1 Yɔn 3:3 - Ȧŋlemrȧnɛ Ȧfu

³ Ɔwa wuni o wuni ɔwe ba kabot ȧmerȧ ake ɔ tə gbəransnɛ, mɔ mə Krayst ɔ yi ugbəraŋ.

1 Yɔn 3:3 ပူးပေါင်းရင်းမြစ်များ

Mathiu 5:48

Tiyȧŋ yi nu agbenthis mɔ mǝ ɔKas ka nu ɔwe yi ro riyana ɔ yi ugbenthis.

Luk 6:36

Ba ȧney mɔ mə ɔKas ka nu ɔ ba ȧney.

Yɔn 17:19

Ɔwa ta ȧtȧŋ tə mə i səməsnɛ, kȧmȧ a səməs ŋa ka tȧteŋ.

Mȧyɔs ma aŋsom 15:9

Ɔ bot hɛ ɔgbaskɛ kətɔŋ kȧsu yi ŋaŋ ma ɔ fethər ɛmerȧ yaŋ ka kȧlanɛ.

AŋRomans 15:12

Ka Aysaya sɔ ɔ pa, Anthəŋk ŋa Yɛsi aŋ tə yokanɛ tə kəgbəka tȧbona təlɔm, Ro rɔŋɔŋ tȧbona təlɔm mə aŋ gbak ɛmerȧ yaŋ.

2 AŋKɔrenth 7:1

Tiyȧŋ abɔthər, ma sə po ba ɛlahiri ɛye-e, maŋ gbəransnɛ nu kəwur ka məpulkɛ bɛ ma madɛr dɛ yi aŋyina, ɔwa sə gbenthis rəsəm ka ranes ra Kuru.

AŋKɔlɔsi 1:5

asabu ŋa kagbak ȧmerȧ ȧke a bɛnɛ ta ȧtȧ nu ro riyana, ȧke nə po təl kətȧŋȧnɛ ka ȧrim ra tȧteŋ ta ȧkɛra kəfinɔ ka Kuru.

2 AŋThɛsȧlonika 2:16

Ɔwa ka-ake, ɔMarki kȧsu Yisɔs Krayst kɔn kɔnɔnɛ, yi Kuru ɔKas kȧsu ɔwe po bɔthər su, dɛ yi ɔwe sɔŋ su kəbɛfəth dɛ yi kəgbak ȧmerȧ kəthəbana kətȧŋȧnɛ ȧŋboŋa ŋɔŋ,

Taytɔs 3:7

kȧmȧ ma sə po sɔthɔ məmari ka ȧŋboŋa ŋɔŋ-e, sə tə səkɛ aŋa mə ba akɛŋ kətȧŋȧnɛ ka kȧgbȧk ȧmerȧ ka aŋesəm thəbana.

AŋHibru 12:14

Tȧŋ nu məthɔfəl rə afəm bɛ, yi masəm ama pə yi-e, thambe wuni ɔ ba ma-e, ɔ gbəli hɛ nənk ɔMarki.

AŋHibru 6:18

kȧmȧ ka mȧtay mȧrəŋ ama te gbəli siŋkar, ro pə yi ɔfɔy hɛ tȧy ta Kuru tə kəyema-e, saŋ aŋa po thɔŋ gbukɛ ka ɔdɛr ɔmaŋknɛ tə kəwop kagbak ȧmerȧ ȧke a bot rodi ka su-e, sə gbəli ba kəbȧkəs kəbuth kəfinɔ.

AŋHibru 7:26

kotȧy-e, ɔbeki su tə kəba ufode ubana mɔ ɔwe-e, ɔwe yi usəm-e, upaŋi yaŋfa-e, ugbəraŋ-e; ɔwe yi ugbaskɛ ka afəm ka ahakɛ, dɛ yi ɔwe a ŋata ɔbɔli rəkɔm pəthas kȧriyana.

Yeməs 4:8

Fȧtər Kuru, ɔwa ɔ tə fatər nu, gbərans mȧta ma nu naŋ afəm ŋa ahakɛ; fethər ɛmerȧ ɛ nu naŋ aŋa ba ɛmerȧ ɛfəlɛ fəlɛ.

1 Pitar 1:15

Kɛrɛ mɔ kɔn ɔwe tela nu ɔ yi usəm-e, naŋ sɔ nə yi tə kəyi asəm ka mayi ma nu bɛ;

1 Pitar 1:3

Ta aruba aŋ yi ka Kuru ɔKas ka ɔMarki kȧsu Yisɔs Kraystȧŋ. Ka ȧŋney ŋɔŋ abana ɔ po kom su ɔfu tə kəba kəgbak ȧmerȧ ȧke yi kəkəli salata kakal yokanɛ ka Yisɔs Krayst ka aŋfi,

2 Pitar 1:4

Ta ȧte ɔ po sɔŋ su ɛlahiri yɔŋ ɛbana ɛkɛŋ, kȧmȧ pə yi di kati nə gbəli ba ani ka mayi ma Kuru, ma nə po fisɔsnɛ kəwur ka mȧnɔkɔ ma ȧdȧru salata ɛmilɛ ɛləs.

2 Pitar 3:14

Tiyȧŋ abɔthər, ma pə yi nə kəlianɛ ta mȧtȧy ame-e, bȧsər nu kȧmȧ ɔ bəp nu ka məthɔfəl kəte ba apora thalɔm məthɛkɛ.

1 Yɔn 2:6

Kɔn ɔwe mə pa ɔ yi ro ŋɔŋ, ɔ yi sɔ tə kəkɔth mɔ kɔnɔ ɔ kɔth.

1 Yɔn 4:17

Mabɔthər ma su mə tə gbenthis ka ȧte, kȧmȧ sə ba kəmintha ka ȧŋrey ŋa kathoŋkas: pəkasifɛ mɔ kɔnɔ ɔ yi, ya saŋ sə yi sɔ ka ȧdȧru are.