1 AŋKɔrenth 9:15 - Ȧŋlemrȧnɛ Ȧfu

¹⁵ Kɛrɛ minɛ i kianɛ hɛ mamari ame; thalɔm i gbal hɛ mȧtȧy ame kȧmȧ a yɔ ma ta ȧtȧ mi; kotȧy-e pə fisa mi i fi pəthas pə yi wuni o wuni ɔ yɔ kagbək kȧmi ɛyonka kə tiyȧ fu.

1 AŋKɔrenth 9:15 ပူးပေါင်းရင်းမြစ်များ

Mathiu 18:6

Kɛrɛ bepi wuni o wuni ɔ yɔ ukin ka aŋlɔl aŋe aŋa lanɛ mi ɔ pǝnthbǝla-e, pǝ tǝ yi kɔ fisa bepi a gbak kɔ ȧsar ȧgbɔlȧ ȧbana ka kalim kɔŋ, a mɔtas kɔ ka ɔbɔlɔŋ wa kȧbȧŋ.

Mȧyɔs ma aŋsom 18:3

Ɔwa ma ɔ ba ratol din yi ŋaŋ-e, ɔ yianɛ ro ŋaŋ, kaŋ bulɔ. Ratol ra ŋaŋ rə yi tə kəbɛmpa ɛseth ya totha.

Mȧyɔs ma aŋsom 20:24

Kɛrɛ mȧtȧy ame mə yɔ hɛ i borȧnɛ, ɔwa i gbasi hɛ aŋesəm a mi mɔ rəka rəbaki mɔlɔ ta ȧtȧ mi, kaŋka gbo i gbəli gbanthi ȧŋbara a mi yi məbɔnɛ, dɛ yi mapanth ama ɔMarki Yisɔs ɔ sɔŋ mi, tə kəseri ȧkɛra kəfinɔ ka ȧŋboŋa ŋa Kuru.

Mȧyɔs ma aŋsom 20:33

I la hɛ fela akala ȧferȧ, abɔŋɔ thalɔm ɛlopra ya wuni o wuni.

Mȧyɔs ma aŋsom 20:34

Naŋ nə tȧrȧ kəpa mȧta ame mə po sɔthɔnɛ ara i yema, yi ta ŋaŋ sɔ aŋa yi yi minɛŋ.

Mȧyɔs ma aŋsom 8:3

Kɛrɛ Sɔl-əŋ ɔ thalər aŋchɔch, ɔ wɔŋ rə aseth o seth, ɔ lins aŋfəm aruni yi aŋfəm abɛra, kɔ wɔŋȧ ŋa ka ȧŋseth ŋa tərəŋka.

1 AŋKɔrenth 4:12

Ka sə thɔrɔ, sə yɔ məpanth yi mȧta ma su; ma a nal su, sə ruba; ma a sɔmpa su, sə muyu;

1 AŋKɔrenth 9:12

Bepi akarmɔkɔ alɔm aŋ ba mamari ame rokɔm ka nu-e, saŋ sə thas hɛ ŋa-i? Kɛrɛ sə kianɛ hɛ mamari mati. Sə muyu mȧtȧy bɛ kȧmȧ sə te bɛnt mapa məfinɔ ma Krayst.

1 AŋKɔrenth 9:18

Bepi ya pə yi-e, ko yi ȧŋrȧm a mi thɔŋ-a? Aŋ yi kəpa ma mə i kawandi mapa məfinɔ ma Kuru-e, i taməs ma kəyaŋkaŋ kəte bot mɔlɔ, kȧmȧ i te kianɛ mamari ma mi ɔthasər ka mapa məfinɔ ma Kuru.

1 AŋThɛsȧlonika 2:9

Kala nu ɛmerȧ awɔnt, ka mapanth ma su məbana dɛ yi mȧyɔs ma su. Sə la piara pali, sə la sɔkɔ gbɛs kȧmȧ sə te səkɛ kothe do rɔnu, ma sə bɔ tɔri nu ȧkɛra kəfinɔ ka Kuru.

2 AŋThɛsȧlonika 3:8

Sə səkɛ hɛ kothe ta wuni o wuni; kɛrɛ sə bȧsər kəyɔ məpanth gbɛs pali-əŋ, kȧmȧ sə te kɛthas wuni o wuni kətɔŋ ka nu.