1 AŋKɔrenth 8:6 - Ȧŋlemrȧnɛ Ȧfu

⁶ kɛrɛ saŋ sə ba gbo ɔKuru ukin, pə yi mɔ ɔKas ɔwe təpi ɛyɛt bɛ, ɔwa saŋ sə ba aŋesəm kətȧŋȧnɛ kɔŋ. Dɛ yi ɔMarki kin gbo ɔ yi, Yisɔs Krayst kɔnɔŋ; ka asabu ŋɔŋ ɛyɛt bɛ ɛ yi, ɔwa ka ɔwe saŋ sɔ sə yi.

1 AŋKɔrenth 8:6 ပူးပေါင်းရင်းမြစ်များ

Mathiu 11:27

ƆKas kȧmi ɔ po sɔŋ mi mətȧy bɛ, ɔwa wuni o wuni ɔ tɛ hɛ ɔWan thambe ɔKas; ɔwa wuni o wuni ɔ tɛ hɛ ɔKas thambe ɔWan dɛ yi ka ɔwe ɔWan ɔ yema tǝ kǝŋaibi kɔ.

Mathiu 28:18

Ka Yisɔsȧŋ ɔ der ɔ fɔfȧnɛ ŋa, ɔ pa, A po sɔŋ mi afɔsɔ bɛ ro riyana yi ka ȧdȧru.

Yɔn 1:10

Ɔ yi ka ȧdȧru, ɔwa kɔnɔ bɛmpa ȧdȧru, kɛrɛ ȧdȧru rə tɛ hɛ kɔ.

Yɔn 1:3

Kɔnɔ bɛmpa ɛyɛt bɛ; ɔwa rəka o rəka rə yi hɛ ara a bɛmpa thambe kɔnɔ bɛmpa ri.

Yɔn 10:30

Minɛŋ yi ɔKas sə yi ukin.

Yɔn 13:13

Nə bontəs mi Karmɔkɔ yi Mariki; ɔwa nə pa ɔfinɔ: ȧtesoma-e ya i yi.

Yɔn 14:20

Ka ȧŋrey ŋati nə tə tȧrȧ kəpa i yi rokor ka ɔKas, ɔwa nia nə yi rokor kȧmi, ɔwa minɛŋ i yi rokor ka nu.

Yɔn 17:3

Ɔwa aŋesəm thəbana ŋi aŋe kȧmȧ aŋ tȧrȧ mu ɔKuru utəteŋ son, yi Yisɔs Krayst ɔwe mə po som.

Yɔn 20:17

Yisɔsȧŋ ɔ pa ro ŋɔŋ, Te gboŋ mi; ȧtesoma-e, i tha ŋat hɛ ka ɔKas: kɔnɛ gbo ka aŋwɔnt a mi, mə pa ro ŋaŋ, I ŋat ka ɔKas kȧmi yi ɔKas ka nu; yi ka ɔKuru kȧmi, yi ɔKuru ka nu.

Mȧyɔs ma aŋsom 17:28

kotȧy-e, ro rɔŋɔŋ sə ŋesəm, sə borȧnɛ ɔwa sə yi, mɔ mə məgbal məlɔm ma ɔleŋ ka nu mə pa, Saŋ sɔ sə yi rȧkomra rɔŋ.

Mȧyɔs ma aŋsom 2:36

Tiyȧŋ ta ȧŋseth ŋa Isrɛl bɛ aŋ tȧrȧ tɛntɛnɛ kəpa, Yisɔs ɔwe gbeŋ, ɔwe nə po tȧŋ ka akənt kəpəŋkinɛ-e, Kuru ɔ po səki kɔ ɔMarki yi ɔKrayst.

Mȧyɔs ma aŋsom 5:31

Kɔnɔ Kuru ɔ po ŋata ka kȧta kɔŋ kədiɔ tə kəyi uBȧy yi uKisis tə kəsɔŋ Isrɛl kathupi yi kȧlȧprɔ ka ɛhakɛ.

AŋRomans 11:36

kotȧy-e ɛyɛt bɛ ɛ yi kətȧŋȧnɛ dɛ yi kəwur do rɔŋɔŋ, ɔwa ɛ yi ta atɔŋ bɛ; ɔwa ta kɔnɔ yi ayiki ta thȧnkȧŋ thəbana. Amina.

1 AŋKɔrenth 1:2

ka aŋfəm ŋa Kuru aŋa yi ro Kɔrinth, aŋa a səməs rokor ka Yisɔs Krayst, aŋa a muti tə kəyi asəm dɛ yi ŋaŋ bɛ dɛr o dɛr aŋa mə tela ka ȧŋes ŋa ɔMarki kȧsu Yisɔs Krayst, ɔwe yi ɔMarki ka ŋaŋ, dɛ yi ɔka su sɔ.

1 AŋKɔrenth 12:3

Tiyȧŋ i yema kȧmȧ nə tȧrȧ kəpa wuni o wuni ɔwe fɔf ka aŋfɔsɔ ŋa ɔYina məsəm ɔ gbəli hɛ pa, Yisɔs, uraŋka wɔŋ; ɔwa wuni o wuni ɔ gbəli hɛ pa, Yisɔs ɔ yi ɔMarki, thambe ka ɔYina məsəm.

1 AŋKɔrenth 6:13

Ɛyɛt ɛdi ɛ yi ta akor, ɔwa akor kə yi ta ɛyɛt ɛdi; kɛrɛ Kuru ɔ tə yɔ yi bɛ ɛ tiyȧ fu. A bɛmpa hɛ ȧŋdɛr ta kərəp, a bɛmpa ŋi ta ɔMarki; dɛ yi ɔMarki ta ȧŋdɛr.

1 AŋKɔrenth 8:4

Tiyȧŋ salata kȧdi ɛyɛt ɛfȧkȧ ɛrɔŋ-e, sə tȧrȧ kəpa ɛyɛt ɛpath ɛ yi hɛ koko ka ȧdȧru, ɔwa kuru ulɔm ɔ yi hɛ thambe ukin gbo.

AŋƐfisɔs 1:3

Sə ruba Kuru Məsaba ɔKas ka ɔMarki kȧsu Yisɔs Krayst ɔwe po ruba su rɛ yi ɛruba ɛyɛ ro Yina bɛ ka ɔyira wa riyana rokor ka Krayst.

AŋƐfisɔs 3:14

Ta ȧŋsabu aŋe i sɔ tawu ta mi ka ɔKas ka ɔMarki kȧsu Yisɔs Kraystȧŋ,

AŋKɔlɔsi 1:6

Ȧrim rati rə bek do rɔnu mɔ mȧ rə po yɔ ka ȧdȧru rəlolok bɛ. Ɔwa rə kȧl wurɔ ŋani mɔ mə rə yɔ do rɔnu kȧbi ka ȧŋrey ma nə mɔtha təl, ɔwa nə mɔtha tȧrȧ ȧŋboŋa ŋa Kuru təteŋ;

1 Pitar 1:21

Ro rɔŋɔŋ nə lanɛ Kuru Məsaba ɔwe yokas kɔ ka rȧfi, ɔwe sɔŋ kɔ yiki, soma kȧlanɛ yi kagbak ȧmerȧ ka nu kə gbəli yi ka ȧŋgbȧp ŋa Kuru.

Kȧŋȧibinɛ 1:18

Minɛ yi ɔKəli thȧbana; i po fi, kɛrɛ kəla i kȧl po ba aŋesəm haŋ thəbana, Amina. Minɛ i ba masapɔ ma ro kərəfi dɛ yi rȧfi.