru!

Yɔn 12:47

Ɔwa bepi wuni o wuni ɔ təl ȧsim ta mi, kɛrɛ ɔ wop hɛ ti-e, i thonkas hɛ kɔ: ȧtesoma-e i de hɛ tə kəthoŋkas ȧdȧru, i der tə kəkisis ȧdȧru.

Yɔn 3:36

Kɔnɔ ɔwe mə lanɛ ka ɔWan ɔ ba aŋesəm thəbana: kɛrɛ wuni ɔwe mə te lanɛ ka ɔWan-e, ɔ ba hɛ kənəŋk aŋesəm; kɛrɛ rabaŋ ra Kuru rə rensa kɔ.

Mȧyɔs ma aŋsom 11:1

Ka aŋsom yi aŋwɔnt ro Yudia aŋ təl kəpa tȧbona təlɔm sɔ tə po malanɛ ȧrim ra Kuru.

Mȧyɔs ma aŋsom 11:18

Maŋ təl mȧtȧy ame-e, aŋ taŋk, kaŋ yikis Kuru, aŋ pa, Ɔwa Kuru ɔ po sɔŋ tȧbona təlɔm sɔ kathupi ka aŋesəm.

Mȧyɔs ma aŋsom 3:26

Ɔwa ma Kuru ɔ po yokas ɔWan kɔŋ Yisɔsȧŋ, ɔ mɔtha somra kɔ ro rɔnu tə kəruba nu, ka kalafthi nu-e, naŋ bɛ kəwur ka makənə ma nu.

AŋRomans 11:14

kȧmȧ pə gbəli yi rə roŋ o roŋ i gboŋkthas aŋfəm a mi yi kətut, ɔwa kȧmȧ pə yi di kati alɔm aŋ tə kisi.

AŋRomans 5:6

kotȧy-e ma sə te tha ba afɔsɔ-e, ka ȧŋlɔkɔ abeki Krayst ɔ fi ta salata aŋa te bɔthər Kuru.

1 AŋKɔrenth 15:9

Minɛ-aŋ i tha yi ulɔl bɛ ka aŋsom, ɔwa i bek hɛ a tela mi usom pəkasifɛ i la sɔmpa aŋchɔch.

AŋƐfisɔs 3:8

Do rɔmi-e, ɔwe yi uyay thɔŋ bɛ ka aŋsəm-e, a maŋkər ȧŋboŋa aŋe kȧmȧ i kawandi ka tȧbona təlɔm rayola rəninis ra Krayst,

1 Timɔthi 1:13

minɛ ɔwe la yi wuni ŋamnɛ Kurɔŋ dɛ yi wuni thalər aŋchɔch, ka i la ləsər ɛpa yɔŋ bɛ. Kɛrɛ i po sɔthɔ ȧney pəkasifɛ i yɔ ti ka kȧte tȧrȧ yi kȧte lanɛ.

1 Timɔthi 1:19

bȧkər ka kȧlanɛ, yi asɔŋ agbəraŋ; ma alɔm aŋ gbapɛ aŋe-e, aŋ po ləsər kȧlanɛ ka ŋaŋ.

1 Timɔthi 3:1

Mapa ame mə yi təteŋ, Bepi wuni ɔ fela yi ugbəka-e, ɔ fela məpanth məfinɔ.

1 Timɔthi 4:9

Apa abɔthi lanɛ ŋaŋ, ɔwa aŋ yi amari malanɛ bɛ.

1 Timɔthi 6:13

I maŋ mu ka kȧbəprȧnɛ ka Kuru, ɔwe mə sɔŋ ŋesəm ka koko bɛ ara ɔ bɛmpa, dɛ yi rodi ka Yisɔs Kraystȧŋ, ɔwe po sɔŋ məseri məfinɔ rodi ka Pɔntiɔs Pailat-e.

2 Timɔthi 2:11

Aŋe, ŋȧ yi apa abɔthi lanɛ; ka pə yi bepi sə poŋ thɔŋ fi yi kɔn, sə tə kȧl kəli yi kɔn.

Taytɔs 3:8

Ȧrim are rə yi tȧteŋ, ɔwa i yema kȧmȧ mə thiŋkər mȧtȧy ame katkat kȧmȧ ŋaŋ aŋa po lanɛ Kuru-e aŋ gbəli yi afəm asɔbɛ tə kəyɔ məyɔs məfinɔ. Mȧtȧy ame mə yi məfinɔ, ɔwa mə mar sɔ afəm bɛ.

AŋHibru 7:25

Tiyȧŋ ɔ gbəli kisis ŋaŋ fewu aŋa der ka Kuru kətȧŋȧnɛ ro ŋɔŋ ma ɔ yi ukəli thȧnkȧŋ tə kənɛmthɛnɛ ta ȧtȧ ŋaŋ.

1 Yɔn 3:5

Ka nə tȧrȧ kəpa Krayst ɔ tɔrinɛ tə kənɔy ɛhakɛ ɛ su; ɔwa ahakɛ aŋ yi hɛ ro ŋɔŋ.

1 Yɔn 3:8

Ɔwe mə yɔ ahakɛ ɔ yi ka Sethani; kotȧy-e Sethani ɔ po yɔ ahakɛ kȧbi ka ɔtəpɛr. Ɔwa ta ȧte tə ɔWan ka Kuru ɔ der, kȧmȧ ɔ dim mapanth ma Sethani.

1 Yɔn 5:11

Maseri meme, kəpa Kuru ɔ po sɔŋ su aŋesəm thəbana, ɔwa aŋesəm aŋe aŋ yi ka ɔWan kɔŋ.

Kȧŋȧibinɛ 21:5

Ɔwa kɔn ɔwe yirȧ ka kawaŋ ka rȧbȧy ɔ pa, Kəla, i təpi mȧtȧy bɛ ɔfu. Kɔ pa do rɔmi, Gbal ȧsim ȧte, kotȧy-e tə yi təteŋ dɛ yi təbɔthi lanɛ.

Kȧŋȧibinɛ 22:6

Kɔ pa do rɔmi, Ȧsim ȧte tə yi təbɔthi lanɛ yi təteŋ. Ɔwa ɔMarki ɔKuru ka Aŋnȧbi asəm, ɔ somra ɔmaleka kɔŋ tə kətɔri ɛbɔy yɔŋ mȧtȧy ama ba tə kəyeŋk der.

Kȧŋȧibinɛ 5:9

kaŋ leŋ aleŋ afu, kəpa, Munɔ mə yi ubeki tə kəgbasi ȧkȧfȧ, yi tə kəsim ɛmȧthlɛ; kotȧy-e a po fai mu sathka, ɔwa mə po bani afəm ka Kuru kətȧŋȧnɛ ka mȧtir ma mu, pə yi mɔ-e afəm kəwur kətɔŋ ka təkomra, yi tənt, yi afəm, yi təbona bɛ.