1 Yɔn 2:13 - Ȧŋlemrȧnɛ Ȧfu

¹³ I gbalər nu, naŋ akas, pəkasifɛ nə po tȧrȧ kɔ ɔwe yi kȧbi ka ɔtəpɛr. I gbalər nu, naŋ alaŋgba, pəkasifɛ nə po tham Sethani. I po gbalər nu, awuth alɔl, pəkasifɛ nə po tȧrȧ ɔKas.

1 Yɔn 2:13 ပူးပေါင်းရင်းမြစ်များ

Mathiu 11:27

ƆKas kȧmi ɔ po sɔŋ mi mətȧy bɛ, ɔwa wuni o wuni ɔ tɛ hɛ ɔWan thambe ɔKas; ɔwa wuni o wuni ɔ tɛ hɛ ɔKas thambe ɔWan dɛ yi ka ɔwe ɔWan ɔ yema tǝ kǝŋaibi kɔ.

Mathiu 13:19

Bepi wuni o wuni ɔ tǝl ȧrim ra rabȧy-e, ɔwa pǝ sɔk hɛ kɔ-e, Sethani ɔ der, ɔ kathi kɔ ȧte a po sak ka ȧŋmerȧ ŋɔŋ. Ɔwe-e, kɔnɔ a sak ro roŋ dayɛr.

Mathiu 13:38

Ɔwa akɔr-e, kǝ yi ȧdȧru. Mater mǝfinɔ mǝ yi aŋwuth ŋa rȧbȧy, kɛrɛ kapika kǝ yi aŋwuth ŋa ɔwuni lǝs.

Mathiu 5:37

Kɛrɛ ta mapa ma mu mǝ yi Yao, Yao, thalɔm Yi thahɔ, Yi thahɔ; kotȧy-e tȧy o tȧy ȧte thas ȧte tǝ wur ka ɔlǝs.

Luk 10:22

ƆKas kȧmi ɔ po maŋkər mi mȧtȧy bɛ, ɔwa wuni o wuni ɔ tȧrȧ hɛ ɔWan thambe ɔKas; yi ɔ tȧrȧ hɛ ɔKas thambe ɔWan yi kɔnɔ ka ɔwe ɔWan mɔ ŋaibia kɔ.

Yɔn 14:7

Bepi nə po tȧrȧ mi naŋ-e, nə tə tȧrȧ sɔ ɔKas kȧmi: ɔwa kətəp ka-ake nə tȧrȧ kɔ, ɔwa nə po nənk kɔ.

Yɔn 14:9

Yisɔsȧŋ ɔ pa ro ŋɔŋ, Filip, ma i po yi alɔkɔ awoni ro nu, mə tha tɛ hɛ mi-i? Wuni o wuni ɔwe po nənk mi ɔ po nənk ɔKas sɔ: to munɔ mə pa-e, Tɔri su ɔKas-e?

Yɔn 16:3

Mȧtȧy ame aŋ tə yɔ nu, pəkasifɛ aŋ tɛ hɛ ɔKas, thalɔm minɛŋ.

Yɔn 16:33

I po fɔfȧnɛ nu mȧtȧy ame bɛ, kȧmȧ nə ba məthɔfəl ro mi. Ka ȧdȧru nə tə ba asɔmpanɛ: kɛrɛ bȧk nu təbuth, i po tham ȧdȧru.

Yɔn 17:21

kȧmȧ ŋaŋ bɛ aŋ ba ȧmerȧ ŋin; mɔ munɔŋ, Pa, mə yi rokor kȧmi, yi minɛŋ i yi rokor ka mu, kȧmȧ ŋaŋ sɔ aŋ yi rokor kȧsu: kȧmȧ ȧdȧru rə lanɛ kəpa munɔ som mi.

Yɔn 17:3

Ɔwa aŋesəm thəbana ŋi aŋe kȧmȧ aŋ tȧrȧ mu ɔKuru utəteŋ son, yi Yisɔs Krayst ɔwe mə po som.

Yɔn 8:19

kaŋ pa ro ŋɔŋ, Reke ɔKas ka mu ɔ yi-e? Yisɔsȧŋ ɔ wosa, Naŋ nə tɛ hɛ mi, nə tɛ hɛ ɔKas kȧmi: bepi nə tȧrȧ mi naŋ-e, nə tə tȧrȧ sɔ ɔKas kȧmi.

2 AŋKɔrenth 4:6

kotȧy-e Kuru ɔwe yamari kȧmȧ ɔwaŋ ɔ gbɛntha kəwur ka ȧŋsum-e, kɔnɔ po gbɛntha ka ɛmerȧ ɛ su tə kəsɔŋ ɔwaŋ wa kȧtȧrȧ ka anyiki ŋa Kuru ka ader ra Yisɔs Kraystȧŋ.

1 Timɔthi 5:1

Te ŋal ubaki, kɛrɛ nɛmthɛnɛ kɔ mɔ ukas; yi aŋlaŋgba sɔ mɔ awɔnt.

Taytɔs 2:6

Maŋ sɔ aŋlaŋgba kȧmȧ aŋ yi afəm akəthɛgbɛ.

1 Yɔn 1:1

Ara yi kȧbi ka ɔtəpɛr, ara sə po təl, ara sə po nəŋka rəfɔr, ara sə po gbɛnthas ɔwa mȧta ma su mə po wop, ta ȧrim ra aŋesəm;

1 Yɔn 2:1

Awuth a mi alɔl, i gbalər nu mȧtȧy ame kȧmȧ nə te yɔ ahakɛ. Kɛrɛ bepi wuni o wuni ɔ yɔ ahakɛ, sə ba ukasa yi ɔKas, ɔ yi Yisɔs Krayst ɔlompi:

1 Yɔn 2:12

I gbalər nu, awuth a mi alɔl, pəkasifɛ a po tera nu ɛhakɛ ɛ nu salata ȧŋes ŋɔŋ.

1 Yɔn 2:14

I po gbalər nu, naŋ akas, pəkasifɛ nə po tȧrȧ kɔ ɔwe yi kȧbi ka ɔtəpɛr. I po gbalər nu, naŋ alaŋgba, pəkasifɛ nə yi abȧki mədɛr, ɔwa ȧrim ra Kuru rə tiyȧ ro nu, ɔwa nə po tham Sethani.

1 Yɔn 3:12

Pə yi hɛ mɔ Ken, ɔwe yi ka Sethani, ɔwa ɔ dif ɔwɔnt kɔŋ. Ɔwa to pə som ɔ dif kɔ-e? Pəkasifɛ mȧyɔs mɔŋ mə yi mələs, ɔwa ama ɔwɔnt kɔŋ mə yi məlompi.

1 Yɔn 4:4

Naŋ nə yi ka Kuru, awuth a mi alɔl, ɔwa nə po tham ŋa: pəkasifɛ kɔn ɔwe yi ro nu ɔ yi ubana pəthasi kɔn ɔwe yi ka ȧdȧru.

1 Yɔn 5:18

Sə tȧrȧ kəpa wuni o wuni ɔwe a po kom ka Kuru ɔ yɔ hɛ ahakɛ; kɛrɛ ɔwe a po kom ka Kuru ɔ bumərnɛ, ɔwa Sethani ɔ gboŋ hɛ kɔ.

1 Yɔn 5:20

Ɔwa sə tȧrȧ kəpa ɔWan ka Kuru ɔ po der, kɔ po sɔŋ su kəsɔthnɛ, kȧmȧ sə gbəli tȧrȧ kɔ ɔwe yi təteŋ, ɔwa saŋ sə yi ka kɔn ɔwe yi təteŋ, hali ka ɔWan kɔŋ Yisɔs Kraystȧŋ. Kɔnɔ yi ɔKuru utəteŋ, yi aŋesəm thəbana.

Kȧŋȧibinɛ 12:11

Kɛrɛ aŋ tham kɔ ka mȧtir ma kaLɔmɛ kəfɛth, yi ka ȧrim ra maseri maŋ; ɔwa aŋ sɔnd ɛŋesəm yaŋ haŋ ka rəfi.

Kȧŋȧibinɛ 2:7

Ɔwe ba ɛləns ta ɔ təl ȧtȧ ɔYina ɔ pa ka ɛchɔch. Ɔwe mə tham-e, i ti sɔŋ kɔ tə kədi ka aŋənt ŋa aŋesəm aŋa yi ka ȧŋParadays ŋa Kuru Məsaba.