1 Yɔn 3:23 - Ȧŋlemrȧnɛ Ȧfu

²³ Aŋyamari ŋɔŋ ŋi aŋe, kȧmȧ sə lanɛ ka ȧŋes ŋa ɔWan kɔŋ Yisɔs Krayst, yi kȧmȧ sə bɔthərȧnɛ mɔ mɔ yamari su.

1 Yɔn 3:23 ပူးပေါင်းရင်းမြစ်များ

Mathiu 22:39

Ɔwa, aŋa bekȧ yɛrǝŋ-e aŋ bȧlȧnɛ ŋi, ŋi aŋe, Mǝ yi tǝ kǝbɔthǝr ɔfatanɛ ka mu mɔ mǝ mǝ bɔthǝrnɛ.

Mark 9:7

Ka kərənt kəfera kə thorər ŋa, ka rim rə wur ka karənt kəferȧ-e, rə pa, Ɔwan kȧmi ubɔthər, kɔnɔ ɔwe; təlȧ kɔ nu.

Yɔn 1:12

Kɛrɛ ŋa bɛ aŋa malanɛ kɔ-e, ɔ sɔŋ ŋa mamari tə kəsəkɛ awuth ŋa Kuru, hali ŋaŋ aŋa lanɛ ka ȧŋes ŋɔŋ:

Yɔn 13:34

Ayamari afu i sɔŋ nu, kȧmȧ nə bɔthərȧnɛ; mɔ mə minɛŋ i po bɔthər nu, ya nia sɔ nə yi tə kəbɔthəranɛ.

Yɔn 14:1

Ta ɛmerȧ ɛ nu ɛ te nu sɔmpa: nə lanɛ Kuru, lanɛ mi sɔ.

Yɔn 15:12

Aŋyamari a mi ŋi aŋe, Kama nə bɔthərȧnɛ, mɔ mə minɛŋ i po bɔthər nu.

Yɔn 17:3

Ɔwa aŋesəm thəbana ŋi aŋe kȧmȧ aŋ tȧrȧ mu ɔKuru utəteŋ son, yi Yisɔs Krayst ɔwe mə po som.

Yɔn 2:23

Ma ɔ yi ro Yerusalɛm ka amet ma kapainɛ-e, afəm agbȧthi aŋ lanɛ ka ȧŋes ŋɔŋ, maŋ nənk ɛmisali ɛyɛ ɔ po yɔ.

Yɔn 3:18

Ɔwe mə lanɛ kɔ-e ɔ sɔthɔ hɛ mətheri, kɛrɛ ɔwe te lanɛ kɔ-e, a po kɔ sɔŋ mətheri, pəkasifɛ ɔ tha lanɛ hɛ ka ȧŋes ŋa ɔWan ka Kuru ɔ kom gbo son.

Yɔn 6:29

Yisɔsȧŋ ɔ pa ro ŋaŋ, Ȧŋpanth ŋa Kuru ŋi aŋe, kȧmȧ nə lanɛ kɔ ɔwe ɔ po som.

Mȧyɔs ma aŋsom 16:31

kaŋ pa, Lanɛ ka ɔMarki Yisɔs Krayst, ɔwa mə tə kisi, munɔŋ yi kabɔr ka mu bɛ.

AŋƐfisɔs 5:2

Kɔth nu ka məbɔthər mɔ Krayst sɔ ɔ po bɔthər su, kɔ sɔndnɛ ta ȧtȧ su sathka dɛ yi aboya ŋa abɔnt afɔlfɔl ka Kuru.

1 AŋThɛsȧlonika 4:9

Kɛrɛ ka ȧŋpa ŋa məbɔthər ma rəwɔnt, i ba hɛ tə kəgbalər nu, kotȧy-e Kuru kɔnɔ po thəksa nu tə kəbɔthəranɛ.

1 Timɔthi 1:15

Ȧŋpa aŋe aŋ yi abɔthi malanɛ bɛ, ɔbeki ta afəm bɛ tə kəlanɛ, kəpa ye Krayst Yisɔs ɔ der ka ȧdȧru tə kəkisis afəm ŋa ahakɛ; ɔwa minɛ yi ɔbȧy ka ŋaŋ.

1 Pitar 1:22

Ɔwa ma nə poŋ thɔŋ gbəransnɛ rə kəsanɛ ka tȧteŋ kəkɔ rə məbɔthər məgbenthis mȧ rȧwɔnt, kətȧŋ ka ɔYina məsəm, kəli nu kȧmȧ nə bɔthərȧnɛ asɔbɛ rə ȧmerȧ ȧferȧ,

1 Pitar 4:8

Ɔwa pəthas koko bɛ bɔthərȧnɛ nu kiriŋkiriŋ, kotȧy-e məbɔthər mə tə gbəpsər ɛhakɛ ɛlai.

1 Yɔn 2:7

Awɔnt a mi, i gbalər hɛ nu ayamari afu, kɛrɛ ayamari akur aŋa nə la ba kȧbi ka ɔtəpɛr. Aŋyamari akur ŋa yi ȧrim ara nə po təl kȧbi ka ɔtəpɛr.

1 Yɔn 3:11

kotȧy-e ȧkɛra ki ake ȧke nə po təl kȧbi ka ɔtəpɛr, kəpa sə yi tə kəbɔthəranɛ.

1 Yɔn 4:15

Wuni o wuni ɔwe mə gbithanɛ kəpa Yisɔs ɔ yi ɔWan ka Kuru, Kuru ɔ tiyȧ ro ŋɔŋ, ɔwa kɔn ɔ tiyȧ ka Kuru.

1 Yɔn 4:21

Ɔwa aŋyamari aŋe sə po sɔthɔ ro ŋɔŋ, kəpa ɔwe mə bɔthər Kuru ta ɔ bɔthər sɔ ɔwɔnt kɔŋ.

1 Yɔn 5:13

Mȧtȧy ame i po gbalər nu na alanɛ ka ȧŋes ŋa ɔWan ka Kuru kȧmȧ nə tȧrȧ kəpa nə ba aŋesəm thəbana.