1 Yɔn 5:6 - Ȧŋlemrȧnɛ Ȧfu

⁶ Ɔwa Yisɔs Kraystȧŋ kɔnɔ der rə mȧnt yi mətir; pə yi hɛ rə mȧnt gbo son, kɛrɛ rə mȧnt yi mətir.

1 Yɔn 5:6 ပူးပေါင်းရင်းမြစ်များ

Mathiu 26:28

kotȧy-e ame mǝ yi mȧtir ma mi ma aŋlemranɛ afu, ama a loŋ ta agbȧthi ta katerɔ ka ɛhakɛ.

Mathiu 3:16

Ma a po baftays Yisɔs-e, ɔlɛmp wati ɔ wur ro mȧnt; ka ȧkȧriyana kǝ kanthɛ, kɔ nənk ɔYina ka Kuru ɔ thor mɔ kǝpǝrǝm ɔ thorǝr kɔ,

Mark 14:24

kɔ pa ro ŋaŋ, Ame mə yi mȧtir ma mi ma aŋlemranɛ afu ama a loŋ ta afəm alai.

Luk 22:20

Maŋ po di-e ɔ gbasi ampɔthi, ɔ pa, Ampɔthi aŋe aŋ yi aŋlemranɛ afu ka mȧtir ma mi, ama a loŋ ta ȧtȧ nu.

Yɔn 14:17

Hali ɔYina ka tȧteŋ; ɔwe ȧdȧru rə te gbəli sɔthɔ, pəkasifɛ rə nənk hɛ kɔ, thalɔm rə tɛ hɛ kɔ; kɛrɛ nia nə tȧrȧ kɔ, ȧtesoma-e ɔ tiyȧ ro nu, ɔwa ɔ tə yi rokor ka nu.

Yɔn 14:6

Yisɔsȧŋ ɔ pa ro ŋɔŋ, Minɛŋ yi aroŋ, yi tȧteŋ, yi aŋesəm: wuni o wuni ɔ gbəli hɛ der ka ɔKas thambe ɔ tȧŋ ka kȧta kȧmi.

Yɔn 15:26

Kɛrɛ ma ɔBɛfəth ɔ der-e, ɔwe i ti somra nu kəwur ka ɔKas, ɔYina ka tȧteŋ, ɔwe wur ka ɔKas-e, ɔ tə gbaki ta ȧtȧ mi:

Yɔn 16:13

Kɛrɛ ma kɔnɔŋ, ɔYina ka təteŋ, ɔ der-e, ɔ tə kora nu ka tȧteŋ bɛ; kotȧy-e, ɔ fɔf hɛ ka ȧŋmerȧ ŋɔŋ; kɛrɛ mȧtȧy bɛ ama ɔ təl, ame ma mɔ fɔf: ɔwa ɔ tə tɔri nu mȧtȧy ama ba tə kəder.

Yɔn 3:5

Yisɔs ɔ pa ro ŋɔŋ, Tɛntɛnɛ, i kanɛ mu, wuni ɔ gbəli hɛ wɔŋ ka rȧbȧy ra Kuru, thambe a kom kɔ rɛ mȧnt yi ɔYina.

Yɔn 4:10

Yisɔsȧŋ ɔ pa ro ŋɔŋ, Bepi mə tȧrȧ ȧŋboya ŋa Kuru, yi ɔwe pa ro mu, Yer mi i mun, mə tə yif kɔ naŋ, ɔwa ɔ tə sɔŋ mu ȧmȧnt ma aŋesəm.

Yɔn 4:14

kɛrɛ wuni o wuni ɔwe mə mun ȧmȧnt ama i ti sɔŋ kɔ-e, rəmun rə wop hɛ kɔ sɔ thəbana; kɛrɛ ȧmȧnt ama i ti sɔŋ kɔ mə tə səkɛ rəfɔr ra mȧnt rokor kɔŋ, ara mə gbuthɛ ka aŋesəm thəbana.

Yɔn 6:55

kotȧy-e aŋdɛr a mi aŋ yi da rədi tɛntɛnɛ, ɔwa mȧtir ma mi mə yi da rəmun tɛntɛnɛ.

Mȧyɔs ma aŋsom 8:36

Ɔwa mɔ mə aŋ kɔnɛ ro roŋ-e, aŋ bəp mȧnt məlɔm, ka ɔlaŋgba ugbai ɔ pa, Kəla, mȧnt mi ame, ko mə bɛnt kəbaptais mi-e?

AŋRomans 3:25

kotȧy-e Kuru ɔ təmər kɔ tə kəyi unɛmthɛnɛ salata kȧlanɛ ka mȧtir mɔŋ. Ɔ yɔ ȧte kȧmȧ ɔ tɔri mȧlompi mɔŋ, ȧtesoma-e ka kamuyu kɔŋ ɔ po painɛ ɛhakɛ ɛyɛ aŋ po yɔ,

AŋƐfisɔs 1:7

Ɔwa, do rɔŋɔŋ, a bani su kətaŋ ka mȧtir mɔŋ, pə yi mɔ-e, kȧterɔ ka ɛhakɛ kətȧŋȧnɛ ka rayola ra ȧŋboŋa ŋɔŋ,

AŋKɔlɔsi 1:4

ma sə po təl ta kȧlanɛ ka nu ka Yisɔs Krayst, dɛ yi mabɔthər ama nə ba ta aŋsəm bɛ,

1 Timɔthi 3:16

Ɔwa tɛntɛnɛ kəte ba ȧthonka, aŋgbundu abɔlɔŋ ŋa andina a su ŋe yi abana; Kuru ɔ tɔrinɛ ka ȧŋdɛr ŋa wuni kəpet, ka ɔYina məsəm ɔ sɔŋ kɔ məmari, ka amaleka aŋ nənk kɔ, ka a kawandi ȧkɛra kɔŋ ka tȧbona təlɔm, ka a lanɛ kɔ ka ȧdȧru, ka a kȧl malanɛ kɔ rokɔm rə ayiki abana.

Taytɔs 3:5

ɔ kisis su, pə yi hɛ salata mȧyɔs məlompi ama sə poŋ yɔ, kɛrɛ ɔ kisis su asabu ŋa ȧŋney ŋɔŋ, ka kafethər ȧke kȧl kom ɔfu, dɛ yi ka kafusəs ka ɔYina məsəm,

AŋHibru 10:29

Kɛrɛ kɔn ɔwe mə nas nas ɔWan ka Kuru-e, dɛ yi ɔwe nənk ɔyai mȧtir ma aŋlemranɛ aŋa po səməs kɔ-e, ɔwa ɔwe say sɔ ɔYina ka aboŋa-e, nə nanɛ hɛ kəpa kɔnɔ yi ubeki tə kəsɔthɔ athalər athasər-i?

AŋHibru 12:24

dɛ yi ka Yisɔsȧŋ, ɔKasa ka aŋlemranɛ afu, dɛ yi ka mȧtir ma kəwɔnsir ama tɔri kɛra kəfisa pəthas mȧtir ma Ebɛl.

AŋHibru 13:20

Ɔwa ka-ake kaŋka ɔKuru ka mȧthɔfəl ɔwe poŋ yokas ɔMarki kȧsu Yisɔs ka rəfi-e, ɔTɔl talɔmɛ ubana; kətȧŋȧnɛ ka mȧtir ma aŋlemranɛ athəbana-e,

AŋHibru 9:14

pə tha gbethi mȧtir ma Kraystȧŋ ɔwe sɔndnɛ ugbəraŋ ka Kuru kətȧŋȧnɛ ka ɔYina uthəbana-e, mə gbəli fethər ɛmerȧ ɛ nu kəwur ka məyɔs məfi kəkɔ ka kəbatho ɔKuru ukəli.

AŋHibru 9:7

Kɛrɛ ka ȧŋkonko aŋa bekȧ yɛrəŋ-e, ɔfode ubana son kɔnɔ wɔŋ di win kəren o kəren, kɛrɛ ɔ wɔŋ hɛ thambe ɔ ba mətir ama mɔ sɔŋ ta aŋyɛthɛ ŋɔŋ, dɛ yi ta ɛhakɛ ya aŋfəm.

1 Pitar 1:2

aŋa pə yi Kuru ɔKas ɔ thith tə kəsəməs kətȧŋȧnɛ ka ɔYina kȧmȧ aŋ sanɛ ka Yisɔs Krayst dɛ yi a wɔnsir ŋa ka mȧtir mɔŋ. Ta aboŋa yi məthɔfəl ɛ bȧrnɛ ro rɔnu.

1 Pitar 3:21

Ya pə bȧlȧnɛ sɔ ka-ake, kəbaptais kə mə kisis su, ɔwa pə yi hɛ rə kəyak anɔkɔ ŋa madɛr, kɛrɛ pə yi aŋseri ŋa ȧmerȧ ȧferȧ ka Kuru kətaŋ ka kakal yokanɛ ka rafi ka Yisɔs Krayst,

1 Yɔn 1:7

kɛrɛ bepi sə kɔth ka ȧŋmothȧ mɔ kɔnɔ ɔ yi ka ȧŋmothȧ sə ba məmanɛ ukin yi ulɔm, ɔwa mȧtir ma Yisɔs ɔWan kɔŋ mə gbərans su kəwur ka ɛhakɛ bɛ.

1 Yɔn 4:10

Mabɔthər mi ame, pə yi hɛ kəpa saŋ sə po bɔthər Kuru, kɛrɛ kɔnɔ ɔ po bɔthər su, kɔ somra ɔWan kɔŋ tə kəyi asathka ta kənɛmthɛnɛ ta ɛhakɛ ɛ su.

Kȧŋȧibinɛ 1:5

dɛ yi kəwur ka Yisɔs Kraystȧŋ, ɔwe yi ɔSeri ubɔthi lanɛ, ɔWan utɔtɔkɔ kəwur kətɔŋ ka aŋfi; dɛ yi ɔGbəka ka aŋbȧy bɛ nɔru. Ta kɔn ɔwe bɔthər su-e, ɔwe po bani su ka ɛhakɛ ɛ su kətȧŋȧnɛ ka mȧtir mɔŋ gbeŋ-e,

Kȧŋȧibinɛ 5:9

kaŋ leŋ aleŋ afu, kəpa, Munɔ mə yi ubeki tə kəgbasi ȧkȧfȧ, yi tə kəsim ɛmȧthlɛ; kotȧy-e a po fai mu sathka, ɔwa mə po bani afəm ka Kuru kətȧŋȧnɛ ka mȧtir ma mu, pə yi mɔ-e afəm kəwur kətɔŋ ka təkomra, yi tənt, yi afəm, yi təbona bɛ.

Kȧŋȧibinɛ 7:14

Ka i pa do rɔŋɔŋ, “Pa, munɔ tȧrȧ.” Kɔ kȧl kanɛ mi hɔ, “Aŋe-e, aŋ wur ka ansɔmpanɛ abana, kaŋ po yak ȧsuma taŋ, ɔwa aŋ po fethər ti ka mȧtir ma kaLɔmɛ kəfɛth.