21 Awuth alɔl, bumnɛ nu ka ɛyɛt ɛbumərnɛ.
Te su wɔŋȧ rǝ tȧy tǝgbɔns kɛrɛ wurɔ su ka mətȧy mǝlǝs; ȧtesoma-e munɔ ba rȧbȧy yi aŋfɔsɔ yi aŋyiki thȧnkȧŋ thǝbana, Amina.
Tiyȧŋ ȧŋbɔthər a mi, gbukɛ nu kəwur rə kəbatho ɛrɔŋ.
Ta a pa ras nə yi abȧtho ɛrɔŋ mɔ mə alɔm kətɔŋ ka ŋaŋ aŋ po yɔ; mɔ mə a po gbal kəpa, Aŋfəm aŋ yirȧ tə kədi yi kəmun, kaŋ yokanɛ tə kəwol.
kotȧy-e ŋaŋ gbeŋ aŋ seri ta ȧtȧ su-e, kaŋ tɔri to naŋ nə malanɛ su-e, ɔwa to nə lafthɛ ka Kuru kəwur ka ɛrɔŋ tə kəbatho ɔKuru ukəli utəteŋ,
Awuth a mi alɔl, i gbalər nu mȧtȧy ame kȧmȧ nə te yɔ ahakɛ. Kɛrɛ bepi wuni o wuni ɔ yɔ ahakɛ, sə ba ukasa yi ɔKas, ɔ yi Yisɔs Krayst ɔlompi:
Ka akimɔ ka ansɔmpanɛ ŋaŋ kə tə ŋat rokɔm thȧnkȧŋ thəbana. Ɔwa ŋaŋ aŋa bȧtho ɔsɛm utuy tȧy yi mȧbȧlȧnɛ mɔŋ, thalɔm wuni o wuni ɔwe ba aŋlomar ŋa ȧŋes ŋɔŋ-e, ɔ ba hɛ kəfothanɛ pali gbɛs-əŋ.
Aŋfəm a kəpet alɔm aŋa te fi ka ɛfithina ɛye, aŋ thupi hɛ ka ɛyɛt ɛyɛ aŋ po bɛmpanɛ ka mȧta maŋ, ɔwa aŋ gbapɛ hɛ kabȧtho ka aŋkərəfi, yi ɛrɔŋ ya məbɔŋɔ, yi akala ȧferȧ, yi akɛm, yi ȧsar, dɛ yi kənt, ɛyɛ te gbəli nənk thalɔm ɛ təl, thalɔm ɛ kɔth.
