1 AŋKɔrenth 6:10 - Ȧŋlemrȧnɛ Ȧfu

¹⁰ thalɔm akey-o, thalɔm afəm aŋa ba ɛfɔr ɛmara-o, thalɔm atis-o, thalɔm aŋa nal-o, thalɔm aŋa ba aharamu-o; aŋe bɛ aŋ gbəli hɛ sɔthɔ rȧbȧy ra Kuru.

1 AŋKɔrenth 6:10 ပူးပေါင်းရင်းမြစ်များ

Mathiu 21:19

Ma ɔ nənk ŋǝnt ŋa aŋgbɔnɔ ro roŋ dayɛr-e, ɔ fatǝr ŋi, kɛrɛ ɔ bǝp hɛ ri koko pǝthas gbo ɛbɔpǝr son, kɔ kanɛ ŋi, Ta akomi aŋ te sɔ wur mu thȧnkȧŋ. Ka ɔlɛmp wati aŋǝnt ŋa aŋgbɔnɔ aŋ wela.

Mathiu 23:13

Kɛrɛ mɔnɛ ro nu naŋ akarmɔkɔ yi aFaresi, amunafaki! Ȧtesoma-e nǝ kantha rȧbȧy ra ro riyana ka aŋfǝm. Kotȧy-e naŋ nǝ wɔŋ hɛ, ɔwa nǝ selɔ hɛ ŋaŋ aŋa yema tǝ kǝwɔŋ, aŋ wɔŋ.

Mathiu 23:33

Naŋ ɛbok, naŋ rǝkomra ra ɛgbɔrɔ, to mǝ nǝ gbǝli kisi ka aŋthoŋka ŋa ro yahanama-e?

Yɔn 12:6

Ɔ fɔf ȧte pə yi hɛ kəpa ɔ ba ananɛ ta ȧŋmɔnɛ, kɛrɛ pəkasifɛ ɔ yi ukei, ɔwa mɔ ɔ ba aŋgbaŋfa, ɔ kera ara a bot ri.

Mȧyɔs ma aŋsom 20:32

Ɔwa ka-ake i lȧnki nu ka Kuru yi ka ȧrim ra ȧŋboŋa ŋɔŋ, ara ba afɔsɔ tə kəbaksər nu, dɛ yi tə kəsɔŋ nu ani kətɔŋ ka ŋaŋ aŋa a po səməs.

1 AŋKɔrenth 15:50

Ɔwa awɔnt, i kanɛ nu ȧte kəpa mədɛr yi mətir ɛ gbəli hɛ sɔthɔ rȧbȧy ra Kuru; ta a pa ras ara ba kəthey rə te gbəli sɔthɔ ara mə te thei thȧnkȧŋ.

1 AŋKɔrenth 5:11

Kɛrɛ i gbalər nu tə kəte kulunɛ ka wuni ɔwe a bont uwɔnt ka kȧlanɛ bepi ɔ yi wuni ɔwe mə yɔ kərəp, thalɔm ɔ ba ɛfɔr ɛmara, thalɔm ɔ ramnɛ ɛyɛt ɛbumərnɛ, ɔwa bepi ɔ nal-e, bepi ɔ tis-e, thalɔm bepi ɔ yɔ kansoŋ; nə yi hɛ ras tə kədi yi ɔwuni wunɔŋ.

AŋKȧletia 5:21

ɛmilɛ, kȧdif, kȧtis, kȧbɔthər ɛmet dɛ yi mȧtȧy məwunɔŋ; ta ȧte i kȧl maŋ nu, mɔ mə i la maŋ nu thɔŋ, kəpa afəm aŋa mə yɔ mȧtȧy mati ame aŋ gbəli hɛ sɔthɔ rȧbȧy ra Kuru.

AŋƐfisɔs 4:28

Ɔwe la keya, ta ɔ te sɔ keya, kɛrɛ ka ɔpeskianɛ wati ɔ yi tə kəyɔ məpanth yi mȧta mɔŋ gbeŋ ȧtȧ yi təfinɔ, kȧmȧ ɔ ba rəka tə kəsɔŋ kɔn ɔwe te ba koko.

AŋƐfisɔs 5:5

kotȧy-e nə tȧrȧ ti tə tɛntɛnɛ kəpa wuni rəpi, thalɔm wuni nɔkɔ-e, thalɔm wuni ba ɛfɔr ɛyamari-e, ɔwe yi mɔ ubȧtho arɔŋ-e, ɔkati ɔ ba hɛ ani ka rȧbȧy ra Krayst yi Kurɔŋ.

1 AŋThɛsȧlonika 4:6

Kama wuni o wuni ɔ te yɔ ɔwɔnt kɔŋ ɔləs rə tȧy o tȧy, pəkasifɛ ɔMarki ɔ yi ukala ka mȧtȧy ame bɛ, mɔ ma sə po maŋ nu rə kəbɔthi lanɛ.

1 Pitar 4:15

Kɛrɛ te selɔ wuni o wuni kətɔŋ ka nu ɔ sɔmpanɛ mɔ udif, thalɔm ukei, thalɔm mɔ wuni ɔwe yɔ ɔləs-e, thalɔm mɔ wuni Sethani.