1 Yɔn 5:13 - Ȧŋlemrȧnɛ Ȧfu

¹³ Mȧtȧy ame i po gbalər nu na alanɛ ka ȧŋes ŋa ɔWan ka Kuru kȧmȧ nə tȧrȧ kəpa nə ba aŋesəm thəbana.

1 Yɔn 5:13 ပူးပေါင်းရင်းမြစ်များ

Yɔn 1:12

Kɛrɛ ŋa bɛ aŋa malanɛ kɔ-e, ɔ sɔŋ ŋa mamari tə kəsəkɛ awuth ŋa Kuru, hali ŋaŋ aŋa lanɛ ka ȧŋes ŋɔŋ:

Yɔn 2:23

Ma ɔ yi ro Yerusalɛm ka amet ma kapainɛ-e, afəm agbȧthi aŋ lanɛ ka ȧŋes ŋɔŋ, maŋ nənk ɛmisali ɛyɛ ɔ po yɔ.

Yɔn 20:31

kɛrɛ a gbal ɛye, kȧmȧ nə lanɛ kəpa Yisɔsȧŋ ɔ yi ɔKrayst, ɔWan ka Kuru, ɔwa kȧmȧ bepi nə lanɛ-e, nə tə ba aŋesəm ka ȧŋes ŋɔŋ.

Yɔn 21:24

Ɔkarande ɔwe kɔnɔ gbaki ta mȧtȧy ame, kɔ gbal mȧtȧy ame: ɔwa sə tȧrȧ kəpa aŋgbaki ŋɔŋ aŋ yi tȧteŋ.

Yɔn 3:18

Ɔwe mə lanɛ kɔ-e ɔ sɔthɔ hɛ mətheri, kɛrɛ ɔwe te lanɛ kɔ-e, a po kɔ sɔŋ mətheri, pəkasifɛ ɔ tha lanɛ hɛ ka ȧŋes ŋa ɔWan ka Kuru ɔ kom gbo son.

Yɔn 5:24

Tɛntɛnɛ i kanɛ nu, Kɔnɔ ɔwe mə təl ȧrim ra mi, ɔwa ɔ lanɛ ɔwe som mi-e, ɔ ba aŋesəm thəbana, ɔ ba hɛ tə kəsɔthɔ mətheri; kɛrɛ ɔ po thas rəfi kəkɔ ka aŋesəm.

Mȧyɔs ma aŋsom 3:16

Ɔwa pə yi salata kəlanɛ ka ȧŋes ŋɔŋ ɔlanŋgba ɔwe ɔ sɔthɔ afɔsɔ, ɔwe naŋ bɛ nə nənk dɛ yi nə tȧrȧ. Yao, kȧlanɛ ȧke yi ro ŋɔŋ kə po sɔŋ kɔ kayenk mədɛr kəgbenthis ka kȧbəprȧnɛ ka nu bɛ.

Mȧyɔs ma aŋsom 4:12

Ɔwa kakisi kə yi hɛ ka wuni o wuni ulɔm, kotȧy-e, ŋes o ŋes alɔm aŋ yi hɛ ka ȧdȧru are aŋa a sɔŋ kətɔŋ ka aŋfəm ro sə gbəli sɔthɔ kakisi.

2 AŋKɔrenth 5:1

kotȧy-e sə tȧrȧ kəpa bepi ȧŋseth ŋa madɛr ma su aŋ yɛksɛ-e, sə ba alɔm kəwur ka Kuru Məsaba-e, aseth aŋa mə a te bɛmpa yi məta thȧnkȧŋ thəbana ro riyana.

AŋKȧletia 4:6

Ɔwa ma pə yi nə yi awuth-e, Kuru ɔ som ɔYina ka ɔWan kɔŋ ka ɛmerȧ ɛ nu, kɔ pa, Aba ɔKas.

1 Pitar 5:12

I somra ȧŋreka agbut aŋe ka kȧta ka Silfenɔs, ɔwɔnt su ubɔthi lanɛ, tə kəbaksər tabuth ta nu, yi tə kəseri kəpa ȧtȧ i po tɔri nu tə yi ȧŋboŋa atəteŋ ŋa Kuru. Təmȧ ri ɔbaksər.

1 Yɔn 1:4

Sə gbal mȧtȧy ame ro rɔnu kȧmȧ mabɔnɛ ma su mə gbenthis.

1 Yɔn 2:1

Awuth a mi alɔl, i gbalər nu mȧtȧy ame kȧmȧ nə te yɔ ahakɛ. Kɛrɛ bepi wuni o wuni ɔ yɔ ahakɛ, sə ba ukasa yi ɔKas, ɔ yi Yisɔs Krayst ɔlompi:

1 Yɔn 2:21

I gbalər hɛ nu ta ma nə te tȧrȧ tȧteŋ, kɛrɛ pəkasifɛ nə tȧrȧ ti, ɔwa nə tȧrȧ kəpa rəyem o rəyem rə wur hɛ ka tȧteŋ.

1 Yɔn 2:25

Ɔwa aŋlahiri aŋa ɔ lahiri su ŋa yi aŋesəm thəbana.

1 Yɔn 2:26

I gbalər nu mȧtȧy ame ta ŋaŋ aŋa yema yɛthas nu.

1 Yɔn 3:23

Aŋyamari ŋɔŋ ŋi aŋe, kȧmȧ sə lanɛ ka ȧŋes ŋa ɔWan kɔŋ Yisɔs Krayst, yi kȧmȧ sə bɔthərȧnɛ mɔ mɔ yamari su.

1 Yɔn 4:9

Ka ȧte mabɔthər ma Kuru mə tɔrinɛ ro rɔsu, ma ɔ somra ɔWan kɔŋ ɔ kom gbo son ka ȧdȧru, kȧmȧ sə ŋesəm ro ŋɔŋ.

1 Yɔn 5:10

Ɔwe po lanɛ ka ɔWan ka Kuru ɔ ba maseri ka ȧŋmerȧ ŋɔŋ: kɛrɛ ɔwe te lanɛ Kuru ɔ sɔki kɔ uyem; pəkasifɛ ɔ lanɛ hɛ maseri ama Kuru ɔ sɔŋ ta ɔWan kɔŋ.

1 Yɔn 5:11

Maseri meme, kəpa Kuru ɔ po sɔŋ su aŋesəm thəbana, ɔwa aŋesəm aŋe aŋ yi ka ɔWan kɔŋ.

1 Yɔn 5:20

Ɔwa sə tȧrȧ kəpa ɔWan ka Kuru ɔ po der, kɔ po sɔŋ su kəsɔthnɛ, kȧmȧ sə gbəli tȧrȧ kɔ ɔwe yi təteŋ, ɔwa saŋ sə yi ka kɔn ɔwe yi təteŋ, hali ka ɔWan kɔŋ Yisɔs Kraystȧŋ. Kɔnɔ yi ɔKuru utəteŋ, yi aŋesəm thəbana.