1 Yɔn 3:22 - Ȧŋlemrȧnɛ Ȧfu

²² Ɔwa koko sə yif sə sɔthɔ ro ŋɔŋ, pəkasifɛ sə wop ɛyamari yɔŋ, ɔwa sə yɔ ȧtȧ mə thesanɛ kɔ.

1 Yɔn 3:22 ပူးပေါင်းရင်းမြစ်များ

Mathiu 17:5

Ma ɔ yi ka kǝfɔf-e, kǝrǝnt kǝfera kǝgbɛntha kǝ derǝr ŋa; ɔwa rim rǝ wur ka karǝnt, rǝ pa, ƆWan kȧmi ubɔthǝr kɔnɔ ɔwe, ta ɔwe pǝ thesanɛ mi finɔ. Tǝla kɔ nu.

Mathiu 21:22

Ɔwa koko ara mǝ nǝ yif rǝ kǝramnɛ, bepi nǝ lanɛ-e, nǝ tǝ sɔthɔ.

Mark 11:24

Tiyȧŋ i kanɛ nu, mȧtȧy bɛ nə yif rə kəramnɛ, bepi nə lanɛ kəpa nə sɔthɔ ma-e, ɔwa nə tə ba ma.

Yɔn 14:13

Ɔwa tȧy o tȧy ȧte mə nə yif ka ȧŋes a mi, i ti yɔ ti, kȧmȧ ɔKas ɔ sɔthɔ ayiki ka ɔWan.

Yɔn 15:10

Bepi nə wop aŋyamari a mi-e, nə tə tiyȧ ka mabɔthər ma mi: mɔ mə i po wop aŋyamari ŋa ɔKas kȧmi, ka i tiya ka mȧbɔthər mɔŋ.

Yɔn 15:7

Bepi nə tiyȧ rokor kȧmi, ɔwa ȧsim ta mi tə tiyȧ rokor ka nu-e, yif nu tȧy o tȧy ȧte nə yema, ɔwa a tə yɔna nu ti.

Yɔn 6:29

Yisɔsȧŋ ɔ pa ro ŋaŋ, Ȧŋpanth ŋa Kuru ŋi aŋe, kȧmȧ nə lanɛ kɔ ɔwe ɔ po som.

Yɔn 8:29

Ɔwa ɔwe som mi ɔ yi yi minɛŋ: ɔKas ɔ tey hɛ mi min son; ȧtesoma-e i yɔ mȧtȧy ama mə bɔnɛs kɔ alɔkɔ bɛ.

Yɔn 9:31

Ɔwa sə tȧrȧ kəpa Kurɔŋ ɔ təlȧ hɛ wuni ka ahakɛ; kɛrɛ bepi wuni o wuni ɔ bȧtho Kuru-e, ɔ yɔ mȧselɔ mɔŋ, kɔnɔ mɔ təlȧ.

Mȧyɔs ma aŋsom 17:30

Tiyȧŋ Kurɔŋ ɔ paysa ɛfɔr ka ɛlɔkɔ ya kate tȧrȧ, kɛrɛ ka-ake ɔ yamari aŋfəm dɛr o dɛr tə kəthupi.

Mȧyɔs ma aŋsom 20:21

i seri ka aŋYuda yi aŋKrik kathupi ka Kuru, yi kȧlanɛ ka ɔMarki kȧsu Yisɔs Krayst.

AŋFilipai 4:18

Kɛrɛ i ba koko bɛ thɔŋ, rəgbathi gbo, ma i po sɔthɔ ka kȧta ka Ɛpafroditɔs aboya afinɔ aŋa nə po somra mi mɔ abɔnt afɔlfɔl, sathka təbɔthi malanɛ ȧtȧ mə bɔnɛs Kuru Məsaba.

AŋKɔlɔsi 1:10

Kama nə kɔth ɔbeki ka ɔMarki yi kəbɔnɛs tȧy bɛ, dɛ yi kȧmȧ nə wurɔ məkomi rə məyɔs o məyɔs məfinɔ, kȧmȧ nə bȧrnɛ sɔ-e ka kȧtȧrȧ ka Kuru.

AŋHibru 13:21

ɔ yɔ nu nə yi agbenthis rə tȧy o tȧy təfinɔ, tə kəyɔ mȧselɔ mɔŋ, kȧmȧ ɔ yɔ mapanth rokor ka nu ama mə mar nu tə kəbɔnɛs kɔ, kətȧŋȧnɛ ka Yisɔs Krayst; ɔwe ba ayiki thȧnkȧŋ o thȧnkȧŋ. Amina.

Yeməs 1:5

Kɛrɛ bepi ukin ka nu ɔ ba hɛ kətemp ka rəbaki-e, ta ɔ tholir Kuru ɔwe yi ufonsiri, ɔwe mə yer rə məthɛkɛ tha, ɔwa a tə sɔŋ kɔ ki.

Yeməs 4:3

Nə yif, ɔwa nə sɔthɔ hɛ pəkasifɛ nə yif ɔkənȧ kȧmȧ nə ləsər ŋi salata mafela ma nu.

Yeməs 5:16

Gbithanɛ nu ɛhakɛ ɛ nu, ukin ka ulɔm, ɔwa ramnɛ nu ukin ta ulɔm, kȧmȧ a damər nu. Kȧramnɛ kəfey fey ka wuni lompi kə gbəli tȧy.

1 Yɔn 2:3

Ka ȧte sə tȧrȧ kəpa sə tȧrȧ kɔ, bepi sə wop ɛyamari yɔŋ.

1 Yɔn 5:14

Ɔwa kamintha ȧke sə ba ro ŋɔŋ ki ake, kəpa, bepi sə yif tȧy o tȧy ka mȧselɔ mɔŋ, ɔ təlȧ su.