1 Yɔn 4:15 - Ȧŋlemrȧnɛ Ȧfu

¹⁵ Wuni o wuni ɔwe mə gbithanɛ kəpa Yisɔs ɔ yi ɔWan ka Kuru, Kuru ɔ tiyȧ ro ŋɔŋ, ɔwa kɔn ɔ tiyȧ ka Kuru.

1 Yɔn 4:15 ပူးပေါင်းရင်းမြစ်များ

Mathiu 10:32

Wuni o wuni ɔwe mǝ seri ta ȧta mi rodi ka aŋfǝm, minɛ sɔ i ti seri ta atɔŋ rodi ka ɔKas kȧmi ɔwe yi ro riyana.

Luk 12:8

I kanɛ nu sɔ, wuni o wuni ɔwe gbithanɛ mi rodi ka aŋfəm, kɔnɔ sɔ, ɔWan ka wuni ɔ tə gbithanɛ kɔ rodi ka aŋmȧleka ŋa Kuru,

Yɔn 6:56

Ɔwe mə di aŋdɛr a mi, ɔwa ɔwe mə mun mȧtir ma mi, ɔ tiyȧ rokor kȧmi, ɔwa minɛŋ i ti tiyȧ rokor kɔŋ.

Mȧyɔs ma aŋsom 8:37

Ka Filipȧŋ ɔ pa, Bepi mə lanɛ yi ȧŋmerȧ a mu bɛ-e, mə gbəli. Kɔ wosa, ɔ pa, I lanɛ kəpa Yisɔs Krayst ɔ yi ɔWan ka Kuru.

AŋRomans 10:9

kotȧy-e bepi mə gbithanɛ yi kȧsəŋ ka mu kəpa Yisɔs ɔ yi ɔMariki-e, ɔwa mə lanɛ yi ȧŋmerȧ a mu kəpa Kuru ɔ yokas kɔ ka rəfi-e, mə tə kisi.

AŋFilipai 2:11

kȧmȧ kəsəŋ o kəsəŋ kə seri kəpa Yisɔs Krayst ɔ yi ɔMarki ka aŋyiki ŋa Kuru ɔKas.

1 Yɔn 2:23

Wuni o wuni ɔwe mə pɛnsa ɔWan ɔ ba hɛ ɔKas; kɛrɛ ɔwe mə gbithanɛ ɔWan ɔ ba sɔ ɔKas.

1 Yɔn 2:24

Tiyȧŋ wop ȧtȧ nə təl kȧbi ka ɔtəpɛr. Bepi ȧtȧ nə təl kȧbi ka ɔtəpɛr tə tiyȧ ro nu, nə tə tiyȧ ka ɔWan, yi ka ɔKas.

1 Yɔn 3:23

Aŋyamari ŋɔŋ ŋi aŋe, kȧmȧ sə lanɛ ka ȧŋes ŋa ɔWan kɔŋ Yisɔs Krayst, yi kȧmȧ sə bɔthərȧnɛ mɔ mɔ yamari su.

1 Yɔn 3:24

Ɔwe mə wop ɛyamari yɔŋ ɔ tiyȧ ka Kuru, yi Kuru ɔ tiyȧ ro ŋɔŋ. Ka ȧte sə tȧrȧ ɔ tiyȧ ro su, ka ɔYina ɔwe ɔ po sɔŋ su.

1 Yɔn 4:12

Wuni o wuni ɔ tha nənk hɛ Kuru hali. Bepi sə bɔthərȧnɛ, Kuru ɔ tiyȧ ro su, yi mabɔthər mɔŋ mə gbenthis ro su.

1 Yɔn 4:2

Ka ȧte sə tȧrȧ ɔYina ka Kuru: ayina o yina aŋa mə gbithanɛ kəpa Yisɔs Krayst ɔ po der ka madɛr aŋ yi ka Kuru:

1 Yɔn 5:1

Wuni o wuni ɔwe mə lanɛ kəpa Yisɔs ɔ yi ɔKrayst a kom kɔ ka Kuru: ɔwa wuni o wuni ɔwe mə bɔthər ɔkomra ɔ bɔthər sɔ kɔn ɔwe ɔ po kom.

1 Yɔn 5:5

Kanɛ mə tham ȧdȧru, thambe kɔnɔ ɔwe mə lanɛ kəpa Yisɔs ɔ yi ɔWan ka Kuru-e?

2 Yɔn 1:7

kotȧy-e afəm ayaŋfa agbȧthi aŋ po wɔŋ ka ȧdȧru, hali ŋaŋ aŋa te gbithanɛ kəpa Yisɔs Krayst ɔ po der ka madɛr. Ɔwe ɔ yi uyaŋfa yi ukraist uyem.