1 Yɔn 5:20 - Ȧŋlemrȧnɛ Ȧfu

²⁰ Ɔwa sə tȧrȧ kəpa ɔWan ka Kuru ɔ po der, kɔ po sɔŋ su kəsɔthnɛ, kȧmȧ sə gbəli tȧrȧ kɔ ɔwe yi təteŋ, ɔwa saŋ sə yi ka kɔn ɔwe yi təteŋ, hali ka ɔWan kɔŋ Yisɔs Kraystȧŋ. Kɔnɔ yi ɔKuru utəteŋ, yi aŋesəm thəbana.

1 Yɔn 5:20 ပူးပေါင်းရင်းမြစ်များ

Mathiu 13:11

kɔ lasi ɔ pa ro ŋaŋ, Ro rɔnu a sɔŋ kȧtȧrȧ ka ɛgbundu ya rȧbȧy ra ro riyana, kɛrɛ ro rɔŋaŋ a sɔŋ hɛ ki.

Luk 21:15

ȧtesoma-e i ti sɔŋ nu kəsəŋ yi kətemp ȧke aŋtheranɛ a nu bɛ aŋ te gbəli pɛnsa ɔwa aŋ te gbəli wosa.

Luk 24:45

kɔ kanthi ɛmerȧ yaŋ kȧmȧ mȧgbal mə sɔk ŋa.

Yɔn 1:18

Wuni kəpet ɔ tha nənk hɛ Kuru hali; ɔWan gbo son, ɔwe yi ka aŋkəpət ŋa ɔKas, kɔnɔ ɔ po ŋaibi kɔ.

Yɔn 10:30

Minɛŋ yi ɔKas sə yi ukin.

Yɔn 14:20

Ka ȧŋrey ŋati nə tə tȧrȧ kəpa i yi rokor ka ɔKas, ɔwa nia nə yi rokor kȧmi, ɔwa minɛŋ i yi rokor ka nu.

Yɔn 14:23

Yisɔsȧŋ ɔ pa ro ŋɔŋ, Bepi wuni ɔ bɔthər mi-e, ɔ tə wop ȧrim ra mi: ɔwa ɔKas kȧmi ɔ tə bɔthər kɔ, ɔwa sə tə der ro ŋɔŋ, sə tə yianɛ ro ŋɔŋ.

Yɔn 14:6

Yisɔsȧŋ ɔ pa ro ŋɔŋ, Minɛŋ yi aroŋ, yi tȧteŋ, yi aŋesəm: wuni o wuni ɔ gbəli hɛ der ka ɔKas thambe ɔ tȧŋ ka kȧta kȧmi.

Yɔn 14:9

Yisɔsȧŋ ɔ pa ro ŋɔŋ, Filip, ma i po yi alɔkɔ awoni ro nu, mə tha tɛ hɛ mi-i? Wuni o wuni ɔwe po nənk mi ɔ po nənk ɔKas sɔ: to munɔ mə pa-e, Tɔri su ɔKas-e?

Yɔn 15:4

Tia nu rokor kȧmi ɔwa minɛŋ rokor ka nu. Mɔ mə aŋra aŋ ba hɛ afɔsɔ tə kəwur məkomi, thambe aŋ tiyȧ ka ralek; ya pə yi sɔ naŋ nə gbəli hɛ, thambe nə tiyȧ ro mi.

Yɔn 17:14

I po sɔŋ ŋa ȧrim ra mu, ka ȧdȧru rə gbɛŋa ŋa, pəkasifɛ aŋ yi hɛ ta ȧdȧru, mɔ minɛ i te yi ta ȧdȧru.

Yɔn 17:25

O, Pa ulompi, ȧdȧru rə tɛ hɛ mu, kɛrɛ i po tȧrȧ mu, ɔwa aŋe aŋ tȧrȧ kəpa munɔ som mi.

Yɔn 17:3

Ɔwa aŋesəm thəbana ŋi aŋe kȧmȧ aŋ tȧrȧ mu ɔKuru utəteŋ son, yi Yisɔs Krayst ɔwe mə po som.

Yɔn 20:28

Thɔmɔsȧŋ ɔ pa ro ŋɔŋ, ƆMariki kȧmi yi ɔKuru kȧmi.

Yɔn 8:42

Yisɔsȧŋ ɔ pa ro ŋaŋ, Bepi Kurɔŋ ɔ yi ɔKas ka nu-e, nə tə bɔthər mi: ȧtesoma-e, i wur kəwur ka Kuru; i der hɛ ka ȧŋmerȧ a mi gbeŋ, kɛrɛ kɔnɔ som mi.

Mȧyɔs ma aŋsom 20:28

Tiyȧŋ botnɛ nu, ɔwa kȧl tȧmtȧmnɛ ta akuthi bɛ ka aŋa ɔYina məsəm ɔ po bot nu aŋkəlɛnɛ-e, kȧmȧ nə wɔnthər aŋchɔch ŋa ɔMarki aŋa ɔ po wai ka mȧtir mɔŋ gbeŋ.

AŋRomans 9:5

Ŋa ba aŋkas, ɔwa ŋa ba sɔ ɔKrayst kətȧŋȧnɛ ka rawuni kəpet, ɔwe yi rokɔm ka bɛ, uruba wɔŋ ka Kuru thəbana. Amina.

1 AŋKɔrenth 1:30

Kɛrɛ salata mabotəs ma Kuru-e, naŋ nə yi rokor ka Krayst Yisɔs. Kɔnɔ yi kȧtemp, yi mȧlompi, yi kasəməsnɛ dɛ yi kabani kȧsu,

2 AŋKɔrenth 4:6

kotȧy-e Kuru ɔwe yamari kȧmȧ ɔwaŋ ɔ gbɛntha kəwur ka ȧŋsum-e, kɔnɔ po gbɛntha ka ɛmerȧ ɛ su tə kəsɔŋ ɔwaŋ wa kȧtȧrȧ ka anyiki ŋa Kuru ka ader ra Yisɔs Kraystȧŋ.

2 AŋKɔrenth 5:17

Ȧtesoma-e bepi wuni o wuni ɔ yi rokor ka Kraist-e, ɔ yi wuni fu. Mȧtȧy məkur mə po thas; kəla mȧtȧy bɛ mə po səkɛ məfu.

AŋƐfisɔs 3:18

nə gbəli yi abȧki mədɛr tə kətara dɛ yi aŋsəm bɛ-e, ko yi ɔwarɛ-o, ɔbɔli-o, ɔbɔli rəkɔm-o, dɛ yi ɔbɔlɔŋ; dɛ yi hali tə

AŋFilipai 3:9

yi kȧmȧ i gbəli yi do rɔŋɔŋ, pə yi hɛ ka mȧlompi ama mi, ama təmȧ ka ȧŋthɔ, kɛrɛ mȧlompi ama yi ka kȧlanɛ ka Krayst, pə yi kəpa ye, mȧlompi ama wur ka Kuru kətȧŋȧnɛ ka kəlanɛ.

1 Timɔthi 3:16

Ɔwa tɛntɛnɛ kəte ba ȧthonka, aŋgbundu abɔlɔŋ ŋa andina a su ŋe yi abana; Kuru ɔ tɔrinɛ ka ȧŋdɛr ŋa wuni kəpet, ka ɔYina məsəm ɔ sɔŋ kɔ məmari, ka amaleka aŋ nənk kɔ, ka a kawandi ȧkɛra kɔŋ ka tȧbona təlɔm, ka a lanɛ kɔ ka ȧdȧru, ka a kȧl malanɛ kɔ rokɔm rə ayiki abana.

Taytɔs 2:13

ma sə kar ta kagbak ȧmerȧ ka aruba, pə yi mɔ-e katɔrinɛ ka aŋyiki ŋa ɔKuru ubana yi ɔKisis kȧsu Yisɔs Kraystȧŋ;

AŋHibru 1:8

Kɛrɛ ta ɔWan ɔ pa, ƆKuru, kawaŋ ka mu ka rȧbȧy kə yi thȧnkȧŋ thəbana; Aŋpɔsɛ ŋa mȧlompi ŋə yi ampɔsɛ ŋa rȧbȧy ra mu.

1 Yɔn 2:23

Wuni o wuni ɔwe mə pɛnsa ɔWan ɔ ba hɛ ɔKas; kɛrɛ ɔwe mə gbithanɛ ɔWan ɔ ba sɔ ɔKas.

1 Yɔn 2:24

Tiyȧŋ wop ȧtȧ nə təl kȧbi ka ɔtəpɛr. Bepi ȧtȧ nə təl kȧbi ka ɔtəpɛr tə tiyȧ ro nu, nə tə tiyȧ ka ɔWan, yi ka ɔKas.

1 Yɔn 2:6

Kɔn ɔwe mə pa ɔ yi ro ŋɔŋ, ɔ yi sɔ tə kəkɔth mɔ kɔnɔ ɔ kɔth.

1 Yɔn 4:14

Ɔwa saŋ sə po nənk ka sə seri ti kəpa ɔKas ɔ po somra ɔWan tə kəyi ɔKisis ka ȧdȧru.

1 Yɔn 4:16

Saŋ sə po tȧrȧ, ka sə lanɛ mabɔthər ama Kuru ɔ ba ta ȧtȧ su. Kuru ɔ yi məbɔthər; kɔnɔ ɔwe mə tiyȧ ka mabɔthər ɔ tiyȧ ka Kuru, ɔwa Kuru ɔ tiyȧ ro ŋɔŋ.

1 Yɔn 4:2

Ka ȧte sə tȧrȧ ɔYina ka Kuru: ayina o yina aŋa mə gbithanɛ kəpa Yisɔs Krayst ɔ po der ka madɛr aŋ yi ka Kuru:

1 Yɔn 5:1

Wuni o wuni ɔwe mə lanɛ kəpa Yisɔs ɔ yi ɔKrayst a kom kɔ ka Kuru: ɔwa wuni o wuni ɔwe mə bɔthər ɔkomra ɔ bɔthər sɔ kɔn ɔwe ɔ po kom.

1 Yɔn 5:15

Ɔwa bepi sə tȧrȧ kəpa ɔ təlȧ su, tȧy o tȧy sə yif, sə tȧrȧ kəpa sə sɔthɔ ara sə yif kɔ.

1 Yɔn 5:18

Sə tȧrȧ kəpa wuni o wuni ɔwe a po kom ka Kuru ɔ yɔ hɛ ahakɛ; kɛrɛ ɔwe a po kom ka Kuru ɔ bumərnɛ, ɔwa Sethani ɔ gboŋ hɛ kɔ.

1 Yɔn 5:5

Kanɛ mə tham ȧdȧru, thambe kɔnɔ ɔwe mə lanɛ kəpa Yisɔs ɔ yi ɔWan ka Kuru-e?

Kȧŋȧibinɛ 15:3

kaŋ leŋ aŋleŋ ŋa Mosis ȧŋbɔy ŋa Kuru, dɛ yi aŋleŋ ŋa kaLɔmɛ kəfɛth, kaŋ pa, Mayɔs ma mu mə yi məbana dɛ yi məkabanɛ ɔMarki Kuru ka afɔsɔ bɛ; asoŋ ta mu tə yi təlompi yi təteŋ, munɔ ɔBȧy ka ɛyamana.

Kȧŋȧibinɛ 19:11

Ka i nənk kȧriyana kə kanthɛ, ɔwa kəlo, ȧsoy ȧferȧ ɔ wur, ka a tela ɔwe rensa kɔ-e, ƆBɔthi lanɛ dɛ yi utǝteŋ, ɔwa kɔnɔ mə thonkas, ɔ kȧl tim ka məlompi.

Kȧŋȧibinɛ 3:14

Gbal ka ɔkəlianɛ ka aŋchɔch ŋa ro La-odishiya kəpa ye, Ȧsim ta ɔwe yi ɔSeri utəteŋ, ɔTəpi ka ɛyɛt ɛbɛmpa ya Kuru, ti ȧte.

Kȧŋȧibinɛ 3:7

Gbal ka ɔkəlianɛ ka aŋchɔch ŋa ro Filadɛlfiya kəpa ye, Ɔwe yi usəm yi utəteŋ, ɔwe ba masapɔ ma Debid, ɔwe mə kanthi, ɔwa wuni o wuni ɔ gbəli hɛ kantha, kɔ kȧl kantha, ɔwa wuni o wuni ɔ gbəli hɛ kanthi; ɔkati ɔ pa,

Kȧŋȧibinɛ 6:10

kaŋ gbelegbele aŋ pa, ƆMariki usəm, dɛ yi utəteŋ, to pə ba tə kəwon sɔ-e yeŋka mə thonkas tə kəkala mȧtir ma su ka ŋaŋ aŋa yi ka ȧdȧru-e?