1 AŋKɔrenth 6:9 - Ȧŋlemrȧnɛ Ȧfu

⁹ Nə tɛ hɛ kəpa ante lomp aŋ gbəli hɛ sɔthɔ rȧbȧy ra Kuru-i? Te selɔ a tɔns nu; pə yi afəm anɔkɔ-o, pə yi ŋaŋ aŋa ramnɛ ka ɛrɔŋ-o, pə yi afəm aŋa yɔ kərəp tətəp tətəp-o,

1 AŋKɔrenth 6:9 ပူးပေါင်းရင်းမြစ်များ

Mathiu 19:29

Ɔwa wuni o wuni ɔwe po tey ɛseth, thalɔm awɔnt aruni, thalɔm awɔnt abɛra, thalɔm ukas, thalɔm ukara, thalɔm urani, thalɔm awuth, thalɔm tǝthɔf salata ȧŋes a mi-e, ɔ tǝ bȧr sɔthɔ mɔlɔ ma kǝtǝma kɛmɛ kin, ɔwa ɔ tǝ sɔthɔ sɔ aŋesǝm thǝbana.

Mathiu 25:34

Ka ȧŋlɔkɔ ŋati ɔBȧy ɔ tǝ pa ro ŋaŋ ka kȧdiyɔ kɔŋ, Der nu naŋ aruba ŋa ɔKas kȧmi, wɔŋ nu ka rȧbȧy ara a bɛnɛnɛ ta ȧtȧ nu kǝbi ma ȧdȧru rǝ tǝpɛ.

Luk 21:8

kɔ pa ro ŋaŋ, Bot ȧmerȧ kȧmȧ a te nu yɛthəs, kotȧy-e agbȧthi aŋ tə der ka ȧŋes a mi, aŋ tə pa, Minɛ yi kɔnɔ, ɔwa ȧŋlɔkɔ aŋ bek; te nu tȧŋ ŋa.

Mȧyɔs ma aŋsom 20:32

Ɔwa ka-ake i lȧnki nu ka Kuru yi ka ȧrim ra ȧŋboŋa ŋɔŋ, ara ba afɔsɔ tə kəbaksər nu, dɛ yi tə kəsɔŋ nu ani kətɔŋ ka ŋaŋ aŋa a po səməs.

Mȧyɔs ma aŋsom 24:25

Ɔwa mɔ mɔ fɔf ta məlompi-e, yi kəyi ugbɛt, yi kȧder ka ȧŋrey ŋa kathoŋkas-e, Filiks-əŋ ɔ nesa ɔthasər, kɔ pa, Kɔnɛ ras, ma i ba alɔkɔ ȧfɔy tai-e, i ti tela mu.

AŋRomans 1:18

kotȧy-e rabaŋ ra Kuru rə tɔrinɛ kəwur ka ȧriyana kəŋamnɛ mələs yi məkənə ma afəm a kəpet aŋa mə dim tȧteŋ kətɔŋ ka mȧyɔs maŋ mələs,

1 AŋKɔrenth 15:33

Te tɔnsnɛ; ayathki aləs ŋa mə ləsər asɔŋ afinɔ.

1 AŋKɔrenth 15:50

Ɔwa awɔnt, i kanɛ nu ȧte kəpa mədɛr yi mətir ɛ gbəli hɛ sɔthɔ rȧbȧy ra Kuru; ta a pa ras ara ba kəthey rə te gbəli sɔthɔ ara mə te thei thȧnkȧŋ.

1 AŋKɔrenth 3:16

Naŋ nə tɛ hɛ kəpa nə yi ȧŋseth ŋa Kuru, ka ɔYina ka Kuru ɔ yirȧ rokor ka nu-i?

1 AŋKɔrenth 5:1

A po pa ti gbafəth kəpa kərəp kə yi kətɔŋ ka nu, kərəp kəwunɔŋ ȧke te yi hali kətɔŋ ka aŋkafri tə kəpa ye ukin ɔ gbasi ɔrani ka ɔkas kɔŋ.

1 AŋKɔrenth 5:10

Kɛrɛ i lei hɛ aŋfəm arəpi ŋa ȧdȧru are, ta a pa ras ŋaŋ aŋa ba ɛfɔr ɛyamari, thalɔm aŋkey aluk-e, thalɔm ŋaŋ aŋa mə ramnɛ ɛyɛt ɛbumərnɛ; bepi pə yi yaŋ-e, thambe nə wur ka ȧdȧru.

1 AŋKɔrenth 5:11

Kɛrɛ i gbalər nu tə kəte kulunɛ ka wuni ɔwe a bont uwɔnt ka kȧlanɛ bepi ɔ yi wuni ɔwe mə yɔ kərəp, thalɔm ɔ ba ɛfɔr ɛmara, thalɔm ɔ ramnɛ ɛyɛt ɛbumərnɛ, ɔwa bepi ɔ nal-e, bepi ɔ tis-e, thalɔm bepi ɔ yɔ kansoŋ; nə yi hɛ ras tə kədi yi ɔwuni wunɔŋ.

1 AŋKɔrenth 6:10

thalɔm akey-o, thalɔm afəm aŋa ba ɛfɔr ɛmara-o, thalɔm atis-o, thalɔm aŋa nal-o, thalɔm aŋa ba aharamu-o; aŋe bɛ aŋ gbəli hɛ sɔthɔ rȧbȧy ra Kuru.

1 AŋKɔrenth 6:18

Gbukɛ nu kərəp. Ahakɛ o hakɛ aŋa wuni mɔ yɔ aŋ yi hɛ ka ȧŋdɛr, kɛrɛ ɔwe mə yɔ kərəp-e, ɔ sap ahakɛ ka ȧŋdɛr ŋɔŋ gbeŋ.

1 AŋKɔrenth 6:19

Naŋ nə tɛ hɛ kəpa madɛr ma nu mə yi ȧŋseth ŋa ɔYina məsəm ɔwe yi nu rokor, ɔwe Kuru ɔ sɔŋ nu-i? Ɔwa naŋ tha banɛ-e,

1 AŋKɔrenth 9:24

Nə tɛ hɛ kəpa aŋa mə gbukɛ rȧ ȧgbȧkȧnɛ aŋ gbukɛ bɛ-i, kɛrɛ ukin gbo kɔnɔ mə sɔthɔ amɔlɔ-i? Ɔwa gbukɛ nu yaŋ kȧmȧ nə sɔthɔ.

2 AŋKɔrenth 12:21

ɔwa kȧmȧ pə te yi ma i der sɔ-e, ɔKuru kȧmi ɔ tə thora mi rodi ka nu, ɔwa i ti bok ta ȧtȧ ŋaŋ aŋa po la yɔ ahakɛ, kɛrɛ aŋ te tha thupi ta katayanɛ yi kərəp tətəp tətəp ȧtȧ aŋ po yɔ.

AŋKȧletia 6:7

Te nu selɔ a tɔns nu; pə fɔyɛ sel Kurɔŋ, kotȧy-e koko ara wuni mɔ sak-e, raŋ mɔ rɔk sɔ.

AŋKɔlɔsi 3:5

Tiyȧŋ dif nu mafela ma ȧdȧru, pə yi mɔ-e kȧrəp-o, mȧnɔkɔ-o, ɛnanɛ ɛyifas-o, mȧfela mələs-o, dɛ yi ɛfɔr ɛmara ɛyɛ yi mɔ kȧbatho ɛrɔŋ.

AŋHibru 12:14

Tȧŋ nu məthɔfəl rə afəm bɛ, yi masəm ama pə yi-e, thambe wuni ɔ ba ma-e, ɔ gbəli hɛ nənk ɔMarki.

AŋHibru 12:16

Kəli nu finɔ kȧmȧ wuni rəpi thalɔm wuni ləs mɔ Isɔŋ, ɔwe thila rabȧki rɔŋ ta da rədi ɔ te yi kətɔŋ ka nu.

AŋHibru 13:4

Wop kȧnantȧ rə ayiki kətɔŋ ka nu bɛ, ɔwa yɔ nu kȧmȧ a te yifas kəfənt kati; kotȧy-e Kuru ɔ tə thonkas aŋrəpi bɛ.

Yeməs 1:16

Ta a te pəŋis nu, abɔthər.

1 Yɔn 3:7

Awuth alɔl, te nu selɔ wuni o wuni ɔ yɛthas nu; kɔn ɔwe mə yɔ ɔlompi ɔ yi ulompi, hali mɔ kɔnɔ ɔ yi ulompi.

Kȧŋȧibinɛ 21:8

Kɛrɛ ŋaŋ aŋa ba rənes yi ante lanɛ, dɛ yi aŋləs-e, yi ŋaŋ aŋa dif kəsias-e, yi aŋfəm arəpi, dɛ yi anthupəs-e, yi ŋaŋ aŋa ramnɛ ɛyɛt ɛbumərnɛ, dɛ yi afəm ayem bɛ-e, aŋ tə ba ɛgbap yaŋ ka ȧŋbonka ŋa nȧnt dɛ yi salfər. Rafi ara bekȧ mȧrəŋ, riyȧŋ.

Kȧŋȧibinɛ 22:15

Ȧtesoma-e, maȧən-o, aŋmɛn-o, aŋfəm arəpi-o, aŋfəm adif-o, ŋaŋ aŋa ramnɛ ɛyɛt ɛbumərnɛ-o, dɛ yi wuni o wuni ɔwe bɔthər rəyem-o, ama ɔwe fɔf rəyem, ŋa bɛ aŋ yi rokaŋ ka kȧpet.