4 Saŋ sə ba hɛ mamari tə kədi yi kəmun-i?
Te nu keranɛ ɛgbaŋfa ka ȧŋbiyas, te nu keranɛ suma tǝrǝŋ, te nu keranɛ ɛkɔftha thalɔm tǝtǝk, kotȧy-e wuni yɔ mǝpanth ɔ mar sɔthɔ ɛyɛt yɔŋ ɛdi.
Tia nu ka ȧŋseth ŋati, di ɔwa mun ɛyɛt ɛwunɔŋ ɛyɛ mə a sɔŋ nu, kotȧy-e ɔyɔ məpanth ɔ mari tə kəsɔthɔ ȧŋrȧm ŋɔŋ. Te nu tepnɛ tepnɛ ɛseth.
I la hɛ fela akala ȧferȧ, abɔŋɔ thalɔm ɛlopra ya wuni o wuni.
Aŋgbaki a mi ŋi aŋe ka ŋaŋ aŋa gbɛŋgbɛŋ mi,
Ɔwe ma thəksa ka ȧsim ta Kuru-e, ta ɔ yeranɛ ɛyɛt ɛfinɔ bɛ ka ɔwe mə thəksa kɔ.
Saŋ sə thɛns hɛ ayiki ka afəm a kəpet, ta a pa ras kəwur do rɔnu ama afəm alɔm, hali mɔ asom ŋa Kraystȧŋ, sə ba naŋ mamari mati.
Kala nu ɛmerȧ awɔnt, ka mapanth ma su məbana dɛ yi mȧyɔs ma su. Sə la piara pali, sə la sɔkɔ gbɛs kȧmȧ sə te səkɛ kothe do rɔnu, ma sə bɔ tɔri nu ȧkɛra kəfinɔ ka Kuru.
