1 AŋKɔrenth 8:1 - Ȧŋlemrȧnɛ Ȧfu

¹ Ɔwa ta salata ɛyɛt ɛdi ɛyɛ a fȧkȧ ɛrɔŋ-e, sə tȧrȧ kəpa pə sɔk su bɛ ta ti. Ɔwa kətara tȧy kə tə ŋata ȧmerȧ, kɛrɛ mȧbɔthər mə tə sɔŋ kətemp.

1 AŋKɔrenth 8:1 ပူးပေါင်းရင်းမြစ်များ

Mȧyɔs ma aŋsom 15:10

kɔyɛŋ tɛnɛ mə nə mɛm Kurɔŋ, ma nə yema gbaŋ kothe ka talim ta aŋkarande ȧtȧ aŋkas a su yi saŋ sə te gbəli gbanɛ-e?

Mȧyɔs ma aŋsom 15:29

kəpa nə gbapɛ ɛyɛt ɛyɛ a po wurɔ ta sathka, ɛyɛt ɛbumərnɛ, yi mətir, dɛ yi ɛsɛm aŋe a dif kəte loŋ mətir, yi kərəp. Bepi nə sobinɛ ka mȧtȧy ame-e, pə tə yi nu ɔfinɔ. Maŋ piar nu.

Mȧyɔs ma aŋsom 21:25

Kɛrɛ ta tȧbona təlɔm ȧtȧ po lanɛ-e, sə po thɔŋ gbal ti kəpa sə gbək kəpa aŋ yi tə kətei ɛyɛt ɛdi ɛyɛ a po wurɔ sathka ka ɛyɛt ɛbumərnɛ, yi mətir, ɛyɛt ɛyifa, dɛ yi kərəp.

AŋRomans 11:25

Aŋwɔnt mi, ta thani nə yi aŋatanɛ rə amera-e, i yema kȧmȧ nə tȧrȧ amurare aŋe kəpa kəgbolŋanɛ kə po derər alɔm ŋa aŋIsrɛl haŋ kalasər ka tȧbona təlɔm kə bek.

AŋRomans 12:16

Ba nu dim din ukin yi ulɔm, ɔwa te nu nanɛ mȧtȧy məbana gbo gbɛt, kɛrɛ nanɛ sɔ mȧtȧy məlɔl. Te nu yi abonɛ tȧy rə ȧmerȧ.

AŋRomans 14:10

Kɛrɛ munɔŋ, kɔyɛŋ mȧ mə thonkas ɔwɔnt a mu-i? Thalɔm munɔŋ sɔ, to pə som mȧ mə fəŋfərəs ɔwɔnt a mu-e? kotȧy-e saŋ bɛ sə ba tə kətəma rodi ka kawaŋ ka kərɔk ɛpa ka Krayst.

AŋRomans 14:14

I tȧrȧ ti, ɔwa pə sɔk mi gbəraŋ rokor ka ɔMarki Yisɔs, kəpa rəka o rəka rɛrɛnɛ-əŋ rə yi hɛ rənɔkɔ; kɛrɛ wuni o wuni ɔwe mə nənk rəka mɔ mə rə yi rənɔkɔ-e, rə yi rənɔkɔ yathi do rɔŋɔŋ.

AŋRomans 14:19

Tiyȧŋ maŋ taŋanɛ nu mȧtȧy ama mə sɔŋ məthɔfəl, yi mȧtȧy ama mə tempəs ukin yi ulɔmȧŋ.

AŋRomans 14:22

Bepi mə ba kəlanɛ-e, bɛnɛ ki kətɔŋ ka mu yi Kurɔŋ. Wuni ruba wɔŋ ɔwe mə te thoŋkasnɛ salata ȧtȧy ȧtȧ ɔ yɔ.

AŋRomans 14:3

Ta ɔwuni ɔwe di-e ɔ te farki kɔn ɔwe te di; ɔwa ɔwe te di ɔ te thonkas ɔwe mə di, ȧtesoma-e Kuru ɔ po malanɛ kɔ.

AŋRomans 15:14

Ka minɛ sɔ, aŋwɔnt mi, i lanɛ kəpa naŋ gbeŋ nə la yi məthɔth, dɛ yi kətara bɛ, ɔwa nə gbəli sɔ maŋsanɛ.

1 AŋKɔrenth 1:5

tə kəyi nə po sɔthɔ rəyola kəwur do rɔŋɔŋ rə sim yi kətara tȧy bɛ.

1 AŋKɔrenth 10:15

I fɔfȧnɛ nu mɔ afəm atempi; gbək ti nu ȧtȧ i pa.

1 AŋKɔrenth 10:28

Kɛrɛ bepi wuni o wuni ɔ pa ro rɔnu, Are, a sɔŋ ri sathka. Te di salata kɔn ɔwe tɔri mu ti rɛ yi sɔ salata ȧmerȧ ȧferȧ.

1 AŋKɔrenth 14:20

Awɔnt, te nu yi afɛth rə ȧmerȧ, kɛrɛ rə məgbɛŋanɛ yi nu təlɛnth; ɔwa ka kəsɔthnɛ yi nu mɔ afəm abȧki.

1 AŋKɔrenth 15:34

Thəmɛ nu ka mȧlompi, ɔwa te yɔ ahakɛ. Kotȧy-e alɔm aŋ tɛ hɛ Kurɔŋ bɛ. I fɔf ȧte tə kəlapəs nu.

1 AŋKɔrenth 4:10

Sə yi apənk salata Krayst, kɛrɛ naŋ nə yi a tempi rokor ka Krayst; sə yi arȧnt, kɛrɛ naŋ nə yi abȧki mədɛr; naŋ nə ba ayiki, kɛrɛ saŋ sə yi afarkɛ.

1 AŋKɔrenth 4:18

Kɛrɛ alɔm aŋ po ŋatanɛ rə ȧmerȧ, pə yi mɔ i ba hɛ kəder ro rɔnu.

1 AŋKɔrenth 4:6

Ɔwa, awɔnt, i po gbal mȧtȧy ame salata minɛŋ yi Apɔlɔs ta ȧtȧ nu, kȧmȧ nə thəkəsnɛ salata anthunthəranɛ a su tə kəyi nə ba hɛ kəthas ȧtȧ a po gbal-e, kȧmȧ wuni o wuni kətɔŋ ka nu ɔ te ŋata ukarmɔkɔ ukin kəŋamnɛ ulɔm.

1 AŋKɔrenth 5:2

Halisa nə ŋata ɛmerȧ ɛ nu, be ta nə bok, kȧmȧ nə wurɔ ɔwe po yɔ ȧtȧy ȧte kətɔŋ kȧnu.

1 AŋKɔrenth 5:6

Kakolonɛ ka nu kə thesa hɛ. Nə tɛ hɛ kəpa ɛgbith ɛthan ɛ furəs kaboth bɛ-i?

1 AŋKɔrenth 8:2

Bepi wuni o wuni ɔ nanɛ ɔ tȧrȧ thɔŋ tȧy o tay-e, halisa ɔ tha tɛ hɛ ras mɔ mɔ mar tȧrȧ.

1 AŋKɔrenth 8:4

Tiyȧŋ salata kȧdi ɛyɛt ɛfȧkȧ ɛrɔŋ-e, sə tȧrȧ kəpa ɛyɛt ɛpath ɛ yi hɛ koko ka ȧdȧru, ɔwa kuru ulɔm ɔ yi hɛ thambe ukin gbo.

1 AŋKɔrenth 8:7

Kɛrɛ afəm bɛ tha ba kȧtȧrȧ ake; kɛrɛ alɔm-e, mɔ mə matanɛ maŋ mə yi-e, aŋ di haŋ ka-ake mɔ ɛdi ɛ yi sathka; ka ɛmerȧ ɛ yaŋ-e, ma ɛ yi ɛyay-e, ɛ yifasnɛ.

AŋƐfisɔs 4:16

Ɔwa kəwur do rɔŋɔŋ ȧŋdɛr bɛ aŋ gbɛptanɛ ka matɔsanɛ ma akotir o kotir kati mɔlɔ ma mapanth məmari mati mə yi-e, kaŋ bȧk dɛ yi aŋ bȧrnɛ ka mȧbɔthər.

AŋKɔlɔsi 2:18

Te selɔ wuni o wuni ɔ keyr nu ȧŋrȧm a nu rə kəyɔ nu nə ba kəthoranɛ kəyɔr, thalɔm rə kəbatho amaleka; pə yi wuni ɔwe mə kori korinɛ ka manəŋk ama ɔ po nənk, kɔ ŋatanɛ rə ȧmerȧ afoth kətȧŋȧnɛ ka mafela ma madɛr.

Kȧŋȧibinɛ 2:14

Kɛrɛ i ba kəthɛkɛ mu ta tȧy təlɔm, pəkasifɛ mə ba ŋaŋ kətɔŋ ka mu aŋa wop mathəksa ma Belam, ɔwe thəksa Belak tə kəgbɔns aŋwuth ŋa Isrɛl kȧmȧ aŋ di ɛyɛt ɛyɛ a po wurɔ sathka ka ɛrɔŋ-e, dɛ yi tə kəyɔ kərəp.

Kȧŋȧibinɛ 2:20

Kɛrɛ i ba kəthɛkɛ mu ta tȧy təlɔm, pəkasifɛ mə malanɛ ɔwuni bom kati Yɛsibɛl, ɔwe telanɛ unȧbi ubɛra. Ɔwa ɔ thəksa, kɔ kȧl yɛthas ɛbɔy ɛ mi tə kəyɔ kərəp, dɛ yi tə kədi ɛyɛt ɛyɛ a po wurɔ sathka ka ɛrɔŋ.