1 Yɔn 2:27 - Ȧŋlemrȧnɛ Ȧfu

²⁷ Kɛrɛ bepi kafethər ȧke nə po sɔthɔ ro ŋɔŋ kə tiyȧ ro nu, nə ba hɛ sɔ kȧmȧ wuni o wuni ɔ thəksa nu: ɔwa mɔ kafethər kɔŋ kə thəksa nu ka mȧtȧy bɛ, ɔwa kə yi tȧteŋ, rəyem thahɔ, tiyȧ nu ro ŋɔŋ mɔ mə kə po thəksa nu.

1 Yɔn 2:27 ပူးပေါင်းရင်းမြစ်များ

Mathiu 13:11

kɔ lasi ɔ pa ro ŋaŋ, Ro rɔnu a sɔŋ kȧtȧrȧ ka ɛgbundu ya rȧbȧy ra ro riyana, kɛrɛ ro rɔŋaŋ a sɔŋ hɛ ki.

Yɔn 14:16

Ɔwa i ti nɛmthɛnɛ ɔKas, ɔwa ɔ tə sɔŋ nu uBɛfəth ulɔm, kȧmȧ ɔ yi ro nu thəbana.

Yɔn 14:17

Hali ɔYina ka tȧteŋ; ɔwe ȧdȧru rə te gbəli sɔthɔ, pəkasifɛ rə nənk hɛ kɔ, thalɔm rə tɛ hɛ kɔ; kɛrɛ nia nə tȧrȧ kɔ, ȧtesoma-e ɔ tiyȧ ro nu, ɔwa ɔ tə yi rokor ka nu.

Yɔn 14:26

Kɛrɛ ɔBɛfəth, ɔYina məsəm, ɔwe ɔKas ɔ tə som ka ȧŋes a mi, ɔ tə thəksa nu mȧtȧy bɛ, ɔwa ɔ tə kala ɛnanɛ ɛ nu ka mȧtȧy bɛ ama i po kanɛ nu.

Yɔn 16:13

Kɛrɛ ma kɔnɔŋ, ɔYina ka təteŋ, ɔ der-e, ɔ tə kora nu ka tȧteŋ bɛ; kotȧy-e, ɔ fɔf hɛ ka ȧŋmerȧ ŋɔŋ; kɛrɛ mȧtȧy bɛ ama ɔ təl, ame ma mɔ fɔf: ɔwa ɔ tə tɔri nu mȧtȧy ama ba tə kəder.

Yɔn 4:14

kɛrɛ wuni o wuni ɔwe mə mun ȧmȧnt ama i ti sɔŋ kɔ-e, rəmun rə wop hɛ kɔ sɔ thəbana; kɛrɛ ȧmȧnt ama i ti sɔŋ kɔ mə tə səkɛ rəfɔr ra mȧnt rokor kɔŋ, ara mə gbuthɛ ka aŋesəm thəbana.

Yɔn 6:45

A po gbal ka mȧgbal ma Aŋnȧbi kəpa, Kurɔŋ ɔ tə thəksa ŋa bɛ. Wuni o wuni ɔwe po təlȧ ɔKas, ɔwa ɔ thəkəs ro ŋɔŋ, ɔ tə der ro mi.

1 AŋKɔrenth 2:12

Ɔwa saŋ sə sɔthɔ hɛ aŋyina ŋa ȧdȧru kɛrɛ sə po sɔthɔ ɔYina ɔwe wur ka Kuru; kȧmȧ sə tȧrȧ mȧtȧy mǝgbathi ama Kuru ɔ boya su kəyaŋkaŋ.

1 AŋKɔrenth 2:13

Ta mȧtȧy ame gbeŋ tə mə sə fɔf, pə yi hɛ rə ȧsim ȧte kȧtemp ka rəwuni kəpet mə tə thəksa-e, kɛrɛ rə ȧsim ȧte ɔYina məsəm ɔ thəksa, kȧmȧ sə yɛksi mȧtȧy ma ɔYina ka aŋa mə ba ɔYina məsəm.

2 AŋKɔrenth 1:21

Ɔwa ɔwe mə təmsər su rɛ naŋ rokor ka Kraystȧŋ, rɛ ɔ kȧl sopa su mȧro, kɔn ɔ yi Kuru Məsaba.

AŋƐfisɔs 4:21

bepi pə yi ti yathi kəpa nə po təlȧ kɔ, ka a po thəksa nu mɔ tȧteŋ tə yi rokor ka Yisɔsȧŋ.

AŋKɔlɔsi 2:6

Tiyȧŋ mɔ mə nə po malanɛ Krayst Yisɔs ɔMarki, yaŋ nə yi tə kəkɔth sɔ do rɔŋɔŋ.

1 AŋThɛsȧlonika 2:13

Ta ȧtȧy ȧte sɔ sə mɔmɔ Kuru lɔkɔ ɔ lɔkɔ, pəkasifɛ ma nə malanɛ ȧrim ra ȧkɛra ka Kuru ȧke sə tɔri nu-e, nə malanɛ hɛ ri mɔ ȧrim ra wuni kəpet-e, kɛrɛ mɔ mə rə yi yathi ȧrim ra Kuru tə tɛntɛnɛ, ara mə yɔ məpanth ka ɛmerȧ ɛ nu aŋa po lanɛ.

1 AŋThɛsȧlonika 4:9

Kɛrɛ ka ȧŋpa ŋa məbɔthər ma rəwɔnt, i ba hɛ tə kəgbalər nu, kotȧy-e Kuru kɔnɔ po thəksa nu tə kəbɔthəranɛ.

1 Timɔthi 2:7

Ȧtesoma-e a po thith mi tə kəyi ukawandi yi usom, (i fɔf tȧteŋ ka Krayst, rəyem thahɔ); dɛ yi ukarmɔkɔ ka tȧbona təlɔm ka kȧlanɛ yi tȧteŋ.

1 Pitar 1:23

ma pə yi ti-e a kom nu ɔfu, pə yi hɛ ka mater ama ba kəthey, kɛrɛ ka mater ama te ba kəthey thȧnkȧŋ, salata ȧrim ra Kuru ara ba kəyi haŋ thȧnkȧŋ thəbana.

1 Yɔn 2:28

Ɔwa, awuth alɔl tiyȧ nu ro ŋɔŋ: kȧmȧ ma ɔ tɔrinɛ, sə tə ba kəmintha, kȧmȧ sə te lap tə kəbəp kɔ ma ɔ der-e.

1 Yɔn 3:24

Ɔwe mə wop ɛyamari yɔŋ ɔ tiyȧ ka Kuru, yi Kuru ɔ tiyȧ ro ŋɔŋ. Ka ȧte sə tȧrȧ ɔ tiyȧ ro su, ka ɔYina ɔwe ɔ po sɔŋ su.

2 Yɔn 1:2

salata tȧteŋ ȧtȧ yianɛ ro rɔsu, ɔwa ȧtȧ yi yi saŋ thəbana.