1 Yɔn 2:26 - Ȧŋlemrȧnɛ Ȧfu

²⁶ I gbalər nu mȧtȧy ame ta ŋaŋ aŋa yema yɛthas nu.

1 Yɔn 2:26 ပူးပေါင်းရင်းမြစ်များ

Mark 13:22

kotȧy-e aKrayst ayem yi anȧbi ayem aŋ tə yokanɛ, aŋ tə yɔ ɛmisali yi tȧy təkabanɛ, kȧmȧ bepi pə gbəli yi-e, aŋ tə yɛthəs aŋthith.

AŋKɔlɔsi 2:18

Te selɔ wuni o wuni ɔ keyr nu ȧŋrȧm a nu rə kəyɔ nu nə ba kəthoranɛ kəyɔr, thalɔm rə kəbatho amaleka; pə yi wuni ɔwe mə kori korinɛ ka manəŋk ama ɔ po nənk, kɔ ŋatanɛ rə ȧmerȧ afoth kətȧŋȧnɛ ka mafela ma madɛr.

AŋKɔlɔsi 2:8

Bumnɛ nu kȧmȧ wuni o wuni ɔ te ləsər nu rə mətamtamnɛ yi ayaŋfa ayay yay, kətaŋ ka ɛnanɛ ya afəm a kəpet dɛ yi ka mayi ma ȧdȧru are-e, pə yi hɛ kətaŋ ka Krayst.

1 Timɔthi 4:1

ƆYina məsəm ɔ tɔri ti finɔ kəpa ka marey mələpsɔ-e, afəm alɔm aŋ tə bȧrȧ kəmuth ka kȧlanɛ, rə kəsu ɛləns ka ɛyina ɛyem, yi mapa ma makərəfi,

2 Timɔthi 3:13

Kɛrɛ afəm aləs yi afəm ayaŋfa aŋ tə bȧr gbo yi aləs, aŋ tə tɔns alɔm, ɔwa aŋ tə tɔnsnɛ.

1 Yɔn 3:7

Awuth alɔl, te nu selɔ wuni o wuni ɔ yɛthas nu; kɔn ɔwe mə yɔ ɔlompi ɔ yi ulompi, hali mɔ kɔnɔ ɔ yi ulompi.

2 Yɔn 1:7

kotȧy-e afəm ayaŋfa agbȧthi aŋ po wɔŋ ka ȧdȧru, hali ŋaŋ aŋa te gbithanɛ kəpa Yisɔs Krayst ɔ po der ka madɛr. Ɔwe ɔ yi uyaŋfa yi ukraist uyem.