1 AŋKɔrenth 5:13 - Ȧŋlemrȧnɛ Ȧfu

¹³ Kuru kɔnɔ mə rɔk ɛpa ya ante lanɛ. Tiyȧŋ wurɔ nu ɔwuni ləs kati kətɔŋ ka nu.

1 AŋKɔrenth 5:13 ပူးပေါင်းရင်းမြစ်များ

Mathiu 18:17

Ɔwa bepi ɔ kasi kǝsuwa ŋa ɛlǝns-e, kanɛ ti ka aŋchɔch. Bepi ɔ selɔ hɛ sua ɛlǝns ka aŋchɔch-e, ta ɔ yi ro mu mɔ wuni tel dɛ yi ugbasi ɛfȧk.

Mȧyɔs ma aŋsom 17:31

Pəkasifɛ ɔ po bot ȧrey ma ɔ ba kəthoŋkas ȧdȧru rə məlompi ka kȧta ka ɔwuni ɔwe ɔ po thith. Ɔwa ɔ po sɔŋ ti məlanɛnɛ ka aŋfəm bɛ ma ɔ po yokas kɔ ka rafi.

AŋRomans 2:16

ka ȧŋrey aŋa Kuru mɔ thonkas ɛmurare ya afəm ka kȧta ka Yisɔs Krayst, mɔ mə mapa məfinɔ ma Kuru mə pa, ama minɛ i po tɔri nu.

1 AŋKɔrenth 5:1

A po pa ti gbafəth kəpa kərəp kə yi kətɔŋ ka nu, kərəp kəwunɔŋ ȧke te yi hali kətɔŋ ka aŋkafri tə kəpa ye ukin ɔ gbasi ɔrani ka ɔkas kɔŋ.

1 AŋKɔrenth 5:2

Halisa nə ŋata ɛmerȧ ɛ nu, be ta nə bok, kȧmȧ nə wurɔ ɔwe po yɔ ȧtȧy ȧte kətɔŋ kȧnu.

1 AŋKɔrenth 5:5

nə yi tə kəlaŋkli ɔwuni wunɔŋ ka Sethani tə kədim madɛr kȧmȧ aŋyina ŋɔŋ aŋ kisi ka ȧŋrey ŋa Yisɔs Krayst.

1 AŋKɔrenth 5:7

Wurɔ nu ɛgbith ɛkur-e, kȧmȧ nə yi kəboth kəfu, kotȧy-e tə tɛntɛnɛ nə yi hɛ tə kəba ɛgbith. Kotȧy-e, Kraystȧŋ, kalɔmɛ kəfɛth ka ɔpainɛ-e, a po yɔ kɔ asathka ta ȧtȧ su.

AŋHibru 13:4

Wop kȧnantȧ rə ayiki kətɔŋ ka nu bɛ, ɔwa yɔ nu kȧmȧ a te yifas kəfənt kati; kotȧy-e Kuru ɔ tə thonkas aŋrəpi bɛ.

2 Pitar 2:9

Bepi ȧte bɛ tə yi-e, ɔMarki ɔ tȧrȧ tə kərɔkri aŋfəm alompi ka agbɔnsanɛ, ɔwa ɔ tȧrȧ tə kəbɛnɛ aŋfəm aləs ta ȧŋrey ŋa karɔk ɛpa tə kəthalər ŋa.