1 AŋKɔrenth 5:11 - Ȧŋlemrȧnɛ Ȧfu

¹¹ Kɛrɛ i gbalər nu tə kəte kulunɛ ka wuni ɔwe a bont uwɔnt ka kȧlanɛ bepi ɔ yi wuni ɔwe mə yɔ kərəp, thalɔm ɔ ba ɛfɔr ɛmara, thalɔm ɔ ramnɛ ɛyɛt ɛbumərnɛ, ɔwa bepi ɔ nal-e, bepi ɔ tis-e, thalɔm bepi ɔ yɔ kansoŋ; nə yi hɛ ras tə kədi yi ɔwuni wunɔŋ.

1 AŋKɔrenth 5:11 ပူးပေါင်းရင်းမြစ်များ

Mathiu 18:17

Ɔwa bepi ɔ kasi kǝsuwa ŋa ɛlǝns-e, kanɛ ti ka aŋchɔch. Bepi ɔ selɔ hɛ sua ɛlǝns ka aŋchɔch-e, ta ɔ yi ro mu mɔ wuni tel dɛ yi ugbasi ɛfȧk.

Mathiu 23:25

Mɔnɛ ro nu, naŋ akarmɔkɔ yi aFaresi, amunafaki! kotȧy-e nǝ yak ampɔthi yi ȧŋbɔl romuth, kɛrɛ rokor ɛ la yɛt ɛnɔy rȧ ȧfɔsɔ yi mǝfela mǝlǝs.

Luk 18:11

ƆFaresi ɔ təmȧ ɔ ramnɛ yaŋ ka aŋyɛthɛ ŋɔŋ, Kuru i mɔmɔ mu ma i te yi mɔ afəm alɔm, i ba hɛ kansoŋ, i ba hɛ məkənə, i yɔ hɛ kərəp, hali ɔthoŋkla ɛfȧk ɔwe-e, i yi hɛ mɔ kɔnɔ.

Luk 21:34

Botnɛ nu ɛmerȧ ɛ nu kȧmȧ amet, yi kətis, yi ɛsoli ya ȧdȧru are ɛ te yɔ ɛmerȧ ɛ nu ɛ fi, kȧmȧ ȧŋrey ŋati aŋ thorər nu kəthɛna mɔ məgbət.

Mȧyɔs ma aŋsom 1:15

Ɔwa ka marey ame Pitaŋ ɔ təmȧ ɔ fɔf kətɔŋ ka aŋsom, (aŋ yi ri afəm mɔlɔ ma kɛmɛ kin kəgba) ɔ pa,

Mȧyɔs ma aŋsom 9:17

Ka Ananayas ɔ kɔnɛ, ɔ wɔŋ ka ȧŋseth, kɔ reŋ kɔ mȧta mɔŋ, ɔ pa, Wɔnt mi Sɔl, ɔMarki, pə yi mɔ Yisɔsȧŋ ɔwe mə nənk ro roŋ ka kȧder ka mu, ɔ som mi kȧmȧ mə sɔthɔ kakəli ka mu, yi kȧmȧ a lasər mu ɔYina məsəm.

AŋRomans 13:13

Maŋ kɔth nu ɔlompi mɔ mȧkɔth ma rəyaŋ, ta pə te yi rə məyi mələs yi kətis, thalɔm rə kərəp yi kətayanɛ, thalɔm rə kəgbal yi kətut.

AŋRomans 16:17

Ɔwa i nɛmthɛnɛ nu, awɔnt, lomar nu ŋaŋ aŋa mə yɔ məputhanɛ yi aŋa mə wɔŋȧ mȧtȧy ma kȧpəth kəŋamnɛ kȧthəksȧ kətəteŋ ȧke nə po thəkəs. Thȧnka ŋa.

1 AŋKɔrenth 10:14

Tiyȧŋ ȧŋbɔthər a mi, gbukɛ nu kəwur rə kəbatho ɛrɔŋ.

1 AŋKɔrenth 11:21

kotȧy-e ma nə di-e, ɔkin o kin ɔ timnɛ tə kəsɔthɔ kadi kɔŋ; ukin ɔ di mɔ udor-e, ka ulɔm ɔ tis.

1 AŋKɔrenth 5:13

Kuru kɔnɔ mə rɔk ɛpa ya ante lanɛ. Tiyȧŋ wurɔ nu ɔwuni ləs kati kətɔŋ ka nu.

1 AŋKɔrenth 6:10

thalɔm akey-o, thalɔm afəm aŋa ba ɛfɔr ɛmara-o, thalɔm atis-o, thalɔm aŋa nal-o, thalɔm aŋa ba aharamu-o; aŋe bɛ aŋ gbəli hɛ sɔthɔ rȧbȧy ra Kuru.

1 AŋKɔrenth 6:6

Kɛrɛ uwɔnt ɔ kera uwɔnt ro bare, ɔwa pə yi tɛn rodi ka ante lanɛ.

1 AŋKɔrenth 6:9

Nə tɛ hɛ kəpa ante lomp aŋ gbəli hɛ sɔthɔ rȧbȧy ra Kuru-i? Te selɔ a tɔns nu; pə yi afəm anɔkɔ-o, pə yi ŋaŋ aŋa ramnɛ ka ɛrɔŋ-o, pə yi afəm aŋa yɔ kərəp tətəp tətəp-o,

1 AŋKɔrenth 7:12

Ka alɔm minɛ i pa, (ɔMarki thahɔ), bepi uwɔnt o wɔnt ɔ ba urani ɔwe te lanɛ-e, ɔwa ɔ selɔ tə kəyira yi kɔn-e, ta ɔ te ter kɔ.

1 AŋKɔrenth 7:15

Kɛrɛ bepi ɔte lanɛ ɔ yema tə kəwur-e, ta ɔ wur. Ɔwɔnt runi thalɔm ɔwɔnt bɛra ɔ yi hɛ usekanɛ ka mȧtȧy məwunɔŋ; Kuru ɔ muti su tə kəyira ka mȧthɔfəl.

1 AŋKɔrenth 8:11

kotȧy-e ɔwuni urant ɔwe-e, pə yi mɔ ɔwɔnt ta ɔwe Krayst ɔ fi-e, a ləsər kɔ salata kȧtȧrȧ tȧy ka mu.

AŋKȧletia 2:12

Ȧtesoma-e yeŋka afəm alɔm aŋ der kəwur ka Yeməs-e, ɔ di yi tȧbona təlɔm, kɛrɛ maŋ der-e, ɔ kȧl mədarəŋ kɔ gbaskinɛ rə kənesa ŋaŋ aŋa yi ka ȧŋbirons.

AŋƐfisɔs 5:18

Te nu tis ka mȧber, rə kəthasərnɛ; kɛrɛ yi nu anȧmrȧ yi ɔYina məsəm.

AŋƐfisɔs 5:5

kotȧy-e nə tȧrȧ ti tə tɛntɛnɛ kəpa wuni rəpi, thalɔm wuni nɔkɔ-e, thalɔm wuni ba ɛfɔr ɛyamari-e, ɔwe yi mɔ ubȧtho arɔŋ-e, ɔkati ɔ ba hɛ ani ka rȧbȧy ra Krayst yi Kurɔŋ.

AŋKɔlɔsi 3:5

Tiyȧŋ dif nu mafela ma ȧdȧru, pə yi mɔ-e kȧrəp-o, mȧnɔkɔ-o, ɛnanɛ ɛyifas-o, mȧfela mələs-o, dɛ yi ɛfɔr ɛmara ɛyɛ yi mɔ kȧbatho ɛrɔŋ.

2 AŋThɛsȧlonika 3:14

Ɔwa bepi wuni o wuni ɔ bɛnɛ hɛ ȧtȧ sə po pa ka ȧŋreka aŋe-e, lomar nu ɔwuni kati, ɔwa gbaskinɛ nu kəwur do rɔŋɔŋ, kȧmȧ ɔ lap.

2 AŋThɛsȧlonika 3:6

Sə yamari nu, awɔnt, ka ȧŋes ŋa ɔMarki kȧsu Yisɔs Krayst, kȧmȧ nə gbaskinɛ kəwur ka uwɔnt o wɔnt ɔwe mə kɔth rə kəthanthonɛ, thalɔm ɔ wop hɛ mathəksa ama sə po sɔŋ.

1 Timɔthi 3:3

Ta ɔ te yi wuni mun məber, thalɔm wuni sɔŋkɔ sɔŋkɔ, ta ɔ te ba rədir ta akala-e; kɛrɛ ta ɔ yi umuyu, uthɔfəl, ɔwe te fela rəka ra wuni lɔm;

1 Timɔthi 6:5

kapɛnsanɛ ka afəm aŋa ba ɛnanɛ ɛləs, aŋa te tȧrȧ tȧteŋ, ɔwa aŋ nanɛ kəpa kəfatər Kuru kə yi aroŋ da kəsɔthɔ.

2 Yɔn 1:10

Bepi wuni o wuni ɔ der ro mu ɔwe te kȧrȧ mathəksa ame, te malanɛ kɔ;

Kȧŋȧibinɛ 2:14

Kɛrɛ i ba kəthɛkɛ mu ta tȧy təlɔm, pəkasifɛ mə ba ŋaŋ kətɔŋ ka mu aŋa wop mathəksa ma Belam, ɔwe thəksa Belak tə kəgbɔns aŋwuth ŋa Isrɛl kȧmȧ aŋ di ɛyɛt ɛyɛ a po wurɔ sathka ka ɛrɔŋ-e, dɛ yi tə kəyɔ kərəp.

Kȧŋȧibinɛ 2:20

Kɛrɛ i ba kəthɛkɛ mu ta tȧy təlɔm, pəkasifɛ mə malanɛ ɔwuni bom kati Yɛsibɛl, ɔwe telanɛ unȧbi ubɛra. Ɔwa ɔ thəksa, kɔ kȧl yɛthas ɛbɔy ɛ mi tə kəyɔ kərəp, dɛ yi tə kədi ɛyɛt ɛyɛ a po wurɔ sathka ka ɛrɔŋ.

Kȧŋȧibinɛ 21:8

Kɛrɛ ŋaŋ aŋa ba rənes yi ante lanɛ, dɛ yi aŋləs-e, yi ŋaŋ aŋa dif kəsias-e, yi aŋfəm arəpi, dɛ yi anthupəs-e, yi ŋaŋ aŋa ramnɛ ɛyɛt ɛbumərnɛ, dɛ yi afəm ayem bɛ-e, aŋ tə ba ɛgbap yaŋ ka ȧŋbonka ŋa nȧnt dɛ yi salfər. Rafi ara bekȧ mȧrəŋ, riyȧŋ.

Kȧŋȧibinɛ 22:15

Ȧtesoma-e, maȧən-o, aŋmɛn-o, aŋfəm arəpi-o, aŋfəm adif-o, ŋaŋ aŋa ramnɛ ɛyɛt ɛbumərnɛ-o, dɛ yi wuni o wuni ɔwe bɔthər rəyem-o, ama ɔwe fɔf rəyem, ŋa bɛ aŋ yi rokaŋ ka kȧpet.