1 AŋKɔrenth 9:17 - Ȧŋlemrȧnɛ Ȧfu

¹⁷ Ɔwa bepi i yɔ ȧte ka mȧselɔ ma mi gbo-e, i ba ȧrȧm; kɛrɛ bepi pə yi hɛ ka mȧselɔ ma mi-e, halisa a po maŋkər mi aŋgbɛthɛŋ ŋati.

1 AŋKɔrenth 9:17 ပူးပေါင်းရင်းမြစ်များ

Mathiu 10:41

Ɔwe mǝ malanɛ unabi pǝkasifɛ ɔ yi unabi-e, ɔ tǝ sɔthɔ ȧŋrȧm ŋa unabi, ɔwa ɔwe mǝ malanɛ wuni lompi pǝkasifɛ ɔ yi wuni lompi-e, ɔ tǝ sɔthɔ ȧŋrȧm ŋa wuni lompi.

Mathiu 24:25

Kǝla i po yeŋk kanɛ nu.

Luk 12:42

ƆMariki ɔ pa, Kanɛ yi thɔŋ ȧŋbɔy ubɔthi lanɛ ɔwa utempi-e, ɔwe ɔMarki kɔŋ ɔ tə bot rokɔm ka kabɔr kɔŋ-e, tə kəsɔŋ ŋa ɛyɛt yaŋ ɛdi ka ȧŋlɔkɔ alompi-e?

Yɔn 4:36

Kɔnɔ ɔwe mə rɔk-e ɔ sɔthɔ ȧŋrȧm, ɔwa ɔ thoŋkla məkomi ta aŋesəm thəbana: kȧmȧ kɔnɔ ɔwe mə sak yi kɔnɔ ɔwe mə rɔk aŋ ba məbɔnɛ kətəma win.

1 AŋKɔrenth 3:14

Bepi mapanth ama wuni mɔ sal rokɔm kati mə tia-e, ɔ tə sɔthɔ ȧrȧm.

1 AŋKɔrenth 3:8

Ɔwa kɔn ɔwe mə tɛp, yi kɔn ɔwe mə bɔyis-e, aŋ yi athənȧnɛ; ɔwa kin o kin ɔ tə sɔthɔ ȧŋrȧm ŋɔŋ mɔ mə mapanth mɔŋ mə yi.

1 AŋKɔrenth 4:1

Nə yi tə kəkəli su mɔlɔ ma ɛbɔy ya Krayst aŋa mə kɔtha ɛgbundu ya Kuru.

1 AŋKɔrenth 9:16

kotȧy-e i ba hɛ ȧmerȧ akabanɛ ȧŋsabu ŋa kȧ kawandi kȧmi mapa məfinɔ ma Kuru, ȧtesoma-e a reŋ mi kȧthambe kati. Te ba ti, sɛkɛ mi-o bepi i kawandi hɛ mapa məfinɔ ma Kuru!

1 AŋKɔrenth 9:18

Bepi ya pə yi-e, ko yi ȧŋrȧm a mi thɔŋ-a? Aŋ yi kəpa ma mə i kawandi mapa məfinɔ ma Kuru-e, i taməs ma kəyaŋkaŋ kəte bot mɔlɔ, kȧmȧ i te kianɛ mamari ma mi ɔthasər ka mapa məfinɔ ma Kuru.

2 AŋKɔrenth 8:12

kotȧy-e, bepi ȧŋmerȧ abɛnɛnɛ ŋati aŋ yi ri-e, a malanɛ ŋi kətȧŋȧnɛ mɔ mə wuni mɔ ba, pə yi hɛ mɔ mɔ te ba.

AŋKȧletia 2:7

Kɛrɛ maŋ nənk kəpa a po maŋkər mi mapa məfinɔ ma Kuru ta ante birons-e, mɔ mȧ a po maŋkər Pita ta ȧŋbirons;

AŋKɔlɔsi 1:25

Di kati a səki mi usom kətȧŋȧnɛ ka aŋgbɛthɛŋ aŋa Kuru ɔ maŋkər mi ta ȧtȧ nu, tə kətɔri ɔlasər wa ȧrim ra Kuru Məsaba;

1 AŋThɛsȧlonika 2:4

kɛrɛ mɔ mə Kuru ɔ nənk su abɔthi lanɛ tə kətɔri ȧkɛra kəfinɔ kɔŋ, yaŋ mə sə fɔf; pə yi hɛ tə kəbɔnɛs wuni kəpet, kɛrɛ tə kəbɔnɛs Kuru ɔwe mɛm ɛmerȧ ɛ su.

Faylimɔn 1:14

kɛrɛ i yema hɛ yɔ koko thambe i tȧrȧ ȧŋmerȧ a mu, kȧmȧ kamar ka mu kə te yi pəkasifɛ məyɔ mə yi hɛ, kɛrɛ mə selɔ tə kəyɔ ti.