8 Kɛrɛ naŋ gbeŋ nə yɔ ɔləs. Nə di aŋwɔnt a nu.
Kɛrɛ ɔ wosa, ɔ pa ka ukin ka ŋaŋ, Yathki, i yɔ hɛ mu ɔlǝs. Sǝ gbanɛ hɛ yi munɔ ta asiliŋ-i?
Mə tȧrȧ ɛthɔ, Te yɔ kərəp, te dif wuni, te keya, te sɔŋ məseri ma rəyem, te tɔns wuni, yikis ɔkas ka mu yi ɔkara ka mu.
Kɛrɛ ɔwe po yɔ tələs-e, a tə kala kɔ ta taləs tati, ɔwa Kuru ɔ ba hɛ agbȧy hali.
Kama wuni o wuni ɔ te yɔ ɔwɔnt kɔŋ ɔləs rə tȧy o tȧy, pəkasifɛ ɔMarki ɔ yi ukala ka mȧtȧy ame bɛ, mɔ ma sə po maŋ nu rə kəbɔthi lanɛ.
Kəli ba ȧŋrȧm ŋa ɛkump ɛ nu ɛyɛ naŋ nə po kansoŋ, aŋ kulɔ; ɔwa kakulɔ kati kə po wɔŋ ka ɛləns ya ɔMarki ka ɛsəfə.
