1 AŋKɔrenth 8:3 - Ȧŋlemrȧnɛ Ȧfu

³ Kɛrɛ bepi wuni ɔ bɔthər Kurɔŋ, kɔnɔ Kuru ɔ tȧrȧ.

1 AŋKɔrenth 8:3 ပူးပေါင်းရင်းမြစ်များ

Mathiu 7:23

Ka ȧŋlɔkɔ ŋati i ti kanɛ ŋa gbafǝth kǝpa, Thȧnkȧŋ i tɛ hɛ nu. Wur nu ro rɔmi, naŋ aŋa yɔ mǝyɔs mǝlǝs.

Yɔn 10:14

Minɛ yi ɔtɔl talɔmɛ ufinɔ, i tȧrȧ talɔmɛ ta mi, ɔwa talɔmɛ ta mi aŋ tȧrȧ mi,

Yɔn 21:17

Yisɔsȧŋ ɔ kȧl pa ro ŋɔŋ kəbeka məsas, Saymɔn, ɔwan ka Yɔnas, mə bɔthər mi-i? Ɔwa Pita ɔ saŋ amɔl ta ma Yisɔs ɔ pa ro ŋɔŋ kəbeka məsas, Mə bɔthər mi-i? kɔ pa ro ŋɔŋ, Pa, mə tȧrȧ mȧtȧy bɛ; mə tȧrȧ kəpa i bɔthər mu. Yisɔsȧŋ ɔ pa ro ŋɔŋ, Wɔnthər talɔmɛ ta mi.

AŋRomans 11:2

Kuru ɔ tha pɛnsa hɛ aŋfəm ŋɔŋ aŋa ɔ po thith thəpaŋ. Nə tɛ hɛ ȧte mȧgbal məsəm mə pa salata Ilayaŋ ma ɔ nɛmthɛnɛ Kuru kəŋamnɛ aŋIsrɛl-i?

1 AŋKɔrenth 13:12

Ka-ake sə nənk rə amɛmnɛ pəfəri; kɛrɛ ka ȧŋlɔkɔ ŋati si nəŋkanɛ der yi derȧŋ. Ka-ake i tȧrȧ gbo ɔthan, kɛrɛ ka ȧŋlɔkɔ ŋati i ti tȧrȧ ɔlasər mɔ mȧ a la tȧrȧ mi ɔlolok-e.

1 AŋKɔrenth 2:9

Kɛrɛ mɔ mȧgbal mə pa hɔ, Rafɔr rə te tha nənk, aŋləns aŋ te tha təl, Thalɔm ȧŋmerȧ ŋa wuni aŋ te tha nanɛ Mȧtȧy ama Kuru ɔ po bɛnɛnɛ ta ȧtȧ ŋaŋ aŋa bɔthər kɔ.

AŋKȧletia 4:9

kɛrɛ ka-ake ma nə po der kətara Kuru-e, (thalɔm pə tha gbethi Kuru ɔ tȧrȧ nu-e), to pə som nə kȧl fəlɛ ka matanɛ mərant məyai mɔlɔ ma nə fela sɔ kəsəkɛ atar ŋa matanɛ mati-e?

2 Timɔthi 2:19

Halisa ɔtəmər wa Kuru ɔ təmȧ kəŋkəŋ, ɔwa ȧŋmȧthlɛ ŋati ŋi aŋe, kəpa, ƆMariki ɔ tȧrȧ aŋfəm ŋɔŋ gbeŋ. Ɔwa sɔ-e, Ta wuni o wuni ɔwe bont ȧŋes ŋa Kraystȧŋ ɔ gbapɛ mȧkənə.

Yeməs 1:12

Wuni ka aruba wɔŋ ɔwe mə muyu ɛgbɔnsanɛ, kotȧy-e bepi a po gbɔns kɔ-e, ɔ tə sɔthɔ ȧniyɔ ŋa aŋesəm, aŋa ɔMarki ɔ po lahiri ŋaŋ aŋa bɔthər kɔ.

Yeməs 2:5

Su aləns aŋwɔnt a mi abɔthər, ŋaŋ aŋa ȧdȧru rə bont amɔnɛ-e, Kuru ɔ thith hɛ ŋa tə kəyi ayola ka kȧlanɛ-i, yi tə kəsɔthɔ rȧbȧy ara ɔ po lahiri ŋaŋ aŋa bɔthər kɔ-i?

1 Pitar 1:8

Hali ma nə te tha nənk kɔ-e, nə bɔthər kɔ, ɔwa hali ma nə te tha gbɛnthas kɔ-e, nə lanɛ yi məbɔnɛ ama nə gbəli hɛ lɔm, yi ayiki alasər,

1 Yɔn 4:19

Sə bɔthər kɔ, pəkasifɛ kɔnɔ mɔtha bɔthər su.

1 Yɔn 4:7

Ambɔthər a mi, maŋ bɔthərȧnɛ nu: kotȧy-e məbɔthər mə yi ka Kuru; ɔwa wuni o wuni ɔwe mə bɔthər a po kom kɔ ka Kuru, ɔwa ɔ tȧrȧ Kuru.

Kȧŋȧibinɛ 2:13

I tȧrȧ ro mə yirȧ, hali ro kawaŋ ka rȧbȧy ra Sethani kə yi. Ɔwa mə wop ȧŋes a mi gbaŋ-e, mə pɛnsa hɛ kȧlanɛ ka mu do rɔmi, hali ka marey ma Antipas, ɔseri kȧmi ubɔthi lanɛ, ɔwe aŋ dif kətɔŋ ka mu, ro Sethani ɔ yirȧ.

Kȧŋȧibinɛ 2:19

I tȧrȧ mȧyɔs, yi mabɔthər, yi kȧlanɛ, yi mapanth, dɛ yi kamuyu ka mu; ɔwa i tȧrȧ sɔ kəpa mȧyɔs ma mu mələpsɔ mə thasi mətɔtɔkɔ.

Kȧŋȧibinɛ 2:9

I tȧrȧ ansɔmpanɛ yi ȧŋmɔnɛ ma mu, (kɛrɛ mun yola). I tȧrȧ sɔ kafɔf kələs ka ŋaŋ aŋa pa hɔ aŋ yi aYuda, kɛrɛ aŋ yi hɛ, aŋ yi gbo ka ȧŋseth agbanɛ ŋa Sethani.