1 Yɔn 2:18 - Ȧŋlemrȧnɛ Ȧfu

¹⁸ Awuth alɔl, marey mələpsɔ mi ame: ɔwa ma nə po təl kəpa ukraist uyem ɔ tə der, hali ka-ake akraist ayem agbȧthi aŋ yi: tesom sə tȧrȧ kəpa marey mələpsɔ mə po bek.

1 Yɔn 2:18 ပူးပေါင်းရင်းမြစ်များ

Mathiu 24:11

Ɔwa anȧbi ayem agbȧthi aŋ tǝ yokanɛ, aŋ tǝ yɛthǝs agbȧthi.

Mathiu 24:24

kotȧy-e aKrayst ayem yi anȧbi ayem aŋ tǝ yokanɛ, aŋ tǝ tɔri ɛmisali ɛbana yi mətȧy mǝkabanɛ, kȧmȧ a yɛthǝs aŋthith ŋa Kuru bepi pǝ fɔi tȧy.

Mathiu 24:5

kotȧy-e agbȧthi aŋ tǝ der ka ȧŋes a mi, aŋ tǝ pa, Minɛ yi ɔKrayst, ɔwa aŋ tǝ yɛthǝs agbȧthi.

Mark 13:6

Agbathi aŋ tə der ka ȧŋes a mi, aŋ tə pa, Minɛ yi kɔnɔ; ɔwa aŋ tə tɔns agbȧthi.

Yɔn 21:5

Tiyȧŋ Yisɔs ɔ pa ro ŋaŋ, Aŋfɛth a mi, nə ba da rədi-i? Aŋ pa ro ŋɔŋ, Sə ba hɛ.

AŋRomans 13:11

Ɔwa nə tȧrȧ ȧŋlɔkɔ aŋe gbeŋ, kəpa ka-ake ŋə yi ȧŋlɔkɔ tə kəthəmɛ, kotȧy-e kakisis kȧsu kə yi ɔfati thɔŋ pəthas ma sə mɔtha lanɛ.

AŋRomans 13:12

Ratatak rə yema poŋ, rasɔk rə bek. Maŋ busnɛ nu mȧyɔs ma ȧŋsum, maŋ wɔŋ ɛyɛt ɛtima ya ɔwaŋ.

AŋHibru 1:2

kɛrɛ ka marey mələpsɔ ame ɔ fɔfȧnɛ su ka ɔWan kɔŋ, ɔwe Kuru ɔ thith tə kəsɔthɔ mȧtȧy bɛ kɛŋ, ɔwa kətaŋ do rɔŋɔŋ sɔ ɔ la po bɛmpa ȧdȧru bɛ;

1 Pitar 1:20

Tɛntɛnɛ a thith kɔ yeŋka ɔtəmsər wa ȧdȧru, kɛrɛ a ŋaibi kɔ ka marey mələpsɔ ame ta ȧtȧ nu.

1 Pitar 1:5

aŋa a po bɛnɛ ka aŋfɔsɔ ŋa Kuru asabu ŋa kəlanɛ kəkɔ ka kakisi ȧke a yi tə kəŋaibi ka marey mələpsɔ.

1 Pitar 4:7

Kɛrɛ ɔthalnɛ wa mȧtȧy bɛ ɔ po fat; tiyȧŋ yi nu atempi, ɔwa bumnɛ nu rə kəramnɛ.

2 Pitar 2:1

Kɛrɛ mɔ mə anȧbi ayem aŋ la yi kətɔŋ ka aŋfəm, ya mə pə re yi sɔ-e, akarmɔkɔ ayem aŋ tə der kətɔŋ ka nu, ɔwa rə məsɔth aŋ tə tɔri nu kəthəksȧ kəyaŋfa, haŋ kəpɛnsanɛ ɔMarki ɔwe bani ŋa; ɔwa lɛmp aŋ tə karanɛ kəkasara.

2 Pitar 3:3

Kɛrɛ tȧrȧ nu ȧte, kəpa ye afəm asel tȧy aŋ tə der ka marey mələpsɔ aŋa mə kɔth gbo ka mafela mələs maŋ gbeŋ.

1 Yɔn 2:22

Kanɛ yi ɔyem pəthas kɔn ɔwe mə pɛnsa, kəpa Yisɔs kɔnɔ yi hɛ ɔKrayst-e? Ɔwe mə pɛnsa ɔKas yi ɔWan kɔnɔ yi ɔkrayst uyem.

1 Yɔn 4:1

Abɔthər, te nu lanɛ ɛyina bɛ, kɛrɛ mɛm yi bepi ɛ yi ka Kuru: pəkasifɛ anȧbi ayem agbȧthi aŋ yi ka ȧdȧru.

1 Yɔn 4:3

ɔwa ayina o yina aŋa te gbithanɛ kəpa Yisɔs Krayst ɔ po der ka madɛr aŋ yi hɛ ka Kuru: aŋe aŋ yi aŋyina ŋa ɔkrayst uyem, ta ɔwe nə la təl kəpa ɔ yi tə kəder; ɔwa hali ka-ake ɔ yi ka ȧdȧru.

2 Yɔn 1:7

kotȧy-e afəm ayaŋfa agbȧthi aŋ po wɔŋ ka ȧdȧru, hali ŋaŋ aŋa te gbithanɛ kəpa Yisɔs Krayst ɔ po der ka madɛr. Ɔwe ɔ yi uyaŋfa yi ukraist uyem.

Yud 1:18

Maŋ po tɔri nu kəpa ka ȧŋlɔkɔ aləpsɔ afəm asel tȧy aŋ tə der, aŋa mə kɔth ka mafela mələs ma ɛmerȧ yaŋ.