1 AŋKɔrenth 5:10 - Ȧŋlemrȧnɛ Ȧfu

¹⁰ Kɛrɛ i lei hɛ aŋfəm arəpi ŋa ȧdȧru are, ta a pa ras ŋaŋ aŋa ba ɛfɔr ɛyamari, thalɔm aŋkey aluk-e, thalɔm ŋaŋ aŋa mə ramnɛ ɛyɛt ɛbumərnɛ; bepi pə yi yaŋ-e, thambe nə wur ka ȧdȧru.

1 AŋKɔrenth 5:10 ပူးပေါင်းရင်းမြစ်များ

Luk 18:11

ƆFaresi ɔ təmȧ ɔ ramnɛ yaŋ ka aŋyɛthɛ ŋɔŋ, Kuru i mɔmɔ mu ma i te yi mɔ afəm alɔm, i ba hɛ kansoŋ, i ba hɛ məkənə, i yɔ hɛ kərəp, hali ɔthoŋkla ɛfȧk ɔwe-e, i yi hɛ mɔ kɔnɔ.

Yɔn 15:19

Bepi nə yi aŋa ȧdȧru, ȧdȧru rə tə bɔthər aŋɔŋ: kɛrɛ ma nə te yi aŋa ȧdȧru, kɛrɛ i po thith nu kəwur ka ȧdȧru-e tiyȧŋ ȧdȧru rə gbɛŋa nu.

Yɔn 17:6

I po tɔri ȧŋes a mu ka aŋfəm aŋa mə sɔŋ mi kəwur ka ȧdȧru: munɔ ba ŋa, ɔwa mə sɔŋ mi ŋa; kaŋ po wop ȧrim ra mu.

Yɔn 17:9

I ramnɛ taŋ, i ramnɛ hɛ ta ȧdȧru, kɛrɛ ta ŋaŋ aŋa mə po sɔŋ mi; pəkasifɛ munɔ ba ŋa:

Yɔn 8:23

Ɔ pa ro ŋaŋ, Nia nə wur roratha, minɛŋ i wur rokɔm: nia nə yi ka ȧdȧru are; minɛŋ i yi hɛ ka ȧdȧru are.

1 AŋKɔrenth 1:20

Reke ɔtempi ɔ yi-a? Reke ɔgbal ɔ yi-a? Ɔthonka ka ȧdȧru are kɔna? Kuru ɔ səki hɛ kȧtemp ka ȧdȧru are apəŋk-i?

1 AŋKɔrenth 10:27

Bepi ukin ka ante lanɛ ɔ muti nu ka amet-e, ɔwa nə nanɛ tə kəkɔ-e, di koko bɛ ara a bot rodi ka nu, ɔwa te yifəth tȧy o tȧy salata ȧmerȧ.

1 AŋKɔrenth 5:11

Kɛrɛ i gbalər nu tə kəte kulunɛ ka wuni ɔwe a bont uwɔnt ka kȧlanɛ bepi ɔ yi wuni ɔwe mə yɔ kərəp, thalɔm ɔ ba ɛfɔr ɛmara, thalɔm ɔ ramnɛ ɛyɛt ɛbumərnɛ, ɔwa bepi ɔ nal-e, bepi ɔ tis-e, thalɔm bepi ɔ yɔ kansoŋ; nə yi hɛ ras tə kədi yi ɔwuni wunɔŋ.

1 AŋKɔrenth 5:9

I po gbalər nu ka ȧŋreka a mi tə kəte kulunɛ ka afəm arəpi.

2 AŋKɔrenth 4:4

Ka ȧŋgbȧp a ŋaŋ ɔkuru ka ȧdȧru are ɔ po fithəs ɛmerȧ ya ante lanɛ kȧmȧ ɔwaŋ wa mapa məfinɔ ma aŋyiki ŋa Krayst ɔwe yi mȧbȧlȧnɛ ma Kurɔŋ ɔ te gbɛnthar ŋa.

AŋƐfisɔs 2:2

ro pə yi nə la kɔth ka matanɛ ma ȧdȧru are, kətȧŋȧnɛ ka ɔbȧy ka ɛfɔsɔ ya aŋfena, pə yi mɔ-e aŋyina aŋa mə korakora ɛmerȧ ya aŋwuth ȧthȧnthonɛ.

AŋFilipai 2:15

kȧmȧ nə gbəli yi apaŋi tȧy, kəte ba məthɛkɛ, mɔ aŋwuth ŋa Kuru aŋa te ba apora kətɔŋ ka rəkomra rəgbərəfanɛ dɛ yi rəkənɛ-e, ɔwa nə yi tə kəgbɛntha kətɔŋ ka ŋaŋ mɔ ɛmothȧ nɔru.

1 Yɔn 4:5

Ŋaŋ aŋ yi ta ȧdȧru: tiyȧŋ aŋ fɔf mafɔf ma ȧdȧru, ɔwa ȧdȧru rə təlȧ ŋa.

1 Yɔn 4:7

Ambɔthər a mi, maŋ bɔthərȧnɛ nu: kotȧy-e məbɔthər mə yi ka Kuru; ɔwa wuni o wuni ɔwe mə bɔthər a po kom kɔ ka Kuru, ɔwa ɔ tȧrȧ Kuru.

1 Yɔn 5:19

Saŋ sə tȧrȧ kəpa sə yi ka Kuru, yi ȧdȧru bɛ rə yi ka aŋfɔsɔ ŋa Sethani.

Kȧŋȧibinɛ 12:9

Ka a wurɔ ȧŋninkinanka ubana, pə yi mɔ ȧŋbok ukur ɔwe a tela ɔkərəfi dɛ yi Sethani, ɔwe tɔns ȧdȧru bɛ. Ka a fitha kɔ ka ȧdȧru dɛ yi aŋmȧleka ŋɔŋ sɔ.