1 Yɔn 5:18 - Ȧŋlemrȧnɛ Ȧfu

¹⁸ Sə tȧrȧ kəpa wuni o wuni ɔwe a po kom ka Kuru ɔ yɔ hɛ ahakɛ; kɛrɛ ɔwe a po kom ka Kuru ɔ bumərnɛ, ɔwa Sethani ɔ gboŋ hɛ kɔ.

1 Yɔn 5:18 ပူးပေါင်းရင်းမြစ်များ

Mathiu 5:37

Kɛrɛ ta mapa ma mu mǝ yi Yao, Yao, thalɔm Yi thahɔ, Yi thahɔ; kotȧy-e tȧy o tȧy ȧte thas ȧte tǝ wur ka ɔlǝs.

Mathiu 6:13

Te su wɔŋȧ rǝ tȧy tǝgbɔns kɛrɛ wurɔ su ka mətȧy mǝlǝs; ȧtesoma-e munɔ ba rȧbȧy yi aŋfɔsɔ yi aŋyiki thȧnkȧŋ thǝbana, Amina.

Yɔn 1:13

aŋa a kom, pə yi hɛ ka mətir, thalɔm ka mȧselɔ ma madɛr, thalɔm ka mȧselɔ ma wuni, kɛrɛ ka mȧselɔ ma Kuru.

Yɔn 14:30

I fɔfȧnɛ hɛ nu sɔ ɔgbȧthi: kotȧy-e rȧbomp ra ȧdȧru are ɔ der, kɛrɛ ɔ ba hɛ tȧy o tȧy ro mi.

Yɔn 15:4

Tia nu rokor kȧmi ɔwa minɛŋ rokor ka nu. Mɔ mə aŋra aŋ ba hɛ afɔsɔ tə kəwur məkomi, thambe aŋ tiyȧ ka ralek; ya pə yi sɔ naŋ nə gbəli hɛ, thambe nə tiyȧ ro mi.

Yɔn 15:7

Bepi nə tiyȧ rokor kȧmi, ɔwa ȧsim ta mi tə tiyȧ rokor ka nu-e, yif nu tȧy o tȧy ȧte nə yema, ɔwa a tə yɔna nu ti.

Yɔn 15:9

Mɔ mə ɔKas ɔ bɔthər mi, ya minɛ sɔ i bɔthər nu; tiyȧ nu ka mabɔthər ma mi.

Mȧyɔs ma aŋsom 11:23

Ɔwa kɔnɔ ma ɔ bek-e, ɔwa ɔ nənk ȧŋboŋa ŋa Kuru-e, pə bɔnɛ kɔ. Kɔ maŋ ŋa bɛ tə kəgbȧpsȧ ɔMarki rə məbotəs ma ȧmerȧ.

Yeməs 1:18

Ka mȧselɔ mɔŋ gbeŋ ɔ kom su ka ȧrim ra tȧteŋ, kȧmȧ sə yi mȧkomi mətɔtɔkɔ ma mabɛmpa mɔŋ.

Yeməs 1:27

Kakɔth ka aroŋ da Kuru kətəteŋ ȧke te ba apora ro der kəri ka ɔKuru dɛ yi ɔKas kȧsu ki ake, tə kənanɛ ante ba kas yi ȧŋbora ka ȧŋsɔmpanɛ a ŋaŋ, yi tə kəbɛnɛ ȧŋmerȧ ŋɔŋ kəte ba apora ka ȧdȧru.

1 Pitar 1:23

ma pə yi ti-e a kom nu ɔfu, pə yi hɛ ka mater ama ba kəthey, kɛrɛ ka mater ama te ba kəthey thȧnkȧŋ, salata ȧrim ra Kuru ara ba kəyi haŋ thȧnkȧŋ thəbana.

1 Yɔn 2:29

Bepi nə tȧrȧ kəpa ɔ yi ulompi, tȧrȧ nu sɔ kəpa wuni o wuni ɔwe mə yɔ ɔlompi kɔnɔ kom kɔ.

1 Yɔn 3:12

Pə yi hɛ mɔ Ken, ɔwe yi ka Sethani, ɔwa ɔ dif ɔwɔnt kɔŋ. Ɔwa to pə som ɔ dif kɔ-e? Pəkasifɛ mȧyɔs mɔŋ mə yi mələs, ɔwa ama ɔwɔnt kɔŋ mə yi məlompi.

1 Yɔn 3:3

Ɔwa wuni o wuni ɔwe ba kabot ȧmerȧ ake ɔ tə gbəransnɛ, mɔ mə Krayst ɔ yi ugbəraŋ.

1 Yɔn 3:9

Wuni o wuni ɔwe Kuru ɔ po kom ɔ yɔ hɛ ahakɛ; kotȧy-e mayi ma Kuru mə yi ro ŋɔŋ ɔwa ɔ gbəli hɛ yɔ ahakɛ pəkasifɛ Kurɔŋ kɔnɔ kom kɔ.

1 Yɔn 4:6

Saŋ sə yi ta Kuru: ɔwe tȧrȧ kɔ ɔ təlȧ su; kɛrɛ kɔn ɔwe te yi ta Kuru ɔ təlȧ hɛ su. Ka ȧte sə tȧrȧ ɔgbaskɛ wa aŋyina ka təteŋ, yi aŋyina ŋa rəyem.

1 Yɔn 5:1

Wuni o wuni ɔwe mə lanɛ kəpa Yisɔs ɔ yi ɔKrayst a kom kɔ ka Kuru: ɔwa wuni o wuni ɔwe mə bɔthər ɔkomra ɔ bɔthər sɔ kɔn ɔwe ɔ po kom.

1 Yɔn 5:15

Ɔwa bepi sə tȧrȧ kəpa ɔ təlȧ su, tȧy o tȧy sə yif, sə tȧrȧ kəpa sə sɔthɔ ara sə yif kɔ.

1 Yɔn 5:19

Saŋ sə tȧrȧ kəpa sə yi ka Kuru, yi ȧdȧru bɛ rə yi ka aŋfɔsɔ ŋa Sethani.

1 Yɔn 5:20

Ɔwa sə tȧrȧ kəpa ɔWan ka Kuru ɔ po der, kɔ po sɔŋ su kəsɔthnɛ, kȧmȧ sə gbəli tȧrȧ kɔ ɔwe yi təteŋ, ɔwa saŋ sə yi ka kɔn ɔwe yi təteŋ, hali ka ɔWan kɔŋ Yisɔs Kraystȧŋ. Kɔnɔ yi ɔKuru utəteŋ, yi aŋesəm thəbana.

1 Yɔn 5:21

Awuth alɔl, bumnɛ nu ka ɛyɛt ɛbumərnɛ.

1 Yɔn 5:4

kotȧy-e wuni o wuni ɔwe a po kom ka Kuru ɔ tham ȧdȧru: ɔwa katham ȧke mə tham ȧdȧru ki ake, kə yi kȧlanɛ kȧsu.

Yud 1:21

bȧkər nu ka mabɔthər ma Kuru, nə kəlianɛ ȧŋney ŋa ɔMarki kȧsu Yisɔs Krayst aŋa mə sɔŋ su aŋesəm thəbana.

Yud 1:24

Ɔwa ɔwe gbəli bɛnɛ nu kəte yɛthȧ, ɔwa ɔ təmər nu kəte ba apora rodi ka ayiki ŋɔŋ yi məbɔnɛ məbana;

Kȧŋȧibinɛ 2:13

I tȧrȧ ro mə yirȧ, hali ro kawaŋ ka rȧbȧy ra Sethani kə yi. Ɔwa mə wop ȧŋes a mi gbaŋ-e, mə pɛnsa hɛ kȧlanɛ ka mu do rɔmi, hali ka marey ma Antipas, ɔseri kȧmi ubɔthi lanɛ, ɔwe aŋ dif kətɔŋ ka mu, ro Sethani ɔ yirȧ.