1 Yɔn 3:17 - Ȧŋlemrȧnɛ Ȧfu

¹⁷ Kɛrɛ bepi wuni o wuni ɔ nənk ɔwɔnt kɔŋ ɔ paŋi ɔwa ɔ bȧksər ȧŋmerȧ ŋɔŋ, ɔ sɔŋ hɛ kɔ, kədarəŋ ka kɔnɔ ɔ ba ɛyɛt ya ȧdȧru are, to mabɔthər ma Kuru mə tiyȧ ro ŋɔŋ-e?

1 Yɔn 3:17 ပူးပေါင်းရင်းမြစ်များ

Luk 3:11

kɔ wosȧnɛ ŋa ɔ pa, Kɔnɔ ɔwe ba suma tərəŋ, ta ɔ sɔŋ ɔwe te ba-e, ɔwa kɔnɔ ɔwe ba ra rədi ta ɔ tansanɛ yi.

2 AŋKɔrenth 8:9

kotȧy-e nə tȧrȧ ȧŋboŋa ŋa ɔMarki kȧsu Yisɔs Kraystȧŋ, kəpa hali ma ɔ yi uyola-e, salata nu ɔ səkɛ umɔnɛ, kȧmȧ naŋ kətaŋ ka amɔnɛ mɔŋ-e, nə gbəli səkɛ ayola.

AŋHibru 13:16

Kɛrɛ te nu pənɛ tə kəyɔ təfinɔ dɛ yi tə kəyerəs ara nə ba kotȧy-e sathka təwunɔŋ tə bɔnɛs Kuru finɔ.

Yeməs 2:15

Bepi ɔwɔnt uruni thalɔm ɔwɔnt ubɛra ɔwe lanɛ ɔ təmȧ kətiŋ-e, ɔwa ɔ ba hɛ da rədi,

Yeməs 2:16

ɔwa bepi ukin ka nu ɔ kanɛ ŋa, Kɔnɛ yi məbɔnɛ kȧmȧ a lonsir nu, kȧmȧ a namsir nu, rodarəŋ kati ɔ sɔŋ hɛ ŋa koko ara aŋ paŋ-e, ko kə naŋfas-e?

1 Yɔn 4:20

Bepi wuni o wuni ɔ pa ɔ bɔthər Kuru, kɛrɛ ɔ gbɛŋa ɔwɔnt kɔŋ-e, ɔ yi uyem; kotȧy-e ɔwe te bɔthər ɔwɔnt kɔŋ ɔwe ɔ po nənk, to mɔ gbəli bɔthər Kuru ɔwe ɔ te tha nəŋk-e?

1 Yɔn 5:1

Wuni o wuni ɔwe mə lanɛ kəpa Yisɔs ɔ yi ɔKrayst a kom kɔ ka Kuru: ɔwa wuni o wuni ɔwe mə bɔthər ɔkomra ɔ bɔthər sɔ kɔn ɔwe ɔ po kom.