1 Yɔn 3:10 - Ȧŋlemrȧnɛ Ȧfu

¹⁰ Ka ȧte sə gbəli tȧrȧ awuth ŋa Kuru, yi awuth ŋa Sethani: wuni o wuni ɔwe te yɔ ɔlompi ɔ yi hɛ ka Kuru, thalɔm ɔwe te bɔthər ɔwɔnt kɔŋ.

1 Yɔn 3:10 ပူးပေါင်းရင်းမြစ်များ

Mathiu 13:38

Ɔwa akɔr-e, kǝ yi ȧdȧru. Mater mǝfinɔ mǝ yi aŋwuth ŋa rȧbȧy, kɛrɛ kapika kǝ yi aŋwuth ŋa ɔwuni lǝs.

Luk 6:35

Tiyȧŋ bɔthər aŋtheranɛ a nu, yɔ ŋa ɔfinɔ, bɔ ŋa kate gbak ȧmerȧ tə kəkal sɔthɔ; ɔwa ȧŋrȧm a nu aŋ tə yi abana, ɔwa nə tə yi aŋwuth ŋa ɔBɔli rəkɔm. Kotȧy-e ɔ yɔ ɔfinɔ ka aŋfisrəwali yi aŋləs.

Yɔn 1:12

Kɛrɛ ŋa bɛ aŋa malanɛ kɔ-e, ɔ sɔŋ ŋa mamari tə kəsəkɛ awuth ŋa Kuru, hali ŋaŋ aŋa lanɛ ka ȧŋes ŋɔŋ:

Yɔn 11:52

ɔwa pə yi hɛ ta ȧŋbona ŋati son, kɛrɛ kȧmȧ ɔ thoŋkla dɛr ɔkin aŋwuth ŋa Kuru sɔ aŋa po sakanɛ.

Yɔn 8:44

Nia nə yi ka ɔkas ka nu Sethani, ɔwa ɛfela ya ɔkas ka nu yɛ nə yema yɔ. Ɔ yi udif kȧbi ka katəp, ɔ təmȧ hɛ ka tȧteŋ, pəkasifɛ tȧteŋ tə yi hɛ ro ŋɔŋ. Ma ɔ fɔf rəyem-e, ɔ fɔf ta atɔŋ: ȧtesoma-e uyem wɔŋ, yi ɔkas kati.

Yɔn 8:47

Wuni ɔwe yi ka Kuru ɔ təl ȧsim ta Kuru: tesom nə təl hɛ ti, pəkasifɛ nə yi hɛ ka Kuru.

Mȧyɔs ma aŋsom 13:10

O munɔ, mə la ɛyaŋfa bɛ yi mələs bɛ, munɔ ɔwan ka Sethani, utheranɛ ka məlompi bɛ, mə tey hɛ kəlafthi lȧfthi asoŋ təlompi ta ɔMariki-i?

AŋRomans 13:8

Te ba rəbei ka wuni o wuni thambe mabɔthər ma rəwɔnt. Kɔnɔŋ ɔwe ba mȧbɔthər ma rȧwɔnt-e, ɔ po yɔ ȧte ȧŋthɔ ŋa Kuru ȧŋ pa-e.

AŋƐfisɔs 5:1

Te ba ti, tansanɛ Kuru mɔ afɛth abɔthər.

AŋKɔlɔsi 3:14

Ɔwa rokɔm ka mȧtȧy ame bɛ, wɔŋ məbɔthər ama yi mɔlɔ ma rasekəranɛ ra ȧmerȧ agbenthis.

1 Timɔthi 1:5

kotȧy-e ɔgbanthir wa aŋgbɛthɛŋ a su ɔ yi məbɔthər kəwur rə ȧmerȧ ȧferȧ, yi rə asɔŋ agbəraŋ, yi rə kəlanɛ rə tȧteŋ.

1 Yɔn 2:29

Bepi nə tȧrȧ kəpa ɔ yi ulompi, tȧrȧ nu sɔ kəpa wuni o wuni ɔwe mə yɔ ɔlompi kɔnɔ kom kɔ.

1 Yɔn 3:1

Kəla, ko məbɔthər məbana ɔKas ɔ ba ta ȧtȧ su, kəpa a tela su awuth ŋa Kuru; ɔwa ya sə yi mən. Tȧsom ȧdȧru rə te su tȧrȧ, pəkasifɛ rə tɛ hɛ kɔ.

1 Yɔn 3:2

Abɔthər, ka-ake sə yi awuth ŋa Kuru, ɔwa a tha tɔri hɛ su to sə ba kə re yi: kɛrɛ sə tȧrȧ kəpa ma Krayst ɔ kȧl der, sə tə yi mɔ kɔnɔ; pəkasifɛ sə tə nənk kɔ mɔ mɔ yi.

1 Yɔn 4:21

Ɔwa aŋyamari aŋe sə po sɔthɔ ro ŋɔŋ, kəpa ɔwe mə bɔthər Kuru ta ɔ bɔthər sɔ ɔwɔnt kɔŋ.

1 Yɔn 4:6

Saŋ sə yi ta Kuru: ɔwe tȧrȧ kɔ ɔ təlȧ su; kɛrɛ kɔn ɔwe te yi ta Kuru ɔ təlȧ hɛ su. Ka ȧte sə tȧrȧ ɔgbaskɛ wa aŋyina ka təteŋ, yi aŋyina ŋa rəyem.

1 Yɔn 4:8

Kɔn ɔwe mə te bɔthər ɔ tɛ hɛ Kuru; kotȧy-e, Kuru ɔ yi məbɔthər.

1 Yɔn 5:19

Saŋ sə tȧrȧ kəpa sə yi ka Kuru, yi ȧdȧru bɛ rə yi ka aŋfɔsɔ ŋa Sethani.

1 Yɔn 5:2

Ka ȧte sə tȧrȧ kəpa sə bɔthər aŋwuth ŋa Kuru, ma sə bɔthər Kuru, ɔwa sə wop ɛyamari yɔŋ.

3 Yɔn 1:11

Ɔbɔthər kȧmi, te tansanɛ mələs, kɛrɛ tansanɛ məfinɔ. Ɔwe mə yɔ ɔfinɔ ɔ yi ka Kuru: kɛrɛ ɔwe mə yɔ ɔləs ɔ tha nənk hɛ Kuru.