kotȧy-e sə tȧrȧ kəpa bepi ȧŋseth ŋa madɛr ma su aŋ yɛksɛ-e, sə ba alɔm kəwur ka Kuru Məsaba-e, aseth aŋa mə a te bɛmpa yi məta thȧnkȧŋ thəbana ro riyana.
Ɔwa i kɔnɛ mɔ Kuru ɔ ŋaybi mi mȧselɔ mɔŋ, ka i tɔri mapa məfinɔ ma Kuru ama i bɔ kəwandi kətɔŋ ka tȧbona təlɔm, kɛrɛ i lɔma aŋbȧki rə ȧmȧnknɛ, ta thani thɛpɛnɛ i bɔ gbukɛ thalɔm i la gbukɛ kətiŋ.
Ɔwa ta ȧte sɔ i sɔmpanɛ mȧtȧy ame; kɛrɛ i lap hɛ, pəkasifɛ i tȧrȧ ɔwe i po lanɛ, ɔwa i lanɛ kəpa tɛntɛnɛ ɔ gbəli bɛnɛ ara i po maŋkər kɔ haŋ ka ȧŋrey ŋati.
Tiyȧŋ ma ayama abana ŋa məseri aŋ kampər su yaŋ-e, maŋ gbapɛ nu koko ara mə bɛnt su, dɛ yi aŋhakɛ aŋa mə thiŋkər su katkat, ɔwa maŋ gbukɛ nu rə kəmuyu kȧgbȧkȧnɛ ȧke mə a bot rodi kȧsu.